话说去到香港稳埋旅店都已经下午1点半拉，放好晒D野马上稳地方医肚先拉，我饿扁拉，朋友真是无讲错，我地哩间旅店最好既是地理位置，一落黎就是朗豪坊，周围咩野食都有，由于真是太饿拉，已经唔可以考虑食咩好，我地就系附近稳左间“吉野家”就冲左入去拉，马上点餐，见距餐牌有个加量牛井饭，就决定点哩个拉，

老公就点左个“温泉蛋牛井饭”个样都几好

两个饭加埋饮料一共85元港币，不过话讲翻转头，我觉得香港既“吉野家”比深圳既好食好多啊
食饭完本身既计划是同老公出发去浅水湾既，不过望下个表，已经2点几，唔想搞到甘赶啊，我地今次既目的就是想悠悠闲闲甘放松一下，如果为左要去一个地方，又搞到赶头赶命甘，就无意思拉，所以我同老公马上决定放弃去浅水湾拉，我地就过海同铜锣湾行下拉
去铜锣湾可以选择搭铁，其实哩个是最直接最快既交通工具，不过由于我地今日浅水湾既行程取消左，即是今日无其他目的地，所以我地决定先坐车去尖沙咀，再搭船过海去因为我几中意系香港搭船加，一来船费平，二来又可以望下个海，特别是宜家既天气，未算太热，吹住海风，感觉好舒服啊

大巴上既自拍，哈哈，太自恋拉我

大巴上的风景，

码头的报纸档，提醒大家要注意，系码头对面就海港城既许留山，果度卖既外卖比其他既许留山都要贵10元啊，我地买左杯芒椰奶西，要32元，后米系旺角既许留山同铜锣湾买，先22元咋，而且买两杯仲有优惠，但哩间就无，所以大家要留意啊。
尖沙咀码头可以过海去两个地方，一个是铜锣湾，一个是中环码头，今日我地搭果个是去铜锣湾既，听日仲会搭去中环码头再转船去长洲加，大家可以留意一下。好啦，我地出发搭船去铜锣湾拉

入闸拉，等船既时候我地又系度自拍自恋一番，

我个人好中意哩张啊，所以要摆上黎比大家睇下，大家轻拍啊上多两张维景既图拉，



搭完船我地就慢慢行去铜锣湾行下，之前老公一直都话想买多部NEW PAD，因为我地宜家部2是WIFI版，老公成日话出去上唔到网，一D都无用，所以距一直想买部NEW PAD既4G版，所以我地今次黎到就打算睇一下咯，点知所有“丰澤”都无货，而“百老汇”16G既4G版竟然要卖5288太坑爹了吧？？甘既价格我是肯定唔会买既，所以我地毫不犹豫甘调头走了，后米系无心之下行铜锣湾D地铺竟然见到有得买，仲要是16G既4版价格先是4788甘米即是比官网仲平左100大元？点解会甘加？心里面开心之余又有小小担心喔，唔会是假机吧？后米问个老细点解会平左100蚊，个老细好直甘答我地，我唔平D边个会同我买啊？？哈哈，甘又是，一样价个个都稳大连锁买拉，私人档肯定唔好做，而且我问清楚距话都是苹果保修既，老公都话问题应该不大，所以我地好爽快甘想买单拉，点知老细竟然话如果刷卡要比手续费啊，老细话本身已经无咩钱赚，所以如果要刷卡要收手续费，话要收3个点，齐头收我4900喔，咩话？甘米又贵左？我唔制啊，本身冧住平左100蚊好开心加，点知要刷卡计翻手续费仲贵左，但我地又无带甘多现金喔，点算好？后米同老公商量决定先唔买住，去睇下有无银行可以提款先，因为我记得之前去泰国玩，就是系柜员机直接提钱手续费都唔会好贵，而且汇率是按当天银行汇率，仲抵过系哩度兑换，就算无得拿钱都唔紧要拉，我地大把时间可以去其他睇下有无货都可以，所以我地就同老细讲声话睇睇先，就走左拉，后米系附近有银行，我地就入去睇下可唔可以提款，结果就紧是得拉，我直接提港币出黎，终于抵过市价买左部NEW PAD拉
话比大家知关于香港银行提现既收费标准，我翻到黎屋企查左一下，我是用中行卡提现既，距手左我15元一笔既手续费，另外我查询过余额，又比距收左我4元，不过比起个老细要收我118元既手续费，点都是抵左既，但是话比大家知，银行收你既手续费是每一笔计加，但一般银行每笔提现最多都是4000蚊，如果你再提多一次，又要收多你一次手续费加，而且最好是唔好查询，只要你大约知道自己账户有几多钱就可以了，因为每次查询都收你4蚊费用加  PS：我觉得中行既收费都是高左D拉，我之前去泰国用招商提现，每笔都是收10蚊既手续费，而且查询是唔收钱加，所以我一直都话我是中意招商多D既
买完PAD PAD我地又续集出发前进，系G2000见到衬衫有特价，话说系香港既G2000买衬衫真是比系广州买平好多，我之前帮朋友买过几件，翻到广州对比价格，平成半一D都无夸张，今次我黎之前系北京路睇过下价格，广州宜家衬衫做特价是499两件，哩度宜家是429两件，499三件，仲要是港纸，你话抵唔抵？由于老公宜家上班一般都是要着衬衫西裤，所以我地马上毫不犹豫甘入去拣左几只款试一下，试过码数岩，马上买单，另外本身想睇埋西裤加，不过距宜家做特价既款睇唔岩，睇岩既要正价，我地决定唔买住，等我翻到旅店上妈网稳个会员卡可以打折听日先再买，睇下只表已经成8点拉，行左成个下午加一个晚上，又开始饿拉，而且都好累了，所以我地决定坐车走拉，翻旅店附近稳食，食完早D返去休息下，听日要早起去长洲拉

