傍晚5点多，刚刚同一个朋友倾完电话，觉得肚子有点阴阴赤赤，就好似来月经噶感觉，然后有点野流紧咁，跟住我就上厕所，一睇——咦，真系流咗红色噶野啵......呢点就系人地所讲噶“见红”，但我下腹唔系好痛咯，后来打电话俾老公，老公话咁佢宜家马上翻来，我仲好淡定咁同佢讲“唔需要急你先翻去阿妈到吃完饭做好晒野先都未迟啦”。咁我老公听到我咁淡定佢就翻咗去家婆到......
    后来我仲自己顶着一点点噶腹痛，搞好厕所卫生，因为我唔想坐月期间个厕所污漕邋遢咁，起身，蹲下，弯腰，然后又擦厕所瓷片，洗好坐厕等等...一直都唔觉得有咩问题...反而系我妹隔一阵打电话过来问我，关心我...佢仲紧张过我...但我觉得一切都几好啊...后来到晚上9：:30老公翻来，开始有点阵痛频密了...之前我都有记录噶，但好似都唔规则，但老公翻来后开始阵痛频密了，老系10点左右冲好凉然后仲煮面吃，叫我吃点，怕我等阵生噶时候无力，但到10:15分噶时候我已经痛到开始要扶住野先可以，坐立不安咁，吃面都唔想吃，叫老公快点，然后我继续忍住痛收拾好待产包，但老公极度滋油，“仲话吃埋住面先啦，你又话自己好坚强噶？？ ”我顶，我宜家痛到难得反驳你啦......正衰人！
到10:45分落到屋企楼下，我面色开始有点青，因为痛得有点辛苦了... 见到的士，我小心咁开门钻进的士，向市妇幼方向进发，司机仲望一望我，我闭住嘴巴，大气都唔敢透，司机都估到我可能要生，佢都加快开车速度...去到市妇幼，急诊有个护士一见到我落车，就通知医生，然后问我痛唔痛，我额头飙汗咁点头回答，佢话：“你应该好快啦，睇到你面色都唔同啦！”然后叫我一步步行到一间病房，果位女医生好温柔咁问我一些相关情况，我还是好清醒咁回答，然后佢叫我脱裤，我慢慢脱，下面开始流好多血了...医生一检查就话：“哇，你好犀利啊，已经开到四指，你好坚强啊，你可以马上上产房啦！”我一听，心中窃喜，好多人都话由一指刚刚开始开到10指系一个好漫长痛苦噶过程，但我既然咁快就开到四指啦，我真系好开心...
      但开心只是一阵间，因为阵痛加剧啦...我张开嘴透大气，然后叫一个护工推住轮椅马上去到8楼噶待产区，老公就去办理相关入院手续，系待产区系一个超级痛苦噶过程啊，里面好安静，只有几位妈妈系度等待生产，我听到佢地慢慢咁呼吸，可能运用紧拉玛泽呼吸法吧，我就唔得啦，我好痛，痛我流眼泪，然后系度大叫...个护士走埋来睇咗我一眼，话唔好咁大声，你忍耐一下啦，我心想：顶，点忍啊？？真系痛到叫救命啦......训得好唔舒服啊...抓头发，抓床柄，反正咩都抓，好似个傻婆发癫咁，后来我越来越大声，我话：“医生啊，帮帮我啦，我真系好痛啊，救命啊...好辛苦啊，几时可以生啊？”然后一个助产士走过来，“你宜家唔好用力啊，等多阵先用力啊，宜家用力唔啱噶！”“但系我好痛啊，好辛苦啊，我老公系边啊？？佢咁耐都未上来噶？”果一刻我真系好讨厌我老公，点解做事咁慢噶，办理入院手续办咁耐噶，然后护士帮我走出去家属等候区到大叫关惠婷的先生，关惠婷的先生，叫咗几声都无人应，可想而知，黄生仲未上来啦...唉，真系嫐死我老公啦......然后我又继续大叫，我觉得只有大叫先可以将果份痛宣泄出来，“救命啊，医生有无办法可以令到我唔痛啊？”后来又有一位讲普通话噶护士走过来同我讲：“你打无痛分娩吗？无痛分娩针可以减轻你噶痛楚！”果一刻我好想马上叫佢打一针，但我曾经上过课，知道呢种所谓噶无痛分娩针并唔系真系唔痛，只是减轻一点点痛，无错，只是一点点，最后噶痛还是要自己经历，加上我知道我们当时经济好困难，但我真系好想打，但我依然冷静咁问：“几钱一支啊？”“1500块”护士回答，我一听，哇，妈呀...咁贵噶，我话“唔需要啦，但帮我睇睇我老公来咪，然后叫佢入来陪我生产！”护士又话：“家属陪同生产系要加收300！”唉，宜家呢个世界咩都系钱，我话：“得啦，得啦，呢个我俾！”过咗一阵大概12点左右，我继续大叫，护士叫我唔好用力住，我就讲咗句：“唔系我用力，系佢好似要顶住我，要出来咁！”护士问我，“你有想拉大便噶感觉吗？”“早就有咗好耐啦！”然后护士一检查，“哦，已经开到8指啦，可以推入产房”晕啊，原来系度系要等开指，后来我入到一间仪器非常先进噶产房，我仲要自己爬过去生产床，其实女人真系好伟大...
