实在忍唔住！你地作为女士平下理！！

本人系男的，4年前注册MW的ID系为怀孕的老婆做功课用，今日发个贴出来等你地去评下我错得有几离谱！！
事情系咁，经常见到MW上面讲话单独带住个小朋友出街有几危险，包括被拐带的，咁我千叮万嘱叫老婆带阿B出街一定要带手机啊，有咩起突发事上来都可以打电话处理吖！到有事上来你借个电话都难！更加唔希望果D事发生系自己身上！系咁就话左拒3年，始终都系喜欢就带，唔喜欢就唔带！咁好，我算住先！沉日因为好日，我表妹刚好过礼，我表妹就住系我对面屋好近的啫；沉日下午4点左右我就拿4盒饼翻去老婆屋企，翻到去后见到岳母系度杀鸡杀鸭，我就问今日咁好送啊？岳母就讲：你地今晚翻来食饭吖嘛。我就话：乜XX（我老婆）没打电话翻开来咩？我表妹今日过礼唔翻来食饭啊！岳母：没！拒没打过电话翻来，咁煮咁多野叫我地两个点食啊？我：没办法啦，你个女几年都系咁，我都没拒办法！！事情又讲到，结婚几年喇，偶尔都会出现因为我地唔翻去，老婆屋企煮住大围菜浪费咁的现象！而且每次翻定唔翻系由老婆去决定！而且以前系基本每个星期日都会翻去一次的，就依两年就偶尔唔翻啦！又讲翻沉日，我由老婆屋企翻到自己屋企差唔多5点半，咁果D远的亲戚因为开摩托车来，要早D食完饭走，不过依家的季节基本上6点左右就黑天了！我翻到去见到开始开台摆准备上菜，但仲唔见老婆，我问我老妈子，拒话我老婆车左个仔出街，唔知道去换衫链定做咩呢！咁我就比电话老婆，点知道打左两个电话都唔听，我就觉得奇怪喇，新买左部手机都没一个星期没理由咁快坏嘎？（依度又一段小插曲：老婆话拒办公室全部都用触屏机，拒果部仲系诺基亚的按键觉得自己好落后要求换机，系我面前撒娇，咁就就唉~~~算啦！买就系啦，咁就买左部HTC G20）！我翻屋企先发现，拒又没带手机！！我地农村有个好唔好的习惯，设宴的时候要人等你食饭系好唔礼貌！当时我就走翻过去对舅父讲话拒车左个仔出去，手机都没带，唔好等喇！好啦，到我地开台食左一半的时候老婆又车住个仔翻到来喇，我就话明知道今日系咁，你仲要去咁夜，手机又唔带，我老婆就话：我特意唔带的，裤袋浅带手机唔安全！而且阿B又要睇人武狮唔愿意走，我就话：咁你都要有分寸嘎！快黑天你都快快翻来啦！今日仲咁多亲戚等住食完饭走！老婆就话：咁你地唔会食先的咩！唔使等！真系比我老婆激死我！
好喇，今日老婆又话我沉日系咁多亲戚面前话拒，我就话：我认识你4年几话左你3年有多！你从来有没改过啊？沉日咁多人就等你同阿B开饭，你过意得去的咩？手机又唔带！有咩起突发事件来睇下你点办！！老婆又话：成日想住D衰野，想没事都变有事啦！！既然妈网上面见到咁多话老公对老婆唔好出去滚，咁好喇！我自认我系绝世好男人！唔烟唔酒唔浦唔赌，最主要系我唔出去滚！班就上班，落班就接兼职修笔记本电脑！咁我想问下我仲有边度做错？