大家唔好问我点解呢个时间段发帖，半夜喂奶什么的你懂的

先黎一D我食得的，就系热食甜品啦，亦都比较适合宜家的天气。系店员介绍点的，话系今季新品，名字大概叫椰皇栗子炖蛋白之类，吾系好记得啦，反正椰子出品有两种，另外一种就系豆浆汤丸蛋白，栗子呢款贵几蚊，但比较多人拣，于是我都决定试下



上黎一睇，虽然卖相无广告图甘吸引，不过内里的馅几吸引。混合了栗子汁的蛋白入口滑之余又带一点糯糯的感觉，唔算太甜，加上粉粉的栗子粒，趁热食系一款比较新奇的甜品。听讲呢个椰子系由泰国专门运过黎，里面D椰肉好软，用铁羹可以好轻易就刮出椰肉，连上栗子汁一齐食，又系另外一种惊喜。



朋友点的黑糯米杏仁茶，常规餐牌里面有的出品，因为据说杏仁会回奶，所以无试

跟住落黎系女仔见到都会发癫的草莓系列，又系当季先有得食的新品，斋睇卖相已经靓到哇哇声，所以每上一个我哋几个女仔就揸手机不停甘影，吓亲隔离台

呢个系草莓豆腐花，比较清淡



草莓西米露，个人觉得偏甜，但朋友话距中意呢个甜度



草莓拿破仑，比我哋摆拍得最耐，原本以为会同传统的拿破仑差唔多，顶多上面加多个雪糕球，但上黎先发现原来拿破仑在于上面插住的千层酥饼，蘸上略略融化之后的雪糕食，系几新奇。情人节用黎哄女仔真系一流，价钱同椰皇栗子蛋白同价，实惠派的我会拣椰皇（因为我都只能够食热嘢啊！）

发现宜家负一层多咗好多甜品饮品进驻，唔通系正佳故意为之划分的区域？但唔系预先约好的话一般应该无咩人会行去果个角落吧，有心扫小吃甜品的可以去组队去试试，PS:组女仔去应该可以试得比较多，因为女仔对甜品都有第二个胃嘛

多谢支持！唔知你睇到的系妈妈圈的头像还是妈网的头像呢？宜家要凑女，等距大D先再继续出动啦！新年快乐吖！