睇落好痛苦噶事比你写到有d搞笑 顺产中途你有无打无痛啊?

你篇生產過程真係又緊張又搞笑，睇到我都覺得好痛~我仲有4周就到預產了，有點擔心添~ Anyway，LZ好勁，祝福你同BB健健康康！该回复来自[广州妈妈iPhone客户端]

多谢，其实每个人体质唔同噶，我隔离床果d好似唔痛感噶

          我b超预产期系7月9号，但由于好多人都话我会早产，而且到后期实在太庋了，所以我决定37周就开始休息待产。但估唔到系呢三个礼拜里面变成我最煎熬噶日子，每个礼拜噶胎监都期待宫缩有声气，但无奈怎么都只是浅入盆，到38周噶时候仲要接受一次可怕噶肛检≥﹏≤，俾人爆菊完之后得到噶竟然系话bb头好高，非常非常浅噶入盆！简直崩溃啊！从果阵开始我就问医生可不可以打催产素等区快d出来，或者如果过左预产期都未有动静系咪可以住院剖腹。（因为我从38周开始四肢开始长湿疹，每晚都痕到痴线，眼光光望天光，区一日唔出来我一日唔够胆用药）。但医生每次都话你等区瓜熟蒂落啦，同埋你要行多d楼梯同坐矮凳～你懒羊羊区都会懒羊羊的～我心想，我是美羊羊喇→_→然后就疯狂行商场，每晚吃完饭lg都会车我去商场行两个钟，庋了就翻屋企。到39周产检，胎监结果竟然比上次更差，更没动静！医生仲要开埋7月10号的产检单俾我！欲哭无泪啊，只能继续每晚瞎逛商场。        眼看快到预产期了，心里面已经做好bb会留级噶打算.就系7号中午，我如常训午觉，起身时候发现有d液体流出，由于我之前已经有过失禁噶情况，而且网上话穿羊水系哗啦啦咁流出黎，而且系无味噶，而我流量好少，又无痛感，就无点理，夜晚仲去东站行街。（后来先知原来有后羊水呢样野）翻到屋企后，一直都仲流出黎，后来要用m巾垫住噶程度，上网查左下各论坛，又同朋友讲左下，大家都话安全起见还是去医院睇下好，于是8号凌晨一点开车去医院急诊。去到广医三院，医生检查后话唔系破水，当时真有点失望，然后区俾左d试纸我，话如果再流出来，试纸变蓝色了就系破水。回家系一点半，训觉前同LG讲bb唔好三更半夜要出世啊，大家都好眼训，最好就上午作动啦。估唔到真系！早上六点，我一翻身，好似濑尿咁一股暖流涌出惊醒左我，我以为又失禁，即刻冲凉清理现场，一直到九点多，LG车我翻外家，我一check，原来已经见红了，而且试纸变绿色，真的破水了，等左10个月最紧张噶时刻终于要来临喇！！立刻打电话俾lg，叫区翻转头车我去医院，区话好彩未上内环，不然杯具了，我就执好包袱冲好凉洗头等妈咪同lg。         去到医院大概10点，挂急诊号，讲明我破水，俾人推入去观察室，医生详细问了孕几周同几点破水，之后用试纸检查左下，确定我系破水后叫人推我上11楼。估唔到咁就开始我长达差不多22 小时噶隔离日子了，家属只能在玻璃门外守候，有野可以叫护工递进去，所以呢个时候手机相当紧要。可以话系精神支柱了。由于我未开始阵痛，所以只能推去观察室，一轮护士过来检查，阴检睇下系咪破水同指检，指检确实恐怖，那个痛啊！一轮检查完后，结论是好像是破水了，（当时每次护士检查都表现得有点怀疑，因为道理上破水了会阵痛得好快，后来才知道原来后羊水没破）但我又毫无痛感，只能晾我在待产室等待开指，但由于我破水了，被要求不能下床不能坐起来，大小二便都只能在床上，叫家人帮我买便盆。就这样一直无痛感的躺着，看着隔壁床的两个产妇低声呻吟，心想，好似都唔会好痛姐。下午两点，护士再一次指检，确定我未开指后就话要帮我上催产素。吊催产素后，一直到下午4点我都毫无感觉，隔壁两床的产妇都已经开到7指，呻吟声由低吟变成有点高音了，但都未到咆哮，好犀利！5点钟，待产室剩翻我一个，开始有d感觉了，我同姑娘讲，话似m痛，区话咁代表你未真正痛～擦！俾区呢句话吓得我吖，好忐忑到底会有几痛，人对未知噶野往往系最恐惧噶，区令我即时醒神晒。过左六点，感觉加剧了，我打开QQ同损友们聊天的次数越来越疏了，开始感觉到子宫收缩噶痛，系床上典黎典去，护士见状，指检开始频繁起来，绑好胎监随时留意bb噶状况。八点，我已经痛到开始大叫，因为待产室得我一个，已经顾不上仪态了，宫缩来临时就好似傻婆咁大叫“加油！”“BB猪加油”“痛死我啦”“太婆啊，妈咪啊”之类噶自我鼓励说话，护士问我几分钟痛一次，我话我鬼知咩，五分钟一次挂，讲完呢句就濑野了，迎来噶系20分钟一次噶指检，轮流黎，有d姑娘可能手指纤细，无咁痛，最痛系一个好肥噶护士，我一见区d手指，好似皇帝蕉咁，即刻夹紧双腿，俾区闹到pk，不过事实证明我以手取人确实无错，区检查超痛咯！！