      进入到生产房，肚子继续痛啊，“好了，宜家可以先刺穿羊水了！”助产士一句说话，当刺穿羊水一刻，我觉得好舒服啊，一股暖流流出来好似肚子松咗一D野咁，爽啊！！呢个时候我那个滋油淡定噶老公终于出现了，而且佢仲懵懵地咁，穿戴好晒头套防护服，我见到佢噶滑稽样实在系好笑啊...佢仲傻傻咁背住个背囊，佢以为我仲未生，但唔知道点解护士叫佢穿防护服，后来知道系我叫佢入来陪产，而且系要俾300蚊噶时候，佢先恍然大悟，而且仲话我点解要俾300蚊，简直就系孤寒啊...连老婆都唔关心 ......
      后来遇到一个医生，佢仲淡定，对住台电脑不断叫我用力：“阿婷，用力，用力，俾点力啦，你得噶！”我就不断用力，其实系用力噶过程，肚里噶BB她都好配合，一起用力噶，“用力拉，用点力啦，最后一下唔好缩！”“我已经好用力拉，我好累啊...医生我两只脚抽筋啊！”老公不断握住我噶手系旁边帮我念佛，当然我自己都有系心里念佛噶......“脚抽筋，我帮你唔到啵...先生你喂喂水俾你太太啦！”呢个时候，我觉得老公系身边真系好好噶，佢时不时喂我饮水，喂我吃朱古力，擦汗等等，因为过程真系好累噶，已经唔再系痛了，只是好筋疲力尽啊......所以我真系建议大家可以叫老公陪产“你俾点力啦，BB系入面局得太耐，出来唔识得喊噶，你用点力啦，你系得噶...”我只是听到医生系咁叫我用力，但又无任何噶帮助措施...我生得有点烦啦...真系好累啊...“医生啊，我好累啊，我好想训觉啊！”差唔多深夜噶1点多“呢个时候你唔好训啊，BB系肚入面会窒息噶，出来有咩事就麻烦啦，你用点力，一鼓作气啦...!”听到呢度，我就同自己讲唔好训啊，一定要顺产出来啊，我老公就鼓励我：“老婆你得噶，俾点力啦...你咁大只！”晕啊，“你生啦，你都唔知道几累，而且脚又抽筋，好辛苦啊...!”唉，果个助产士后来仲离开咗产房一段时间，只系得我同我老公，我自己用下力又透一下，其实我觉得D助产士讲话都几吓人咯...
      来到深夜噶1：45分左右，个助产士翻来，又系对住台电脑系咁叫我用力，我最记得有一句：“阿婷，你用点力，唔好断开，最后一下都要坚持，全部都生完了，就差你一个咋......”点解呢句说话好似听落去，佢要赶住落班咁。好，我坚持，我用力，我知道我自己一定得噶，不断用力噶过程，助产士就说对了，就系咁样用力啦，无错，后来佢叫助手，打开我老公刚刚买噶待产包（医院真系好赚啊，待产包180元/个，仲要系规定系医院买）然后拿出一点垫子还有其他东西，遮住我噶大腿处，“好了，阿婷宜家系最后一步啦，你快点用力，基本见到BB噶头啦，快点啊...用力...用力...用力！”原来宜家先系正式生，天啊，之前叫我用力都系热身咋，“老婆，加油啊！！！”我老公，成晚系产房就系打瞌睡，偶尔鼓励一两句，然后又系度打瞌睡，人地话老公见血唔好会惊，我老公都唔知道几淡定而且对佢一点影响都无噶...
      我当时已经真系好眼训拉，为咗BB，我尽力一出，就系2:22分，三条2噶时间，哇..哇...哇...天使降临啦，我噶乖乖女儿终于来到呢个世间啦，来到呢个纷繁复杂噶世界咯...当睇到女女一刻，所有噶辛苦都化为两个字：值得！！我并无流眼泪，但口中噶哽咽，心中噶感动到宜家还记忆犹新，感谢上天赐予我一个这么乖巧可爱噶女儿......我知道我们目前噶环境系困难，但女儿也系我们希望噶延续，只要女女身体健康，快高长大就足够啦......再想想，其实顺产一点都唔可怕，我真系好幸运，只是由晚上10点多开始痛到凌晨2点多，大概四个多钟就生完了，呵呵...再次体验到做妈妈噶伟大，真系世上只有妈妈好啊！！！