一早5：30就起咗身，因为6：45就要去到陈家祠上车了，超级眼训啊，囡囡半夜起身食奶，食咗奶唔肯训觉，玩咗成个钟先肯再训返，偶内个郁闷啊！眼训到晕！3顶住眼训，快D洗面刷牙着衫，唔好迟到先得，如果唔系LALA就唔等我了.......
6：40到咗陈家祠，已经有唔少嘅团友响度等紧了，LALA未来，见到同行嘅同事都已经到埗，咦！有好几个妈咪都系一支公去，准备好晒装备，睇来都系拖粉一族了！
够钟了，总系有D团友中意迟到嘅，车仔迟咗10分钟开出，睇来过关要迟成个钟了，唉，无计咯！
一路上，同隔离果位拖粉奶爸有倾有讲，奶爸系第二次参加呢种拖粉团了，经验比我足，我都系第一次喳！第一次就俾咗LALA了
讲起去德福广场，奶爸都系第一次，佢已经上网揾好晒路线图了，拿拿林影低价真栈个位置先

过关果然超多人，好在10点钟左右就搞掂晒港深两地嘅关口了，发条信息俾阿娘先11点几终于到达德福广场了，攞咗满1K送50嘅小册子之后就自由活动了，同事要去屈记买雀巢能恩3段，207HKD一罐，哇！要排队，真系夸张了，我同另外一位同事响大快活门口等咗差唔多20分钟了，肚饿兼脚软添！买奶粉嘅同事俾晒钱就将奶粉寄存响屈记，跟住我地三个就揾野食医肚仔了，本来想去大快活，但貌似有DD贵，听LALA讲过，美心嘅套餐饱肚D，就三个人直奔一期德福，但点知原来身处二期，唔识得点去一期添，行来行去揾唔到美心，又重新走去大堂问个靓女，真系肉鬼酸了！个同事就话了，人地一睇我地就知道系大陆灿头了
终于揾到美心了，买咗个套餐，上图片先，叉烧拼烧鸭，32HKD，加埋杯奶茶，8HKD

继续行程，医饱肚仔之后就揾万宁了，顺便响度提下有位阿姨响我地商量紧点去揾万宁果阵，佢经过就听到，即刻就问我地系咪揾万宁，跟住就话俾我地知万宁应该点行点行，真系要赞下香港人嘅热心了，等我地缩短咗揾路嘅时间，去到万宁，谂住睇下有无平价沐浴露买，上次阿娘响万宁扫咗袋装强生沐浴露70几蚊HKD，睇下今次有无先，一去到万宁，都唔系太多人，有几个可能系团友，响度周围问攞印花换枕头，唉，我先醒起自己有10几个印花唔记得带过去添！变咗浪费咗了！见到强生沐浴露，哇，超抵啊，三支800ML+两支300ML，78.9HKD，不过都好鬼重啊！为咗阿囡，重都要啦！俾咗钱就行人了

响万宁出来，时间尚算早，直奔淘大商场、价真栈了，好在问过同团果位奶爸啫，都知道大概位置响边度了，哦，醒起仲要响药房买送俾奶奶饮嘅大克宁奶粉，快手D行先，揾到淘大商场，里面有间SASA，行咗下，无乜野要买就出来了，再去惠康先，D野嘅价钱排得上屈记，个人觉得仲要贵D添啊，无出手，同两个同事拿拿林闪人，行返出来，揾到附近一间打住“正”货标志嘅药房，就响淘大商场附近果间“鈞興“，里面D品种都几多下，不过价钱就会比屈记平D，但又比其它药房贵D，但谂住系“正”货标志，贵果三几蚊就算了，入去扫咗大克宁、筋络通、撒隆适、吴德物次、小儿感冒素、PEARS、莪术油、黑人牙膏，花费445HKD大元

响药房出来，行过两步就揾到价真栈，好细个门面，差D就行过龙了，劲多人，可能佢地又啱啱响度摆紧货，照入去啦，睇下有乜野啱嘅都好，好多朱古力啊，原来价真栈主要系卖朱古力嘅，控制唔到自己扫咗一堆仔朱古力同埋6杯仔奶酪，上图

俾人攞咗沙发添，等我继续坐板凳编辑，价真栈出来就已经两点几了，要去买奶粉了，好在之前响网上已经响纽纽牛订咗18罐K2同K3，仲有帮FR带嘅一盒K3便携装，直接落地铁，搭咗15分钟度到达太子，之前问过舅母，响太子中旅社附近有几间找换店唱港纸都几多下的，反正都要去果边攞奶粉，先唱港纸再算，比较咗下几间嘅汇率，揾咗间好似叫“快達“嘅唱好港纸后就开始揾纽纽牛了，其实之前都已经下载咗纽纽牛个地图了，但因为HK个交通方向同我地调转咗嘅，所以我一企响个路口就开始晕了，无晒方向感，二度赞下香港人系热情有礼嘅，问咗个响街边倾计嘅中年男人，佢好有耐性讲俾我地知，仲睇埋我响网上DOWN果个地图话俾我地应该点行，真系多谢果位中年男人了，去到纽纽牛，个老板同个老板娘都好好倾，又教我点样验粉，又教我地点睇产地同埋配方成分表添，佢地仲好好人，唔单止帮我打包18罐奶粉仲送咗三杯WATTIES嘅有机食物俾我添，仲送埋我同另外一位都系去纽纽牛拖粉嘅靓妈去地铁站口，SHOW下便携装嘅奶粉同埋WATTIES嘅有机食物先

响纽纽牛出来已经系3点几4点钟了，搭返地铁返去德福，有D肚饿了，去个HIGH TEA先，大快活有平价嘅，顺便搞掂埋夜晚果餐，肚仔有得8成饱了，再去零食物语扫多咗小小零食，返去氹下只猪老公先

你参加乜野团啊？我参加果D领队会讲的

果18罐奶粉真系拖到我非常攰啊，回程个个都训到猪咁，但我可能攰过头训唔着，唉！返到广州之后即刻打的士返归了，返到屋企肚屙添啊，兴幸无响车上面发作，如果唔系真系赖晒野啦！

好啦，一日行程结束，拖咗一日粉，攰足两日又屙足两日，真系晕

系三个人去的，但同事只系帮我攞咗D轻嘅野，奶粉全部系我自己拖返

一小块果只？9HKD

唔怕的，而家海关主要系查IPHONE同IPAD果D，你几箱奶粉，要罚都系小数目

回复 Bella妈 的帖子

一个人系6罐，你自己睇住办咯，而家海关查得最多系带IPHONE同IPAD果D，奶粉好少查

唔使，就系随身包包要过机

唔使，就系随身包包要过机

唔使，唔使咁怕

响德福里面果间零食物语买噶，63hkd

唔算了，大把同团嘅妈咪劲过我啊！