我家小王子终于在11月30日晚上在中医学院顺利诞生了！生果日已经系40+1了，个B仲系一D反应都无，果日又系产检，我脐血流同胎监都好好，医生就叫我番屋企等多两日，如果仲未生就直接黎住院！后来我啉到上次38周B超羊水就有D少了，所以就主动要求做多次B超！轮到我做B超果时已经系下午4点几了，做B超个医生照佐唔够一分钟就同我讲羊水已经非常少了，接近没有了，叫我快D去揾医生安排了！番到产科门诊李艳芳医生果度，一俾张B超单佢睇，佢都吓佐一跳，即刻叫我去住院部入院安排手术！5点几去住院部入院，然后就遇到黄敏珊医生系度，因为之前都系佢帮我产检嘅，觉得佢个人几好，我就要求佢帮我手术！佢话佢要落班了，后来我同佢讲话以前一直系佢同我产检嘅，咁佢就应承帮我手术了！跟住护士就帮我备皮，然后就签佐好多单据，跟住我就俾人推佐入手术室了！当时我妈都未黎到，就得我同老公系度，医生都叫我无等了，怕BB会缺氧！跟住入手术室，打麻药，打麻药我已经痛到喊了，因为我超级怕痛嘅！然后好快医生就开始手术了，全程我都好清醒，我感觉到医生割开我个肚，然后好快就抱佐BB出来了！当听到BB喊嘅第一声，我眼泪不停咁流，护士同我讲BB6斤重，系男仔！医生话好彩手术做得快，因为就得番一啖羊水了！真系好好彩，好彩我BB够坚强！手术之后仲有好多问题噶，等我坐完月再详细写出来！先写呢D俾其他MM参考下，一定要重视羊水嘅问题，千奇要留心，有必要一定要做B超！主题来自[广妈iPhone客户端]

怎么办?我30周做B超医生说我羊水少.

多喝水！！！