话说地日一早我地本身想7点起身去长洲加，不过唔知是米前一日早起加行得太累了，我同老公都唔想起身，后米唯有拖到8点先起床，马上刷牙洗面就出发拉，我地今日都是选择坐车去尖沙咀码头再坐船去中环，因为宜家广州已经好少机会可以坐船，而且广州既珠江个人觉得真是无咩好睇，所以黎到香港我想坐多两次船睇下风景吹下海风，话说坐去铜锣湾我都坐过几次，不过中环我都是第一次坐船，原来坐船去中环是有分上下层加，上层相对会贵D，下层就平少少，出发拉

我地就是坐哩部船去中环加拉，蓝天白云~~我最中意加拉，吹住海风，感觉好舒服啊
到左中环码头行出黎向右手边一直行，你就可以稳到去大屿山或者长洲或者南Y岛既码头加拉，

每个码头出黎都有长长既小路是有野遮头既，比较贴心大热天大家唔会比太阳晒，

6号码头是去大屿山既，5号码头是去长洲既，

仲有4号好似就是去南Y岛既，好噜，我地又出发拉~~~
入闸拉，长洲我黎拉~~



坐定定等开船拉话说坐去长洲既船费真是唔贵，慢船是12元，大约开1个钟，快船是22元，大约35分钟就到了，我地本身就打算去既时候是坐慢船既，因为觉得时间都唔算赶，翻黎就坐快船，甘就可以两种都感受下拉，其实出外玩就是应该要甘，咩都要试一下，结果发现我地哩个决定真是太对拉因为早上就时候太阳唔大，慢船因为是开放式无玻璃窗既，可以比你慢慢感觉一下大海既海风同两岸既风景，等到下午我地翻黎既时候，因为是太阳最毒辣既时候。坐快船是有空调既，会比较好，

港岛下下千万既豪宅都比我影低下拉

到拉到拉，好开心啊，一出到黎就见到有好多档口系度问你要唔要租房拉，可能由于宜家未系旺季，而且唔是星期六日，所以我觉得房价唔算太贵啊，起码比香港既酒店旅店都平，不过可能是因为距地哩D都是民宿，所以都唔会太贵
出到黎码头我地就周围行下拉，首先向左手边开始行，沿路好多铺头仔买精品既，

感觉环境好舒服啊，同香港既感觉完全唔同，香港就好似是购物天堂，繁华，但人太多拉，哩度就是一个宁静既小岛，好悠闲，我地就甘系度闲逛都觉得好舒服拉，而且虽然晒少少，但近海有D海风吹住，唔会觉得好热，我已经完全爱上哩度拉



哩D人力车全部都是出租加，下次我地再黎既时候我一定要租部再周围踩下，当然，前提是要有人搭我先得拉，冧到都开心拉

长洲随处都可以见到有猫既，但一般距地都好乖唔会攻击人加





长洲居民自己住既屋，其实感觉有D似沙扒湾，不过感觉哩D比沙扒湾好少少，沙扒湾宜家已经太商业化拉

另一边既沙滩，哩边既环境更加好啊，

哩D就是租比游人既度假屋，可惜我今次已经订左两晚既旅店，如果唔是我一定会系度住一晚啊，我最中意哩D蓝天白云加海滩加拉所以我马上同老公约定下次我地一定要再黎多次啊

甘靓既环境等我都臭美一下拉

老公都出镜拉

其实长洲话大唔大，话细都唔细加，今次我地都无行晒啊，下次一定要租部车兜晕距啊

天气太热拉，附近既居民都带只狗狗出黎玩水降温啊，



人地既沙滩真是保护得比较好加，D人唔会随便掉野，岸边都好干净加，哩样野真是好值得我地学习一下

睇下距地几舒服，所以话下次我地黎都一定要住翻一晚啊

同老公悠悠闲甘漫步，发现有时生活就是甘简单，唔需要点大富大贵，只是希望有时间两个人可以出去走走，睇一下外边既世界，放松一下心身，让心灵可以有个交流。休息，其实是为左可以走更远既路，但愿我同距未来既路都可以有对方既陪伴，相互扶持


