上个星期六，本来开开心心地带我家BB去长隆玩，LG单位组织的，冧住可以带BB去见下动物；其实都考虑去唔去，因为BB肚屙呕吐佐3日，但喺精神完全无问题，喺屋企一样周围走、搞搞震，就想带佢去户外晒晒太阳，运动下唔使成日困住喺屋企。LG单位要集中一齐去，所以上了高速往机场方向去，一路还好好的，又跳舞又唱歌，就系突然之间，BB双手握紧拳头，双眼上反，口一直震，当时吓坏整车人，马上叫LG快啲掉头去医院，LG问我咩事，我同佢讲BB抽搐，由于我坐前座，BB嘅爷爷麻麻坐后座，我第一个反应就叫麻麻即刻用奶瓶塞住BB个口，慎防咬到舌头（当时2个老人家唔知喺咪吓亲，就喺识得抱住BB），BB嘅麻麻见到塞唔落嘅奶瓶就攞开，我火都嚟，好大声叫佢点都要塞住个口，大概抽搐左1分钟左右，就放松佐，但喺BB无晒力咁训住喺爷爷怀中，当时我见到BB就怕窒息无气，又抱唔到佢，个心好痛，爷爷马上对我LG讲快啲，LG知道情况不妙，喺车里面大声叫BB-BB啊，唔好训啊！已经顾唔上咁多，LG出高速后一直狂奔，红灯照冲，个人好似有啲失去理智嘅感觉。我不停安慰LG，讲BB训着佐，安全开车到医院紧要，如果唔系撞倒其他车仲浪费时间。大概过左20分钟，去到广州第一人民医院，停佐喺急诊门口，我马上落车去车尾攞背囊（冧住车尾2个老人家会落车），我攞完个背囊居然佢地抱住BB仲喺车尾坐住，顶，咩情况啊，仲坐住喺车度，一手就抱过我个女，跑到接诊台问护士，护士叫我即刻上2楼儿科稳医生，我老爷跟住我后面就讲，等佢抱（当时真唔应该比佢抱，我跑到上去医生，佢都跟唔上我）后来医生即刻睇BB，大概10分钟左右，医生就叫话抽血同吊针先，等出结果，暂时嚟讲无咩大碍。抽血的时候，见到BB个样我阵喺宁愿有事喺我，吊一大瓶点滴又吸氧。过左1个半小时左右，结果出嚟喺酸中毒（由于呕吐肚屙几日，BB完全无胃口吃嘢，就算吃落口都吐嚟，胃不停产生酸，酸过多就会酸中毒），后来又吊佐2瓶点滴，睇住佢唔舒服嘅样，做妈妈的心真不是滋味。早上9点多开始吊针，到下午3点多吊完，BB就训左4个钟，下午2点几醒佐，好精神对住我笑叫妈妈，当时心就定晒。医生本来要求BB入院，但喺无床位，只能会家观察再复诊。翻到屋企后，又恢复“疯子”本性，走围喺屋企跑。完全同早上判若两人，睇见佢精神晒心头大石都放低。晚上同BB训觉，望住佢时啲眼泪忍唔住一下子涌晒出嚟，BB知道我喊，用只手仔拍拍我“妈咪，乖乖，乖乖”，对住我笑；个心痛之余好安慰，1岁8个月嘅小朋友知道妈咪担心佢仲识安慰翻妈咪。我唔希望佢会出人头地，只望佢健康快乐就足够；就算人生有几多的钱，无健康的身体咩都假。都希望广大妈咪们借此为监，BB的健康要随时留意住。
〓_嚤_釹瑭※
萧萧05
xiwowanyi
二月天228
飞鼠
爱心靓妈妈
