作为冠军宝宝，我一向都系好守时的哦，所以我地一家人同姨姨八点四十分已经到达出发地---体育西路H出口，今天虽然没明媚的阳光，但是都感觉几舒服唔会太热，我平时好怕热架，呢排婆婆屋企空调都要全天候为我服务，呵呵。。。

    言所正传，九点半终于开车车啦，Let’s Go!今次我地嘅目的地系花都颐和盛世，一听个名就知道霸气十足啦，又颐和又盛世喔听落真系唔嘢少。小编姐姐话行程要个几钟，等我训番觉先，养足精神再去欣赏下个楼盘。

    一觉醒来已经到左楼盘门口，我地落车齐齐影番张妈妈网嘅睇楼团大合照先，喂喂。。前面个伯伯唔该让个位俾我，唔好遮住我啦，唔该！嘻嘻……

弊，大合照要小编姐姐们才有添，大家想睇就请移鼠标去妈网小编度睇啦.呵呵！先睇下今日下午的宠物嘉年华时间安排先

都几丰富波!

行左一阵就来到售楼中心，睇下我在售楼中心玩得几开心,呢度有图书阅览室,儿童活动室.餐厅......

    呢度好高好大啊。咦，门口仲企住几个着婚纱纱的靓女姐姐，睇落都几索下啵，妈咪话果D唔系婚纱嚟架，叫礼服。真系孤陋寡闻啦，唔好话我见识少，因为我只得一岁多D，嘻嘻......

    售楼部的姐姐首先同参加呢次活动的网友介绍左呢个楼盘的具体地理位置同未来的发展前景，仲有参观左一个好大好大的楼盘模型，呢个模型系我见过的建筑模型之中最大最靓的一个，

影后

影前

睇完模型当然系上去示范单位度踩下场啦。上到二楼的御景台，系两梯四户的设计

201单位

202单位

204单位

个个单位都系方方正正，光光猛猛。装修几好，布局唔错，感觉舒适，正啊。我地参观左三个单位，基本上都系一百方左右，全部都系三房两厅的布局，带大飘窗

仲赠送超大面积，感觉唔止一百个方，设计得好合理好实用，等我大个仔赚到钱钱一定买返几间，一间自己同爸爸妈妈、一间俾爷爷嘛嘛、一间俾公公婆婆，一间出租，一间用嚟炒，一间......好似发紧白日梦甘，不过我一定会努力架。废话少讲，上返几张相先:

客厅

饭厅

睡房

       返到售楼中心，有人忍唔住要出手啦！

原来呢个楼盘仲有好多别墅，可惜要预约先可以去参观，只能隔住会所图书馆的玻璃望过去，一幢幢好靓别墅被树木环绕住，仲有小河流水，鸟语花香，外面睇都靓到“铛”一声，真系风水宝地啊。相比之下之前睇嘅洋房好似欠缺左D嘢，唔得！我嘅目标系呢D别墅。

     呢个楼盘配套齐备，有小学、幼儿园、会所、河畔观景花园、运动球场，最夸张就系有埋直升机坪、游艇码头，真系唔野少啊！不过讲还讲，呢度离市中心比较远，买嘢唔方便，如果去市中心睇灯灯开车车都要个几钟，公交线路暂时未有，如果有地铁到就更加好啦。不过六千一方还算可以啦,拿黎度假唔错!

吃左午餐,休息左一阵,到下午两点,开始有我近期最喜欢睇的动物----狗仔,哗,从来没见过甘多唔同品种的狗仔集中一齐架

等我专心睇狗狗,唔好吵住我!

四点半我地就回程啦，感谢妈妈网策划呢次活动，令我开左眼界又玩左一日!