（之后区一入来想要指检，我就话刚检过了，成功避开了皇帝蕉的第二次蹂躏）8号晚上九点多，我已经痛到满头大汗，手上噶吊针俾我扯到快掉了，血涌出黎，护士见我咁痛就过来安慰我话你呢家咁痛系好事啊，你都想区痛d啦，越痛就越快入产房啦！黎啦，帮你检查下几指。原来已经开到五指了！问我要否家人陪产（第一次问）我话唔洗了。即刻推入产房         产房又系另一度玻璃门，见到产房外边训住好几个bb，心里面好大鼓舞，好快我都可以同我bb见面了。过床到产床后，有个护士过来绑胎监，吸氧，护工帮我垫巾，讲如果你有好强便意就按铃啦！之后就挥挥衣袖，留我在产房。系产房里面，先系真正煎熬啊，三分钟，甚至更密噶宫缩，伴随住好想屙屎又唔可以屙噶感觉，好似要将你下身撕开一样，宫缩来临时候，我忍唔住好大声好大声咆哮出黎，惹来护士轮住过来闹话呢家凌晨噶啦，你咁哎好恐怖架，不如你叫lg入来陪你倾下计啦。（第二次问）我双手扶住栏杆，有气无力可怜巴巴的说：“我怕区见到我咁噶样会同我离婚啊，唔洗喇”之后护士都无奈咁出翻去。唔记得过几耐了，有个护士帮我指检噶时候一伸入去就听到bo噶一下，原来后羊水呢家先破，真系哗啦啦噶，将整张床都弄湿了。之后咆哮啊，大叫啊，一直持续到一点，我开始顶唔顺了，意志崩溃了，两三分钟一次噶阵痛摧毁人噶信念神马的，已经无时间俾我休息，刚过去一阵剧痛，以为可以休息下，下一阵又来临，一股要往外冲噶力量一直加剧，但你又不能顺着这股力量用力，要抗衡这股力量是最难受的。不过由于力量太大了，后来我也只好顺住这股力量，搞到最后宫颈有点肿，拖慢产程。两点后，我信念彻底溃败了，神马无痛会有后遗症，剖腹产恢复慢神马神马已经全部忘记，我按铃好似发癫咁话我要剖腹啊！之后有个实习助产士过来问我系咪要剖腹，我话系啊，区就一轮苦口婆心话剖腹坏处，同话d麻醉医生落班了，又再一次问我要不要稳人陪产，（第三次）话有人倾下计会好好多，我都系果句，我唔想俾lg或者屋企人见到咁噶样，吓亲区地。同区倾计噶时候，我真系无大叫了，但区一走左我又开始乱晒阵脚大叫。演变成十五分钟叫人帮我指检一次，次次都话我好想大便啦！搞到护士站d姑娘听到我按铃都唔理我了，只是在call机度话 唔可以检查甘多次嘎，我地会密切关注你噶啦。连护士姐姐都嫌我烦了T^T。好庆幸终于有个姑娘过来鸟下我了，我又再一次可怜巴巴的说“我好痛啊，睇下几指啦” 但区半开玩笑咁话：“唔查！”崩溃啊区竟然话唔查，我就问“咁你入来做咩啊”，之后区竟然真的就这么走了。系我一次又一次噶鬼叫，一股又一股痛感后，时间已经到左三点，我真系觉得好严重噶便意了，按铃后终于有人苏我了，护士话要检查，当时正宫缩紧啊！痛到痴线可唔可以等多阵啊？杯具噶系姑娘话，就系要睇你宫缩紧系开到几指。help！好痛啊，我最痛噶时候你仲要伸手指入去！！一查，已经开到8指 胜利在望喇！都算查得有d值。就系我叫得死去活来的时候，隐约听到隔壁产房个产妇又系开到八指，但区就低吟左下咋，好细声，突然把自己比下去了，原来自己系咁屎噶。去到四点噶时候，姑娘查，开十指喇！曙光来喇！之后助产士过来铺好手术用具，用盏大灯照住下面，将我对脚固定好，教我最痛时候出力屙，一次过用力，之后就又行黎行去，留低个护工睇住我，一见到头就哎区！经过大概七八次努力屙之后，都系唔够气将bb屙出黎，然后凶恶噶助产士回来了，系区一次次鞭策中，我趁痛就用力屙，区系我最痛时候打左麻醉然后侧切，打麻醉同侧切真系唔痛，无感觉了，系最后一次用力后，觉得有种撕裂噶感觉，万年便秘要排出来啦！5点16分一声丫丫声，我的bb出来啦～我也都轻松晒了～区就系我隔壁称体重，吸痰。终于到缝针了，之前网上话缝针最痛，所以我都俾晒心理准备，点知原来一d感觉都无，可能系因为麻醉剂量系两个钟，所以唔痛。观察完两个钟后，我终于可以出产房了，我终于见到守候左24个钟噶lg同亲人了，系推出去果一刻其实我想喊噶，但怕瘀忍住了，呢家bb虽然系一个小魔怪，但见到区健健康康咩痛都值得了。          p.s 我生的是儿子，讲d我怀孕时候噶特征比各孕妈参考。1.b超孕囊长条形 2 整个孕期无呕过，但三个月前有恶心感 3 孕七个月开始脚肿 4 喜酸的和甜的 5肚型比较尖，肚脐突出 6胎动在左边为主