太好啦，安乐晒。吉人天相。

大医院肯定人多，我地呢边D社区医院都系好多人，全部预防针都要系社区医院打，排队都半个钟，无两个人搞吾掂。

吃饭未啊？

你一个人带BB去啊？

有无做磁力共振？

嗯嗯,但系个眼底检查我未做,打算到距三个月时同视力检查一齐做,心痛啊....今日打预防针打左两针哭到沙声甘,我肉都痛晒!!!

做眼底果个先无阴功啊，格硬撑开只眼。
点解要打两支啊？次次都系一支支来。

吃左饭啦,岩BB食完奶就训左啦....上午就老公同我带BB去,下午就家婆同我同BB去...今日岩好系我既预产期啊,呵呵...
阿B仲系有点黄未退完,社区医生话唔紧要噶,因为早产儿系甘既,加上母乳喂养会退得慢点...但系甘耐未退完,我有点担心...
我B未退黄,一谷个面仔就黑晒,好似包公甘....呵呵,希望距退左黄就白返啦.....

因为之前果支卡介苗无打到,依家补返,所以咪打两支咯,一只手臂仔一支,见到距哭,好心痛啊....

就系怕眼底检查,唉,好心痛,甘细个,甘样俾点医生强撑开距只眼仔.....

噤都好，有人陪你去。
放心啦，会慢慢变白，我女出世都好黑，而家生肉撑开D皮就白啦。

哗，噤罗命啊，卡介苗够5斤就可以打窝，我女出院果时打左，果粒痘系慢慢发出来架，发到成片指甲噤大，而家消左。

系啊，无计啦，要根据出世几多周来左，一路做到40周架，所以我女做左三次。

你老公请假同你去？

嗯嗯,希望距快点退黄,了左我既心事......

个医生话会肿大,会化脓噶,不过话正常噶,无事既哦,不过如果我见到甘样既话,我会好心痛....

早产既仲要做多几次咖,我脑干检查三个月时仲要去做多次啊.....真阴公咯...我可怜的宝宝~

仲有无喂退黄药？医生有无话吃边只？

系啊，正常既，仲要系好耐先发出来，我果时仲以为无打到，因为一路都无发大。

呢两日开始喂返,同医生讲左,距都同意我俾距食茵栀黄颗粒,无计啦,今日又去药店执点中药煲水俾距洗...希望快点退~