按照楼主描述，如果是一定要系6中、7中和16中之间选择的话，结合实际情况，我认为6中算系最合适。其实呢3所高中，基本上你小朋友都可以考上，只要唔好到时发挥失常就可以了，6中的重本率，本科率都要比7中和16中高，而且屋企离6中近，高中既学习，时间安排好重要，选择6中可以避免每日话大量时间系翻学同放学路上，唔使咁奔波，唔使逼地铁公交，当然可以选择住宿。其实我觉得，报考铁一或者广大附中会更好，7中、16中、6中、广附、铁一呢5间学校既高中生我都有教过，从学生口中，可以得知16中、广附、铁一既老师系比较受学生欢迎，而6中既老师系学生中口碑最差。我都有大学同学系16中、6中同铁一教，从我同学口中了解到既关于师资方面既嘢系：16中教师队伍相对年轻，氛围较好；6中基本上上左一定年纪既老师居多，后生老师比较难上位，D老师都比较死板，上课无咩激情（学生都系咁讲）；铁一就中规中矩，评价介乎6中同铁一之间，对教师同学生管理都比较严格。我比你既建议系：提前批第一志愿报铁一，第二志愿报7中或16中，咁样报系因为你小朋友基本上可以上高分保护线，7中同16中往年录取分数都低过高分优先投档线。如果你仲有咩志愿填报上既问题唔明，都可以问下我，我历年都带好多初三学生，每年都为每个家长提供好有策略性既填报方法，好中差既学生我都有带唔少，加上我自己系高中老师，又系土生土长广州人，所以对广州中考同高中都好熟。我比个建议你先，呢段时间可以稳个政治老师同化学老师冲一下呢两科，因为呢两科系全世界都知道可以临急抱佛脚既科目，估计你小朋友化学都已经系90分，但系政治应该系70-75分左右，政治因为系开卷，讲到底就系稳个老师教你小朋友点抄书，政治提高10分左右，化学提高5分，都已经系715了，上年广雅分数线系716，就真系可以搏广雅同2中啦，唔使去6中，差好远噶本科率同重本率。政治同化学学习方面既建议我就比唔到你啦，因为我系教英语既，不过政治同化学老师我都识唔少，需要既话，可以介绍既希望我D建议帮到你啦，搏广雅果D先叫搏，6中对于你小朋友而言，唔叫搏，近10年6中既分数线都貌似无上过700，都系690几

你好，多谢你之前的分析意见和鼓励，我和孩子很感谢你。今次独立批报2中，提前批报6中。孩子考的不错，成绩比一摸670分高很多，出乎意外，家人和孩子都很高兴。再次多谢你的帮助，谢谢！