家公家婆我得罪你了吗？
1799542情感.婚姻.家庭
小猪琪家公五十多岁，在某个地方当公务员。工资据我所知道是挺高的。家婆和家公是同年的，现在已经退休，但同距妹妹一齐合伙做生意。妹妹经常不上班，就是上班都系电脑面前，从不搬货同做操重野。亲戚都觉得我家婆好人，我同老公都觉得距比人虾，好替距唔抵。但人家愿意这样，无办法。同老公结婚2个月后就有了依家既仔仔，怀孕既时候觉得家婆都几好，基本隔日就煲汤比我饮，而且早上煮饭我带（之前未结婚都天天煮饭比我老公带饭），怀孕期间大家都知道唔可以吃味精，鸡精架啦。我家公煮送每次都一定要落。老公出面讲过都无用，为左BB既健康，当然就尽量小吃，所以晚饭基本系吃白饭多，好彩老公会每晚煮宵夜我食。我同老公一直都认为坐月系我家婆帮手，家婆都知道我地系甘认为，一直无出声，直到我临生前2个星期突然同我地讲，坐月的时候我帮你地唔到，我无可能一个月唔上班，大佬啊！你个孙紧要D定系你个档口紧要D？如果你觉得档口紧要D，无所谓，但你可以早D同我讲嘛，临生先同我讲，我去边度稳人帮手坐月呢？当我知道既时候我觉得好无助，走左入房喊，老公只可以安慰我。经过一番争论，最后家婆同意照顾我坐月。但距只负责煮饭我吃，BB冲凉都系我父母比钱我舅母过黎帮BB冲凉。（但我都好感恩家婆最后肯照顾我坐月）。摆百日宴，人地比利是啊B，我家婆全部比晒我家公。
请假一年在家凑BB，因为无人凑，家婆唔肯放弃档口照顾BB。就算休息都情愿同D朋友去饮茶，从上午一饮就饮到下午。家公每次休息系屋企都唔会煮饭，中午吃饭既时候就自己煮自己既野吃，从来都唔会问我吃唔吃，我照顾好BB，然后又要自己煮饭吃，等BB训着觉就拿拿声去洗碗做家务，家公就连自己吃过既碗筷都唔洗，放系台面等我收拾同洗，我吃饭既时候BB喊，都唔会帮忙。所以后面发展到只要距休息我就带啊B翻啊妈度或者去街，不过距唔帮都算了，距系一个超级唔讲卫生既人，内裤可以几日都唔洗，袜子着完就放系饭台台底，臭到成屋都闻到，翻到屋企唔洗手，·电蚊拍拍死的蚊跌左落地直接用手按死，然后唔洗手就想抱啊B。我同老公都叫距先洗手先可以抱，距话情愿唔抱，哎！
一年后要上班了，无人肯凑啊B，但我妈身体唔好，唔想我辞职做全职妈妈，因为怕以后想用个钱都要摊大手问老公罗，所以最后都系我妈妈凑啊B。今年年29吃团年饭由于我家公要值班，就改年28吃，但年28我和老公仲要上班，唔想夜麻麻去到禁远吃饭然后又送啊B翻啊妈度禁辛苦就无去到。之后说话就黎了，我永远都记得距讲的说话，我当时同啊B系放训觉，我家婆对住我老公大声讲：啊B系跟我地姓XX架，距跟我地姓团年饭就要跟我地吃，今日吃饭大伯距地都话啦！老公就回距：我地要上班架，又唔肯凑啊B，甘点翻过去吃啊，仲要无雷公禁远！家婆话：你唔翻打算去吃饭就以后都唔好翻黎呢个屋企，老公即刻话系未要我地走？我地可以即刻走！然后家婆先唔敢出声。我系房入边个心好痛，你知道啊B 系跟你地姓点解你地屋企人唔凑孙啊？要一个唔同姓的婆婆凑？
2016/04/20
精选回帖
住家好全部回帖
WingkeyTung唔凑唔理米由得佢咯。。。。外婆凑BB，做女嘅识做就好。。。老实讲确实冇规定家婆一定要帮手凑BB嘅。。。佢如果抱怨个孙唔亲佢。楼主都唔好出声啦，毕竟，佢甘钟意人【尊重】佢，甘你米【尊重】佢咯，唔好出甘多声。
我自己就系一个大大咧咧嘅人，而我家婆就好计较，并且钟意摆架子认为佢系长辈，我一定要主动开口。奈何一开始我都想对佢好，但，我一向都光明正大嘅，买咩返屋企食都会买好多大家食。但系佢地，唔会点食我买嘅嘢噶，几靓几贵都好，摆到烂都唔食噶😂而且背后仲要话我乱**啊，真冤枉！我D bra换新嘅，又话我专门买贵嘢，唔悭唔识过日子哦。。。。后期我老公唔抵得佢，就博佢嘴:“我老婆要买咩，着咩，用咩使唔使你理啊？你带细佬个女返黎凑，经常安是安非我老婆都装聋扮哑嘎啦，唔通你想佢发烂咋，日日家嘈屋闭先安乐咯哦！”讲多都系泪，楼主，你老公撑你就得！！！其他嘢，当佢发毛！
我自己就系一个大大咧咧嘅人，而我家婆就好计较，并且钟意摆架子认为佢系长辈，我一定要主动开口。奈何一开始我都想对佢好，但，我一向都光明正大嘅，买咩返屋企食都会买好多大家食。但系佢地，唔会点食我买嘅嘢噶，几靓几贵都好，摆到烂都唔食噶😂而且背后仲要话我乱**啊，真冤枉！我D bra换新嘅，又话我专门买贵嘢，唔悭唔识过日子哦。。。。后期我老公唔抵得佢，就博佢嘴:“我老婆要买咩，着咩，用咩使唔使你理啊？你带细佬个女返黎凑，经常安是安非我老婆都装聋扮哑嘎啦，唔通你想佢发烂咋，日日家嘈屋闭先安乐咯哦！”讲多都系泪，楼主，你老公撑你就得！！！其他嘢，当佢发毛！
2016/04/22回复
小猪琪楼板凳WingkeyTung:
唔凑唔理米由得佢咯。。。。外婆凑BB，做女嘅识做就好。。。老实讲确实冇规定家婆一定要帮手凑BB嘅。。。佢如果抱怨个孙唔亲佢。楼主都唔好出声啦，毕竟，佢甘钟意人【尊重】佢，甘你米【尊重】佢咯，唔好出甘多声。我自己就系一个大大咧咧嘅人，而我家婆就好计较，并且钟意摆架子认为佢系长辈，我一定要主动开口。奈何一开始我都想对佢好，但，我一向都光明正大嘅，买咩返屋企食都会买好多大家食。但系佢地，唔会点食我买嘅嘢噶，几靓几贵都好，摆到烂都唔食噶😂而且背后仲要话我乱**啊，真冤枉！我D bra换新嘅，又话我专门买贵嘢，唔悭唔识过日子哦。。。。后期我老公唔抵得佢，就博佢嘴:“我老婆要买咩，着咩，用咩使唔使你理啊？你带细佬个女返黎凑，经常安是安非我老婆都装聋扮哑嘎啦，唔通你想佢发烂咋，日日家嘈屋闭先安乐咯哦！”讲多都系泪，楼主，你老公撑你就得！！！其他嘢，当佢发毛！
查看原文谢谢，我都觉得老公明白自己就好了。
2016/04/22回复
