适逢广珠轻轨通到拱北，而且仔仔的奶粉又就离食完，琴日一家三口过澳门，林住好彩的话就拖D奶粉翻黎，唔好彩的话就当系一家三口去澳门观光咯。之前系妈网已经睇好攻略，要先系关闸附近的超市睇好价钱，临走果阵先去扫货。（奶粉除外！嘻嘻！）

早上8点出发去南站，9点15分的车，10点半左右就到珠海。出闸后行10分钟左右就到关口，都相当方便。因为带住BB，所以过关全程都行左65岁以上及需要帮扶通道。（虽然有写住只能带1个成年人通过，但我地1个BB带住2个大人过都OK，过关的时候会问一下BB叫咩名咁。）但系行特别通道，过关都用左1个钟，等我阿妈仲话星期四过澳门会少人D添。过到澳门已经12点，仔仔都饿啦，所以拿拿林去大家乐食饭，顺便喂B。食完饭1点几，我地就系关闸行左一阵，问左近关闸的万宁，屈臣氏，来来，都冇美素3同牛栏3，好失望，睇黎今日都系食白果啦，去观光算啦。跟住我地就撘3号车去大三巴。落车之后，我地就行去大三巴。途中见到万宁，屈臣氏，来来，就入去问下有无奶粉，但问亲间间都冇货，问到我地都冇晒心机啦。

行行下，我地见到有间新苗啵，但系好多人系度买手信，好鬼旺啊，心林可能都系冇架啦，有都比人买晒啦，咁旺。但系都报住一丝嘅希望去问下，牛栏3竟然有货喔，不过系旧版，系琴日翻的货。旧版都杀啦。收银个靓姐问我要几多，我问佢有无限购啊？佢话冇，我心中狂喜啊！我话要8罐啦，靓姐话不如要够2箱啦，我话唔要咁多啦，惊拿唔到，因为仲带住个B。哈哈哈！终于唔使食白果啦，仔仔又唔使断粮啦！于是我地就带住果8罐奶粉一路行去大三巴。系大三巴逗留左一阵就翻去车站林住搭车去威尼斯。但去到车站发现时间唔够，所以就放弃去威尼斯。改变计划，去顺义牛奶度食碗双皮奶，然后就翻关闸扫年货。顺义牛奶就系车站对面，果度D双皮奶真系又香又滑，同广州的系有分别。

翻到关闸后，我地又去翻之前去过的来来超市买野，因为之前睇到有金装好奇特价，所以又翻衣度买。去到来来，我地又死心不息咁行到去奶粉柜，望下有无美素3，虽然之前已经问过冇，而且又问过唔知会唔会返货。我老公系柜度揾左一阵，都系见到摆住美素2同美素4。但佢又多手去搞人地D奶粉，点知比佢一搞，竟然比佢搞到一罐美素3出黎喔。于是我地即刻问美素3系咪翻左货，原来系，我地又扫多5罐美素3，心中又一阵狂喜啊！买左其他野之后，我地就拿拿林过关。我地继续行特别通道，好快就过左关了。澳门拖粉之旅完美结束。虽然辛苦，但有13罐奶粉的收获，都不枉此行！

好！依家去片，睇下我地一家3口嘅劳动成果。