―――――――――游玩―――――――――双月湾景点其实都几多，但一般人，有阳光与海滩就够了，所以好少人会再想去其它地方活动，但我都介绍下啦~观景台一个可以俯览整个双月湾的地方，一个如果无去过又会觉得比较浪费，但去左又觉得比较坑地方，延住山路经过九曲十八湾上到山顶，就系观景台了，咩都无的，就光秃秃一个山顶，然后15蚊一个人人头费，无任何服务，连遮下太阳的地方都无的，咁就俾距赚左15蚊一个人了，如果夏天，晒到你响上面企得30分钟，你真系好掂咯！海龟岛上观景台会经过，但无入去的地方，WHY？太无性价比。。。据说系海龟的繁殖场，可以睇海龟，可以摸下之类的，但门票XX（唔记得几钱，反正唔平），我地一行十几人，如果入去就XXX了，极度不符合我的经济价值观，不如食多餐劲海鲜。。。所以果断放弃！~好了，我知道的都讲完了。。。。。可能有好多不足，但希望可以俾大家一D提示啦！~~~最后多谢各位观看！~~[图片][图片][图片][图片][图片]

最近见MW双月湾比较火，咁岩自己又去过好几次，所以写份攻略比大家参考下！~~不过仅供参考，因为有D可以我自己都唔知道的！写得唔岩，大家就当睇笑话啦！~~谢谢！响一次偶然的机会,我去左双月湾玩过一次,觉得非常唔错,有一次家庭同乐日老豆就提议我组织去一次双月湾玩,OK,咁咪去咯。。。跟住我、我父母、我家姐一家、我姐夫的父母、我姐夫的妹妹一家。。。有老有嫩。。一大班人就咁出发了。。。。成个旅行团咁－。－自从果次家庭同乐去过之后，得到大家一至好评。。。所以去双月湾基本成为我家族每年必去的项目了！~~每年八月份都会组织去！~~OK，下面讲讲双月湾的情况！~~―――――――――交通―――――――――去双月湾，一般都系自驾游了，如果搭车的话，要转几次车，会比较攰，所以不推荐了。。。多人去，又有条件话，建议去租车网租部车去，费用同你自己搭车去唔会差得好远（据说某租车网新客户首日租车1蚊），但系方便好多了。而双月湾响巽寮湾附近,具体有几远我就真系唔清楚了,其实我自己都搞唔清楚具体位置,因为每次去都系跟住GPS行的,所以无咩点认路,听住提示往前开就系了！~~试过一次突然多左几位长辈搞到车唔够坐，咁当然系我哩D小角色去搭车啦~~所以有搭车路线。。。先去天河客运站搭去惠东的车，然后到惠东车站后，再转车到巽寮湾（可能我自己蠢，我响惠东车站的时候，问售票员有无去巽寮湾的车，而唔系问去港口镇的车，我查过好似有一班车可以直接到港口镇的。而到巽寮湾的车，只系到凤池果度就系总站了，如果凤池去万科又或者港口镇，都仲有好远下一段距离，打车去要成100蚊！~~好坑的~所以真心不推荐自己搭车去！~~）―――――――――住宿―――――――――住宿就随便讲~~因为去海边我都系为食既啫。。。哈哈！~~凤池岛凤池岛，应该系住过最舒服的一个地方了，无敌大海景。。。就响房间睇日落、而相片基本都系凤池影的，后面几次兴奋期过左所以影咩相了，只能文字描述！~凤池属于公寓式，带有炉具、冰箱等，所以我地第一次去决定入住哩度，然后自己带左厨具就可以自己煮自己食了~凤池基本都系海景房，有一部分别墅，淘X、携X同团购都会有订房，价钱大概双人房500一晚左右，团购相对会平少少！有自己私家沙滩，凭房卡可以免费进入，如果外来的就要俾十蚊。沙滩系白色的细沙，踩落去好舒服，而且好靓，落楼行几分钟，就可以出到海边，海面好平。。。退潮的时候，可以行到好出执贝壳，捉鱼仔同埋寄居蟹。。好好玩！而凤池最唔好的地方，就系离食肆比较远，虽然周边都有几间大排档，但系果D摆明就系坑客的，虽然本身凤池里面都有客厅，但系都一样了，性价比绝对唔高就系了！当然如果自己有车出去买海鲜返嚟煮就另计了。。我地就系咁的了！~所以都玩得好HAPPY！~万科双月湾度假村哩个上年去果阵，岩岩开发，所以好多设施都未用得，所以我无选择到，位置在凤池去港口镇的必经路上（离港口镇近D。。。封左一大段路，搞到要绕一个大湾先可以去到港口镇，极度无奈！不过无办法，地系人地既。。人地喜欢拦住你都无计！）~~近期都好多人去过而且晒过了，大家可以去了解下，淘X、携X、团购都有的订，但价格相对较高，~有私家海滩~不过高的价格换嚟好的质量，还是比较值的！而且离港口镇比较近，除左价钱都无咩缺点了！~海百纳东方丽景酒店其实对于我嚟讲哩个应该系性价比最高的了，因为间酒店就响港口镇，作为一位标准的吃货，有咩野比美食就在身的感觉更兴奋呢！酒店内部环境都几好，海景房好舒服，设施都好新正，团购价（3XX）嚟讲真系物有所值了，但可惜的系无私家海滩，海滩系公用的，一到晚上就会好多大排摆响海滩上面营业，一定程度上污染左个海滩。但换句话嚟讲，夜生活明显哩度要比凤池同万科要好得多了。港口镇周边小旅馆价钱嚟讲当然系最抵哩D小旅馆了，1XX-2XX的价钱广州都唔止啦，何况旅游区。。。虽然平，但设施都唔会差，就同平时旅馆差不多，该有的都有，WIFI什么的都齐，环境都比较干净整洁的！~哩D丰俭由人啦！~大家各取所需好了其实仲有好多酒店、旅馆，我只能介绍自己了解的！~~不能一一介绍，所以讲得不好大家见笑了！~再嚟关于海滩方面的一D小道消息，只供娱乐！~~话说果次我自己搭车去果阵，转车等车果阵去买雪糕食，无聊就同士多老细搭讪，老细系本地人嚟既，从距口中透露到。。。万科到港口果一段，属于泥海，所以果边D沙唔靓但水靓，而凤池属于X海（唔记得）所以沙好靓，水质却麻麻，但如果要数靓，就要去三角洲岛，果D水真系清到可以见到鱼，老细话距细个果阵成日去果度捉海胆的，但唔可以打风的时候去，打风D水就会变浊的！~之后我返嚟百度一下三角洲岛，果然评价好高，所以我决定今年一系去万科，一系去三角洲了！~~~[图片][图片][图片][图片][图片][图片][图片][图片][图片]