好久冇上来。从结婚、备孕，到家珍有咗等生，一切好似梦咁，经常感觉幸福来得好突然。唔知系因为孕妇真系情绪唔稳定定系俾压到冇办法，近排偷偷流泪几次，感觉冇地方发泄，唔讲出来我惊我真系会傻。越来越觉得佢哋好假，我夹系中间都冇办法透气。好多嘢，又真系唔知点讲好。我爸妈结婚都四十几年啦，按道理几十岁人，咁多年咩都磨合好。最近因为有咗所以翻咗来屋企住，因为里边近单位，而且请咗钟点工可以唔使煮饭。其实我一直都唔想翻来，觉得自己**自由自在啲，但我老公觉得我走来走去太辛苦（自己屋离单位远，单程地铁都成个钟）。一番来住，我都估到实有人哦，所以好自觉咁增加咗俾老豆嘅家用。之前每个星期翻来一两日，就星期六日，但我哋一直都有俾家用，虽然俾得唔多，但本身工资唔高而且仲要供屋，我觉得已经尽咗力。今次增加家用我系偷偷进行嘅，因为我老公觉得我之前俾嘅应该足够。我哋两个人开饭过时一个月光伙食都用唔到1000，但我之前已近系俾2000我老豆，今次翻来我每个月偷偷多俾500。可能好多人觉得2500唔算乜嘢，但哩个已经系我想办法省翻来噶。我以为自己省啲，俾多啲家用就可以顺利过关，但原来唔系。翻来冇一个月，某人就开始成日讲佢点辛苦，每日要买菜服侍我哋大爷（指我两公婆），又成日话，边个边个享儿女福，佢仲要为个女女婿做牛做马之类。哩几个月天气热，又话啲电费贵啊，成日开空调啊之类。其实只不过系买菜嗻同住佢哋自己吃嘅中午果餐，仲有早餐多煮两个人嘅分量，因为有阿姨（钟点工），所以卫生同晚上果餐都唔使做，而且吃晚饭洗碗之类嘅全部我两公婆包晒。其实，咁多年我都知道佢哋系咩样，都惯了。但我唔想佢成日系我老公面前咁样讲埋哩啲嘢，几乎每日我老公翻来吃晚饭都系听到哩啲，时间久咗，我怕我老公会有想法，然后搞到我难做。其实我老公都好识做啦，逢星期六早上都会叫佢哋唔好煮早餐咁辛苦，大家出去饮茶我哋埋单。然后我哋星期六日饭自己屋等大家都可以透下气。虽然我觉得已经好小心（可能我仲系做得唔够好），但问题仲系一样样逼近。先系因为将来坐月嘅事。我老公一直都以为或者讲佢一直觉得我应该系我屋企坐月，因为有两个老人家，而且仲有钟点工（到时可以要求阿姨由来半天改为一日，工资由我两公婆出），更重要嘅应该系由我有咗开始某人就成日系我老公面前拍心口话到时要点样辛苦照顾我。但我知道天下间冇咁好嘅事，但又唔可以同我老公挑明，所以一直旁敲侧击动员我老公请月嫂翻自己屋住。果然，一个跑来同我讲，你都系翻你自己屋坐月啦，费事个BB系到吵住你老豆，最多我日日过去同埋叫XX姨过去帮你（XX姨系佢好朋友，但XX姨已经同我讲明佢自己咩都唔使做叫我到时教佢哦，讲的我好似好有坐月凑仔经验可以教人一样）。天啊！咁嗻系点啊，陷我于不孝啊，叫一个70几岁个人大热天日日跑来跑去去，分分钟到时我没出月就要去医院侍候佢啊，而且我唔知一个70几一个咩都唔识个人点样帮我，到时分分钟仲要我服侍翻佢哋转头。另一个，跑来同我讲，你都系系哩度（娘家）坐月啦，费事你妈跑来跑去咁辛苦啊。好啦好啦，我一早就估到最后会系咁，所以我再三动员我老公请月嫂翻自己屋，边个都唔好来。虽然我知道最后会系咁样，但我唔明，既然系咁，点解一开始要系我老公面前扮晒野，搞到我每次动员我老公请月嫂翻自己屋都好困难，佢会话，你爸妈叫你系娘家坐月哦，你走咗去佢哋会唔会唔开心啊？当然我老公自己都唔想请月嫂，因为多个外人系屋企住好怪。近排中发生咗好多好多，搞到我越来越压抑，一时间都唔知点讲，要整理一下思路每日我翻到屋企（一般我会比我老公早到），我妈就会过来，你老豆今日又点点点，又系到发神经闹人啦（指嘅系无理取闹佢）。等见到我爸，佢就同我讲，你妈成日神龙见首不见尾，来无影去无踪，冇人知佢去左边，出街又唔出声，电话又唔听。