为了BB，决定辞职换环境了

走出社会就进入先公司工作了，数数手指不知不觉已过去6年时间了。6年时间可以改变嘅事情太多了，一切变化也太大了。
6年来一直认认真真努力工作，从最初嘅充满期待到而家嘅厌烦，内心的煎熬实在无法表达。
09年9月结婚了，因为未到晚婚年龄所以只有3日婚假。结婚置办东西都系自己休息去搞掂，没请假。婚后第二日就去上班了，同事问我点解甘快返工，唔休多几日（公司允许请假）。因为我自己唔系偷懒嘅人，觉得自己嘅假期休完就要处理自己嘅工作了唔想对公司造成影响。一直以来我都做好自己嘅本份，甚至份外嘅都做了，同事们对我都系有赞冇弹。但公司就系公司，你多做野做的太多太好都系觉得你系应份甘做，工作永远系加量不加价。
6年时间，有辛酸有开心，酸甜苦辣，结婚后为了工作连要BB嘅计划都推迟了，同老公吵了不少架，错的嘅事永远翻唔到头。一心为工作，但付出与收入永远不成比例。领导换了，公司变动改革了，帮手走了，工作自己包揽了，但工作照旧，工作越做越多，心情越来越压抑了。而家想要BB了，但身体不健康了。求医路上太多心酸了，厌倦了打算放弃了，离婚叫老公另觅佳人，但老公屋企人唔肯放弃我，话没得生就算了，而家好多人都没得生一样系甘过。虽然知道距地系安慰我，但我真系好多谢距地甘包容我。为了唔辜负距地，我又继续求医了。
之前都有发帖写过，同领导提出辞职唔批，同意我请假睇病。但时间一长，很多事情都会变质。有时会一个星期请2次假，有时系一日有时系半日。同领导请假都已经睇晒面色了，虽然领导没出声又没话唔批，但面色就写明系唔想批了。即使公司批假了，但我嘅工作系唔会有人接手分担，即使我休几日，工作量大增都只有系我休假完返去自己处理，除了个别紧急嘅事情领导找人代理，其余嘅只有我自己返去搞掂。
攰了，6年嘅工作，6年嘅付出却不知道得到咩回报，身体垮了，每月嘅工资都唔够睇病。面对而家嘅工作，心情真系太压抑了，病情也没有改善。琴日晚上同老公吵架了，话我唔舍得哩份工导致而家甘嘅情况，钱没剩到，身体垮了，为了BB嘅事今年已经吵了唔记得几多次了，泪水也流得太多了。
老公已经发话了，想病情好转就试下换工换环境。确实，对这间公司死心了，太多嘅不公了，日日上班心情就好压抑了，面对工作更系没了热情觉得上班嘅时间系受罪。同我比较好嘅同事也劝我，为了自己嘅人生大事，哩份工唔值得我甘嘅付出，压抑嘅心情对于病情没有帮助只会向更坏嘅方向发展。
想想老公及同事嘅话，确实也对，6年时间里自己对公司问心无愧，这公司已经唔值得我再继续呆落去了，为了自己身体着想，为了家庭，我决定10.1假期后上班就辞职了。
虽然家庭不富裕，但都唔至于我辞职就受到影响。农村嘅生活比较悠闲，瓜果蔬菜对于自身系农民嘅我来讲不是问题，生活开支比城市低。
工作6年时间，自己未真正好好放松过，打算辞职后奢侈一次去旅游，时间长D，四围走走睇睇，将心中压抑已久嘅情绪心情在旅途中放下。轻轻松松归来，重新进入新的生活寻找新的工作，为BB到来继续努力。

2012/10/02