立贴记录我的第一次"摆地摊"
8651谈天说地
vikylsuM的,唔知边个乱叫,吓到阿拉脚仔都软,无胆真系咪出去摆摊,我都系乖乖守铺头,学下点搞淘宝,吓死人了!
下付上我前几日的日记,之前唔知点解禁言一个星期了,所以返佐去佛山妈妈写日记
后几日太累了,都无点写日记记录落黎
2013-4-28
店铺先开佐一个星期我就想放弃了,没开时充满希望,开佐后超级后悔,每天凑住个仔守住间铺,辛苦就唔好讲,最烦就系日日无生意,日日连果30蚊铺租钱都赚唔到,今日卖了9条10元3条的裤子,赚了3蚊鸡,又咪够铺租了.老公见我辛苦就叫我为佐照顾仔仔,再开多半年,如果仲系甘就转鬼佐距,出去打工算了,随便也有几千元,
系吖,转间铺返黎系为了照顾仔仔,因为仔仔五一后就会返幼儿园,到时我自己系屋会好无聊,仔仔刚返学也要时间适应,可能会有些小病痛,自己开铺想开就开,唔想开就收档,所以稳间超级平的铺位.
没开过铺,没创业过,真心唔知道原来卖野甘辛苦,一件T仔15蚊都话贵,一套衫裤25蚊又话贵,真系烦,同一款衫,我买比我仔系45蚊,到我手卖30蚊,还价20蚊,无语,继续无语.
前几日系淘宝买佐张收银台,今日下午到货,今晚老公帮我砌好,辛苦老公了,手仔都红晒,老公话听日又会有人黎装网线,其实前几日就有人黎过,话装唔到,我报的系联通光纤,装线果个话光纤线太细,我度装唔到,就算装了会好容易整断,跟住老公又去问电信,感觉有D贵,就没换,仲系装联通,可能唔系光纤了,换普通果D线.
头先心情有D低落想放弃,写到后面,发觉老公甘支持我,我应该开心先系.无聊写写记录下自己心情,因为唔想朋友们担心,写妈网系最好嘎地方了
2013-4-29
今日老公放五一假,陪我同仔仔一齐睇铺,结果,没开市,老公话听日咪开了,休息两日,带个仔出去玩下.夜晚食完饭,距就坐系电脑前,我都唔知距系度做咩,我就同妈群吹水,吹累了就同个仔玩,问距系度玩咩 ,过黎一齐玩,距话唔使做咩,唔做边有钱赚,帮你搞淘宝开铺.好老公一个.最后我叫距呢D野慢慢搞啦,一齐玩享受下欢乐时光.
玩佐阵我就上妈网闲逛,写日记,自从想开铺,就一直系妈网睇文章,稳货源,写创业心情,仲认识了好多做淘宝的美妈交流心得.有几个妈妈想睇下我卖D衫系咩样,我试下上传几张,唔知会唔会封号,管理员手下留情哦!
我删除佐D相,要睇相去妈网空间度睇,得几张相,如果想睇多D,就短我罗QQ空间连接啦!
2013-4-30
今日休息无开铺,打算带仔仔出去玩,点知落雨,无得出去玩
心血来潮就话,老公,不如我地去南海广场天桥摆摊咯!距笑咪咪甘讲,你卖一件衫赚得到一蚊我比一蚊你,赚十蚊比十蚊,赚一百比一百,多过一百我就同你去摆,我比唔起了.无奈甘打佐距两嘢.距讲得岩,用距休息时间去摆摊,有营利去摆下都几好,如果无,不如陪个仔玩下,小朋友童年只有一次,过佐就无了,特别系男仔,基本四五岁后就无甘娇气比较独立,想抱下都难.
昨日妈群有个妈妈话仔仔唔话会打下,我个人感觉咪成日打小朋友,距地咩都知,亦会学大人行为,想教好小朋友,多D同距地沟通,婆气甘讲下道理,就算距听唔明都要讲,本时以行动做比距睇,开呢间铺我都想话比我仔仔知,妈咪要赚钱,只有赚到钱先有钱用,先可以坐羊羊(一蚊鸡玩果D机动摇摇车),先可以买菜菜买肉肉食,如果距唔想同我去开档我就会同距讲,妈咪要去开铺赚钱钱比BB读幼儿园,赚唔到钱钱就无得读书书了.一样米养百样人,每个人嘎要求都唔同,呢个只系我个人想法,如果大家有好的教仔心得,可以短信息比我,我地一齐讨论下.
2013-5-1
五一劳动节快乐!
休息了两日,今日天气几好,吃过饭就同老公去批发市场逛,目标系便价货+部分散卖货.简村批发市场非常适合我,除了近,旁边有个公园可以比仔仔游玩,甘我可以自己去罗货,老公陪仔仔玩.
几乎每次罗货都会撞到令我自卑嘎事,前几次系散客去批发市场买衫,批发商出售的价格系我零售的三倍价钱,比人砍佐一刀,散客仲觉得自己买便了好开心甘比钱,无奈+无语,今日同张槎一对姐妹好有缘,去到边罗货都会撞到距两个,跟住咪一齐行.倾落先知距两个昨日先刚开业,今日就黎补货,日零售额系我一个星期有多,距地仲话张槎系农村,好穷,但卖D野又鬼甘贵,羡慕+羡慕,呵呵~~~距地罗货从黎唔睇价格,只睇款,钟意就罗,我就唔同,除了睇款,仲要睇价钱.
罗完货返屋,食完饭罗货出铺头,唔知行咩狗S运,开铺挂版衫时有个客入黎睇,一下就帮我买了两套套装+一件T恤,老公系个客走后马上奸笑,今日赚够铺租咯,一计,系哦!赚了22蚊,刚好够铺租,开心,关铺陪个仔仔逛超市.超市搞五一活动,满68送2L可乐,我系精明妈妈,当然买够D日用品,刚好够数,仔仔抱住只"大炮"返屋.
今日罗佐咩货,版主说不可以透露产品信息,删除后面了
2013/05/05
李文秀
李文秀
