今日5.1大小朋友都放假，爸爸本来话带我地去雁洲食海鲜，后来怕热又怕人多，又唔知边间抵食好味，最后决定都系去景记。
11点几就到啦，好符合爸爸心急的习惯。哈哈。

时间好早啊，无咩人嘅。等我慢慢影多几张相先。

三文鱼，呵呵，我们这里也有

餐厅岩岩进货啊，我地见到好多象拔蚌，三文鱼。
三条三文鱼大家估下几多斤？答案系四十几斤啊。见到甘大条三文鱼流口水未呢？







象拔蚌为什么这么丑？



为保证进货新鲜，有进货哥把关的。现场我就听到进货哥说，依只象拔唔要得！
其实系边只？我都唔知，边识分姐？



这是带子么？



爸爸想点沙虫，服务员姐姐就推荐萝卜丝沙虫汤，但爸爸知道我怕虫，哈哈，无要。





妈咪好耐无食过花鱼，爸爸就点左一斤。





清蒸鳄鱼肉几好食架，上次食过，依次无再点。



三文鱼头３８蚊一斤。称左一个鱼头一条尾焖苦瓜。





今日我地嘅大老细－－爸爸！仲有写菜的姐姐。

爸爸来之前订左位啦，就怕今日5.1人太多。
但系而家甘早，哈哈，大家睇下，我地系第一台人客呀。

大厅都未有人客。



上二楼咯。



二楼好多间房，房名全部用景字尾，旺景，顺景，和景。。。。



６大２小，细细间房几骨子，都几好。

服务员姐姐个个都同爸爸好熟，好热情，
服务员姐姐话，旧年5.1就无甘忙，假期长D人出晒去旅游。今年就好生意啦，忙到想休息都唔得。

我地碗筷都未洗完，茶都未斟，半斤白灼麻虾就上菜啦。我地第一台，肯定快啦。
麻虾细细只好鲜甜，妈咪一食就知系正宗麻虾啦。
我地屋K的小吃货最中意啦，我食左几只，真系好甜唔使沾酱油都好鲜，留番比细细个食。



三文鱼刺身50蚊十件，算厚切啦。
入口爽口肥美，好正，新鲜。
就系D酱油唔正宗，好咸。
唔知系咪中餐厅的原因，连姜丝葱丝都一起上，比你鱼生刺身两种选择哈哈。
其实刺身即系鱼生姐，但食三文鱼我都系喜欢用芥末加酱油咯。





好肥



依块系鱼尾，我最唔中意食。
因为瘦的三文鱼，到尾部的口感会好多“根”，好韧嘅。
好彩，衣条鱼够肥，鱼尾都算好食。



三文鱼头焖苦瓜。鱼头有肉又好肥好多油脂，而苦瓜一齐，焖得好入味。
一肥一瘦的搭配，
我第一次食依个菜，觉得两样食材搭配几有新意。



清蒸笋壳。
笋壳真系好食，肉系实嘅又无骨，够鲜甜。可惜酱油太咸，太抢啦。
爸爸妈咪话，笋壳同花鱼，都系珠三角先有得食，正宗咸淡水交界的水域先有架。



荷叶蒸花鱼，用红枣杞子香菇做配料，稍淡。
花鱼本身够肥够大条，而且好多有“鱼春”架，但唔够甜肉质比较梅，
爸爸话，而家D花鱼都是饲养啦，肯定无以前甘好食。
的确，细个的时候，印象中花鱼系好甜嘅。



酥炸珍珠蚝，脆卜卜好得意，配埋个甜酸酱，好得人中意。





上汤辣椒叶，辣椒叶好嫩，系点菜的姐姐介绍嘅，连小朋友都中意食。



送嘅主食，我地拣左马拉糕。好大碟哦，D糕好松好软，热辣辣食好正，好抢手。



水果都系送的，而家D西瓜甘红嘅？但系好甜，我食左好多三文鱼刺身好漏，西瓜几乎全包。



睇图就知道边样最抢手啦，除左花鱼稍淡，其他都好好食。



食得差唔多，两个小吃货缠住我妈咪玩，小猪同婆婆捶背，表妹揽住麻麻锡。好开心呀，哈哈。

五一节啦，好快就系母亲节，今日算系预演啦，下一餐仲未计划好，去边度食好呢？8

南郊景记餐厅，以海鲜为主。
价钱唔算贵，食材好新鲜，用料好足。
黎左甘多次，我觉得味道都算中上，师傅都几掂啊。
服务员多数系姨记，所以唔会比脸色你睇，反而会同你逗个细路哥。我觉得姨记做服务员比果D妹妹仔好多呢。
环境OK，大排档式算可以啦。
茶位２蚊只收大人。

六个菜，一个刺身。送主食送水果。
６大２小，
6个茶位，一共375蚊。







原来11点20分我地就开始写菜，哈哈。

景记系爸爸同班老友的饭堂啊，好似每星期几就来聚餐，所以同D姐姐好熟。
我地黎左好多次食饭，但之前请朋友亲戚食饭，我唔好意思影相咯，哈哈，所以而家先写介绍。





等我地食完饭出来，发现，刚才无车的停车场已经停满晒啦。
吃货系最识稳食架啦，哈哈。
睇边间餐厅多车停，肯定唔会太差鸡嘅。





谢谢观赏！

哇，好丰富啊~~~~~~~~~~

又有好野食

系啊，要多谢大老细咯。

无办法，睇我地一家人的身材就知道。

楼主好识食啊~

更正一下楼主。。。 我对三文鱼有研究，一般不超过20斤的。。。 你唔好吓亲我啦，加上一看图片，如果是40-50斤重，哪有这么细条。。。  你真识开玩笑。。。

至于是否国产三文鱼，下回分解，哈

你都无睇清帖，我讲系三条一起几重啊？

好详尽噶稳食指南啊。

好耐无食酥炸生蚝呀！想食呀！！小朋友真系好乖呀，霖到嫲嫲晕晒啦

无错, 是我眼花...哈

妈咪笑的好开心啊~~~两个宝贝抵锡