大姑系我与奶奶（家婆）之间吵架的导火线

寻日下午落班返到屋企一进门就见到厅门处于半开状态，心想在想肯定是LG去上班时又忘记锁门了，但当我一推开门就见到里面一片狼籍，整个大厅都放满我眼熟的杂物，心里当时一慌系度谂系唔系有贼入屋呢？我就落一楼（我地住二楼，奶奶住一楼）问奶奶点解个厅放满杂物的？奶奶（家婆）就话大姑买左张床返来（原来的床太细唔够训），系度讲讲大姑的情况吧：大姑今年离左婚就回左来住（同我住在一层），距返来住我系无意见的，因为我个人就好重兄弟姐妹情的，我LG兄弟姐妹唔多，就只得一个姐姐，所以宜家大姑有难我当然唔会介意距返来住啦，大姑人好懒（真是未见过有已为人母人妻懒成甘的）。因为之前奶奶（家婆）和大姑无同我两公婆提过大姑要换床的，甘我就问奶奶（家婆）甘多杂物放边度好啊，总不能就放在大厅吧（原来的物杂是放在大姑的床上铺的，大姑的子母床），哇。。。不得了，我那奶奶（家婆）听到甘就好大声（闹人的语气）甘同我：得了，我一阵就帮你全部搬返阿*（我大姑）间房度，甘多地方（指的是我房的衣柜顶）都话无地方放，我就知你宜家阿*（大姑）落难返来住你好有意见好唔中意噶了。讲句真心话其实我根本就无嫌弃大姑回来住，因为我仔细的时候大姑系好锡我个仔的，咩野都舍得买俾我个仔，大姑回来住或多或少都增加我的家务的工作量，距的衣服系我洗的，早餐也煮埋俾距食，家务从来都未帮过忙，仲要我成日帮距执手尾，衣服、底衫裤都帮距收埋折好、又帮距喂埋个女食饭、冲凉、休息偶尔带距个女去公园玩、超市，我买野俾个仔玩或食总不会少距女儿果份，我甘样对距奶奶仲话我嫌弃距个女（大姑）？？要我点做先至算唔嫌弃、先至算系好啊？我就顶着我奶奶（家婆）几句：从边方面我有表现出嫌弃距啊？我唔系话你好搬晒我D野出来，而系你都放好D啊，免得D小朋友见到就拿来玩（杂物有利器、烧烤用的刀刀叉叉），我唔系想同你吵架、系想谂办法解决问题，我老爷（家公）在一旁边睇电视都睇唔过眼了，老爷就话：果个人（家婆）一开声就是想闹架噶了，同距讲咩都无用的。顶完奶奶之后我就上左二楼了，费事听距甘多费话了，虽然我上左二楼无同距吵，但我依然听见距系度闹我，我哩个人唔中意闹架也唔识闹架，就只会讲道理的，但奶奶边听得入啊，顶完奶奶几句个心又跳手脚都软晒了好想哭。后来奶奶真是上来将杂物搬回大姑间房度，一边搬就一边系度闹我，我话：你发悔气是无用的，你宜家搬左入去一阵米又要重新执过。。。，奶奶就是唔听，后来距听见老公返来就即刻收声唔闹了，老公见到D杂物都觉得好奇怪，因为老公都唔知大姑换床，等奶奶落左一楼，我就问老公D杂物放去边度好，老公有点生气了，就话由得距放系度无执，等大姑落班回来执，以我大姑D性格距又点会执啊，食完饭米又系我自己执，距地个个都系度睇电视或做其它野，帮都唔帮下我，执完野拖完地倒完垃圾都差唔多11点了。
自问对大姑我真是对得住天地良心，可无论我点对距地都认为我是衰人。真系烦S人了，以后的日子点过啊？？大姑是长住的唔系住三两日，时间长问题肯定就多了、争吵也肯定多了，大家教一下我怎么办好咧。。。。谢谢各位美妈支招。。。

全部回帖

心想事成的LL沙发

嫌仔妈妈:

但是家婆成日就是因为大姑的事情来闹我，我心理唔平衡嘛，对距个女以及外孙女甘好都仲对我有甘大意见，其实大姑早就有计划要买过张床，但事前可以同我地讲声噶嘛，这也是最基本对人的一种尊重嘛，等我有个心理准备同埋收拾杂物，唔使好似寻晚甘以为有贼入屋，吓一跳

查看原文

其实，你大姑回来住时，你就应该将你的杂物搬走才是，试想下，每天睡觉都比人地的杂物压着，是个点样的感觉？应该是忍无可忍才去买张床回来，让你识做点。再，换个角度想下，如果是你离婚了要回娘家住，却遭此待遇，你又有何想法呢？

2012/10/24回复

东东呛板凳

幸好我有个好家婆，没有这样的大姑小姑，衫都要你洗，理得距啦，虽然话嫁出既女唔代表沷出既水，但系系外家有家嫂，当然要注意下啦，如果因为外家无钱就咁，叫距去死啦，如果唔系，咁就系你奶奶自己恶人先告状，护自己女系人之常情，屈人家既女就小人之心咯，自己女系女，人家既女都系女，你以为个个媳妇都要带套豪宅先至有面咩，妈网有几个妈妈带住豪宅嫁人架，我唸都无几个，我屋企就无钱买豪宅了，咩嫁妆都无，奶奶一样对我万分之好，品质问题，咁既人以后大把机会加D莫须有既罪名比你啦（咁系因为距心虚），顶下LZ啦。

2012/10/24回复