糟心广九直通车经历

   由于我男人周日（8月18日）要返工，所以我地计划系当日来回，谂住省时就买佐8月17日 09:55 去，当晚20:00返嘅广九直通车。17号早上9:30东站过关，入候车室检票工作人员同我地讲车会晚点30分钟，虽然有少少失落，不过没办法啦。我地入到候车室果时已经成个厅坐满人，估计比我地前一班车嘅人都滞留候车室；哩个时候IPAD发挥作用，我地系候车室各种睇片、玩游戏；等到11点多D，听到好嘈，向上车口望去，见工作人员安排梗10点几果班乘客排队准备，等车靠站就上车，候车室入口继续有乘客入黎，入黎嘅乘客都俾工作人员安排去排队，但系我地9点几果D就没人理，唉。
   9点几车次嘅乘客见到咁，就开始越黎越多人稳工作人员嘈，我地见唔对路，就收埋IPAD、手机行埋去听下，我地听工作人员回答嘅大概意思系：安排完距地上车，情况可以嘅话，会可以安排我们上去企；如果唔得嘅话，我地就要等再下一班，不过情况都系同哩班一样，可以嘅话至会安排我地上去企。
   9点几D人肯定唔制啦，等佐咁耐，宜家至得到咁嘅答复；我地由坐票变企票？有车黎唔系应该安排最早果班乘客先上车？我地班车就咁凭空消失佐？……等等问题；工作人员回答：唔满意可以去退票，全额退！
   我地见到此情此景，成个候车室咁多人，去到红磡排队过关都有排搞，我地又耗唔起时间，当时系11点几，仲未有车黎，都唔知几时至有车黎，就算有车黎都系人地上先，我地完全系被动状态；所以，我地选择佐退票。
   结果，退票哩条路都好坎坷。候车室工作人员话，我地原路返回，系售票窗退票就可以。我地好笨，真系蠢过猪，我地真系听距讲，去售票窗排队，排佐15分钟左右到我地，结果售票窗话我地退票应该去一楼12号窗，果度系专门退票嘅！！！我地又稳到落一楼，问人至稳到退票嘅12号窗；成个东站咁大，静系得12号窗可以办理广九直通车、和谐号退票，其它窗全部唔得，而12号窗同时又可以办理其它车票退票，以至于12号窗本身就排到出门口，不断听到龙头方向有人为打占嘈，各种打占，各种嘈，各种打架声，各种异味。成个退票厅有13个服务窗，个个窗都排长龙，居然没开冷气，风扇都没……
   我地11:45到12号窗排队，14:15 终于排到我地办理退票，唉。唔知行咩狗屎运，浪费佐大半日，咁嘅事都俾我地遇上。

2013/08/18