旦旦超人
旦旦超人楼
为左囡囡可以好好甘适应幼儿园生活，我地从两个月之前已经开始灌输幼儿园的情况俾距知，仲带囡囡去幼儿园玩过几次，见过班主任，次次都玩到唔舍得走，呵。。。
前两日，帮囡囡烫个名落件校服度，囡囡仲好开心，有新衫着，成日问几时可以着住去幼儿园玩，我都好安落，个囡对幼儿园一D都唔抗拒。
寻晚训觉前同囡囡再讲左下幼儿园的情况，教距要听老师话，屙殊殊要同老师讲。。。妈妈落班就来接你返屋企。。。见囡囡听得好认真，我就问：“囡囡，如果D小朋友喊，甘你点啊？”囡囡话：“叫距唔好喊，妈妈落班来接你。。。”
今朝一早起身，囡囡眼仔都未张开就问我：几时去幼儿园啊？
吃完奶奶，洗完脸，换好校服，精神抖擞甘出发了，囡囡好开心，着住新校服，一路同我倾计，一路自己行返学。 越近幼儿园我的心跳就越快，好担心囡囡会喊啊！！而且我自己都好唔舍得个囡！！路上见到好多着住校服的小朋友，囡囡好兴奋：“一样甘啊，同囡囡着一样啊。”
返到幼儿园大门了，一眼见到看门口的全叔叔，囡囡就好有礼貌甘同全叔叔讲早晨（全叔叔好利害啊，竟然认得囡囡喔，个个小朋友距都讲得出名甘滞
），讲完早晨就扭转头同我讲：妈妈BYEBYE（好乖的猪丁啊。。。妈咪更加唔舍得你了。。。
），我同囡囡讲未到啊，要入去见到老师后，妈妈先走。入到去，好多老师响门口迎接小朋友，一个老师好亲切甘同囡囡打招呼，拖住囡囡准备上楼上课室，我即刻茂低锡左下囡囡，囡囡讲：妈妈BYEBYE（再赞一次，猪丁真系好乖！！ ）见囡囡跟左老师上楼，我躲在一边偷偷地睇距，见到囡囡一路上楼一路仲望返转头稳我，仲踩错脚添，好心痛啊。。。。 总的来说，猪丁的第一次返学，完满成功！！！总结一下就系，猪丁好叻囡，比妈咪叻。。。猪丁无喊，妈咪仲眼都红哂添，好彩叫左爸B吊住尾跟来，都有个搏头靠下
送花俾囡囡
[ 本帖最后由 旦旦超人 于 2008-8-15 11:52 编辑 ]
ting0327
爱宝妈咪
小鸡囡囡
）
dssl03
sandy788
司淇妈咪
纷飞舞
哼哼妈妈
贝仔妈
钊儿
navycerry
