餐厅内环境唔错，荷莲朵朵，更显清雅~



另外，因为菜单影得虚化过度，有好几个菜名睇唔到，我就随便根据翻D内容写一下吧~

油豆腐炖狮子头，其实小敏一向对狮子头无感，肉粉粉，谂唔明白点解甘多人中意食。不过D豆卜反而吸收左D汤，变得好有味道，连续食左两件~而且好贴心有蜡烛小火温住，唔会冻到琼左~

糯米莲藕，作为前菜，的确很得我心，软糯的糯米塞入莲藕里面，软糯同爽脆的结合，点上蜜糖汁，甜蜜蜜的感觉，食完一件又一件，完全停唔到手。被蜜糖腻到了？唔紧要，有圣女果帮你消腻呢！

雪里红~我发现呢个好好送饭啊，都几好食，不过我觉得真系好碎，食得有D狼狈，唔方便啊，哈哈~

芒果汁，一扎刚好分得四杯，有D根，不过甜度刚好，最岩我呢D甘中意芒果的为食猫啦~



六六话，呢个角度系经典角度，哈哈~

京葱爆羊肉，无咩骚味，加上京葱的搭配，很惹味的一道菜，不过因为小敏要减肥，所以忍口得非常辛苦~

金牌诱惑~其实就系酒焖猪手，送上黎的时候仲要现场唯一一位男士进行剪彩仪式，我同六六仲系甘叫人地HOLD住比我地影相，哈哈，果然吓亲CICI老公了~



酱汁非常浓，虽然睇上去好肥腻，但入口啖啖甘香，好正吖！最估唔到的系，六六自爆话小宛宛非常中意食肥猪肉，想当年小敏最怕的就系肥肉了，系大个左之后先慢慢接受到，小宛宛后生可畏吖，哈哈哈~



PS：我好中意呢道菜D酒味，不过我更喜欢里面D木耳同西兰花，爽脆！

夏日清爽小炒，同泮塘五秀有相似的地方，菱角，木耳，马蹄莲子小脆瓜，夏天食真系Fit晒~

灌汤包半打，因为有太多菜啦，所以我留到几乎最后先食呢个，里面D汤已经冻了，所以无太大的感觉。觉得汤汁有D过咸了，味道还好吧，唔算精彩~

清蒸白水鱼，呢个系全晚我最期待的一道菜，据说系由杭州新鲜运到，一条约一斤二左右，清蒸售价198一份。鱼肉上面简单铺上姜丝辟腥，肉实略带咸味，感觉无需点酱汁已经可以直接食用，寻晚我单人食了将近四分一条，距地个个都好细食的~

西湖莲子炖山鸡~汤比较清，用莲子炖，鸡肉味道出晒黎，清甜好饮！不过又系因为太多菜的原因，我地遗留了一大盅未饮得晒，实在浪费~

最后上的系六六特登带黎的采蝶轩芝士蛋糕一个做饭后甜品，三个女人边食边倾计，真系好写意~

因为太多菜了，最后都无要到果盘就走人了，下次如果再聚会，真系要好好点菜以免食唔晒先得，哈哈~CICI太客气了，惊我地唔够食，饭间仲猛问小敏要唔要添饭，好贴心~

这次你抢不到沙发了，哈哈~

恩恩，睇黎你今日一日都潜伏系美食版啊~

我第一次食，咸咸地的感觉，其实应该几好送饭的，不过就觉得太碎了~

香干马兰头~难道我写错了？我要再看看~谢谢提醒哈，因为我之前都没有吃过雪里红，所以这个对于我来说很是一道新颖的菜，哈哈~

亲爱的~可以告知一下我关于马兰头和雪里红的区别吗？不懂~

你家小小鱼今年多大了呀？