陪你一齐行果个老人家咪都一样，呵呵！一日要走噤多地方确实辛苦！

听说不能带燕窝，楼主点带过关啊？我都想买半斤

4我带咗1斤燕窝、半斤花胶过关~~~自己小心D，尽量唔好买咁多嘢，装到个袋涨晒。1自行蛋定D，鬼鬼祟祟偷番薯咁样就肯定比人查啦！淡淡定，有燕窝净！  燕窝咋，又唔系杀人放火

        今日一早就同家婆出发去HK，早上六点几就起牀，然后7:30系华海大厦坐中港通出发去HK，花咗我￥90大洋啊，7:30出发，9:30就到做皇岗口岸，点解依家限奶，仲要唔系周末都咁鬼多人噶？人山人海啊！结果去到佐敦都已经成11:30啦，落车第一时间就揾咗佐敦翠华茶餐厅解决午餐问题，因为人多、而且今日任务重嘅关系，所以用咗30分钟嘅时间解决战斗（河粉+猪油包）简简单单解决问题。       午餐结束之后就开始今日嘅行程啦，首先去咗上环，行程第一站“楼上”，今日好lucky，遇上打折哦，行过、路过唔好错过，何况本来我就有计划，所以买咗1斤细精选燕盏丝+半斤精选花胶筒，自己食唔系送人，感觉性价比都比较高噶啦。（上图）[图片][图片][图片]        去楼上拼杀完之后，然后马上去第二站中环IFC果度嘅APPLE旗舰店买我心仪已久嘅ipad mini 16G WIFI,最终以HKD2588入手啦。（ipad、ipad2、ipad3new ipad，我都唔啥的买啊）[图片][图片]        两个主线任务完成之后，我就去做下支线任务，去咗永安百货买D零零碎碎嘅嘢，上图吧！[图片][图片][图片][图片]（最后一张大合照）        今日终于都完成晒所有任务啦，之后去沙田新城市广场转咗嘅圈，好似又冇咩嘢想买咁，睇一睇时间，已经4:50啦，最后就去咗大家乐赶系5点前叹咗个下午茶，然后就闪人。出境之后经过君兰饼店，买咗几件老公最中意食嘅芝士蛋糕翻去比佢做晚餐（佢今晚晚餐要自己解决），见佢咁惨，当然要对佢好D啦。过关翻罗湖嘅时候，无比顺畅啊~~~20分钟搞掂，同今日上午比，简直就系冇得比啦。最后终于系8点钟坐上咗“河蟹号”从踏上回家嘅路上咯。        9点几返到东站，然后坐地铁返沙园地铁站，老公真系抵锡，居然违抗我命令，唔返屋企嚟地铁站帮我挪嘢，不枉我买咗芝士蛋糕比佢食。终于返到屋企啦！（今日真系行到我同家婆脚仔软，揸件芝士蛋糕食都手震）特别鸣谢家婆今日嘅赞助！

沙田新城市广场里面有金铺吗？多人买吗？谢谢了