继续长洲既大街小巷






好啦，午饭时间到拉，我地系码头附近稳左间大排档解决我地既肚，价钱就是好抵拉，158有3个海鲜加一个菜，不过个人认为味道就一般拉，听老板娘话我地如果人多可以选择去市场买海鲜黎比距地加工加，甘D海鲜可以自己选买靓D既，我地下次都要甘试下先得



不过话又甘话，虽然我地觉得哩间大排档味道一般般，不过系食饭途中竟然发现TVB既工作人员同演员都黎左哩度食饭啊，事关距地今日黎长洲拍剧喔

  

距地系度讲紧剧本，哩间铺我都系度买左个大包平安散银袋啊

哈哈，哩个动作都比我影到，我都觉得自己好厉害啊，

啊婆个样好慈祥啊，不过可能年纪大拉，见距除左拍剧既时候，就甘行都会要人系旁边扶住

估计哩个都应该算是主角加拉
睇左一阵人地拍剧，再行左一阵，由于下午既太阳真是太毒辣拉，我地都是抵挡唔住距既威力，所以决定走拉，下次有机会再去既时候，一定要住一晚，甘下午我地就可以系旅店度休息一下再去游水拉

我地就是坐哩部快船走加拉，下午甘热，有空调真是爽好多加，

长洲，再见拉，我地下次再黎过

顶你了，快点上下节课i

顶下哈  呵呵

期待下集

长洲翻到中环之后我地就去做IFC行逛一下，顺便去苹果专卖睇左下，真是好多人啊，其实NEW PAD哩度都可以买到，价钱是4888元16G既4G版，不过我地买是4788，算是平左距少少拉，如果之前刷卡要比手续费甘就真是唔抵拉再次证明我地既决定是正确既，哈哈~~行左阵老公就话累了，OK，无问题，我地搭铁翻旅店休息一下先拉，真是好彩旅店附近既交通方便咋，所以我地马上决定搭铁翻去休息一下先再出黎稳食。
休息左一阵我地就去朗豪坊既美食广场食饭，我地去左元气寿司大食左一餐，可惜无带相机出去，所以无影到相拉，食完我地再系附近行下买埋D日用品，大家都知加拉，每次黎香港日用品好似是必买既，其实冧下觉得好蠢加，虽然是就是话平D，又可能靓D，但是就拎惨死既，不过无办法拉，屋企人知道我地黎每次都落单叫买，为人仔女真是伤不起啊
大包小包甘拿到翻旅店，马上将距地打包好，旅店仲有一个好处就是就算你听日退左房，但是行李可以寄存系果度先，你可以行完街走既时候先去拿翻直接坐车走，唔使你拿住晒D野再行街，讲真如果真是要我拿住甘多野行，我真是唔想行拉7
所以最后既一日我地都可以轻轻松松甘行街街拉，本身冧住无咩买加拉，点知今日先是大收获因为老公送左个GUCCI包包比我做5周年礼物变左礼尚往来我都买左个银包比距，一于我用大时距用细，我地齐齐用情侣包拉

买完包包我地再稳左间G2000买西裤，因为第一日我地净是买左衬衫，西裤因为无折所以无买，我晚上翻到旅店马上系妈网稳左张8折卡既卡号，今日再黎买过
香港之旅算是完满落幕拉，翻黎老公又要努力稳钱钱拉

PS：用左两日既时间好不容易先写完哩张贴，中间都有想过放弃又或者简短D描述，但最后都是坚持住，因为哩个是我同老公5周年既记录，而且之前系妈网都一直睇其他靓妈既贴，感谢有距地既分享我先受益良多，所以我都希望我既贴除左可以分享我既行程之外对大家都有所帮助，希望到时可以再开一张贴是写装修日记既，所以我宜家又要去马上做功课拉

还有什么心得和见闻啊？继续发上来听听。

没有什么了，就是觉得长洲真是几唔错既一个小岛，有时间可以去放松一下

怎么帮你加分呢？

个袋几钱啊？

写得很好啊

楼主，个GUCCI袋同银包几钱？我打算过几日结婚周年时都买个。

个袋是一万港币左右，零头我唔记得了，银包是4千多点，建议你去铜锣湾sogo买，果度款比较多同新，我个袋是得果度有，其他铺都未见过

大家帮顶一下

在香港如果能在住宿方面省下钱来，其它都是小开销了

不错，帮顶一下

不错，帮顶一下

不错，帮顶一下