先要讲下我的身体状况，我自13岁来月经开始就从来未准过，第1年基本上系2个月来3次，每次都超级多，而且好痛好痛，痛到无心机上课，吃饭，学都唔想翻！到左高中就突然间360度改变，变到经常唔来，2个月先来一次，我读高二个一年，一共来过4次，简直就唔系月经，而系“季经”！ 之后又好转少少，一直保持大概1,5－2个月一次，呢个已经系我最正常的状态了。

再讲翻听胎心音的事，话说我过两日再去，结果又系一样，听唔到！医生应该心中有数了，开左张B超单比我，叫我即刻去照，我叫我老公去交左钱，跟住就入左B超室上左床，B超医生睇左半分钟问我最后一次月经几时来的？我答左她，她一句就话，唔得了，你睇个胎先得7、8周，你以家应该有10周嘎啦，早就唔得了

[ 本帖最后由 哈密瓜公主 于 2009-2-22 14:26 编辑 ]

“胎S腹中”呢4个字真系好刺眼，好刺眼！我到今时今日有左自己的小朋友先可以承认同接受到自己曾经有过甘的一页！ 从医生翻来的路上我一直都无讲话，我老公都无出声，默默甘睇住我，上左公交车（个时我地仲未买车）因为无相连的位，我地无坐埋一齐，呢个时候无人睇住我，我先开始流眼泪 虽然好伤心，但系接落来的事仲系要面对，因为我系属于胎停，系要做清宫手术的，我家人帮我联系左第2日就即刻去省医做，系全麻的，无感觉，我记得打麻药的时候手好痛，我同那个护士讲，好痛，好痛，跟住就训着左，咩都唔知道了，到觉得有人搬我过床的时候先醒，1分钟之后就开始好痛，同经痛一样的，不过就更痛一d，

[ 本帖最后由 哈密瓜公主 于 2009-2-22 14:40 编辑 ]

记得个年系猴年来的，我地屋企人都唔系好顺利，年初就系我呢件事，年中就系我JG心脏病住院，我辞左职专心修养之余又帮手照顾下甘，因为小产之后医生话最好3－6个月先再考虑怀孕，加上觉得个年唔顺利，我同老公都觉得先避孕，过左年再要。呢段期间，我开始比较注意自己的饮食，例如唔吃太凉的野，感冒的时候可以唔吃药就唔吃药，好似芥兰，皮蛋呢D含铅量高的都唔吃，最关注的就系月经准唔准的问题。我有时觉得个天真系同我开玩笑啊，越接近年尾开始，我的经期就越来越唔准，直到有一次的家族大聚会，见到一个比较疏的亲戚，她系妇产科护士来的，我同她讲起我的情况，她话我可能系有多囊卵巢综合症！！ 我上网睇左下，大概的意思就系卵巢里面的卵子每个都在发育，但系无一个可以发育到足够大然后排出来，晕！无卵排点会有BB！！呢个问题就大了，我决定要去睇医生了！艰苦的求医过程就开始了！

[ 本帖最后由 哈密瓜公主 于 2009-2-22 14:58 编辑 ]

总结呢种西医的疗法，个人感觉系好科学，讲求实际，又不失人性（后面关键部分靠自己），但系就太刻意，令人无办法放松心情，连医生护士都一再一再强调：唔好太紧张，唔好成日林住，比太多压力自己的话会适得其反，但系面对一次又一次的复杂疗程，叫人如何唔林？如何放松？心情唔好的时候觉得个D医生护士简直就系站着说话不腰痛！！正式放弃西医之后，我有考虑中医，不过我无非常认真甘去林，原因系中医来讲比西医显得有D虚无缥缈，西医甘精准的科学我都失败，又点敢寄望中医可以尽快有成效？再加上之前听人讲过以家D中药材质量唔系好有保证，我都唔系好敢长期吃！所以我就只系上网浏览一下相关的中医疗法，同时自己进行食疗，当归吃得比较多！
从06年开始停止睇医生之后，我成个人都觉得轻松晒，无再林住要BB的事，当你觉得无能为力的时候先做到真正的释怀！

[ 本帖最后由 哈密瓜公主 于 2009-2-22 21:32 编辑 ]

系啊，当时系好唔开心，今日上来回忆主要系想同大家分享我最后的成功经验啊，多谢你的花花

事情终于有峰回路转的一日，我响网上呢到一个比较讲得效果神奇，但睇起来又唔会离谱的方，系中医中药来的，话系吃一只叫知柏地黄丸的中成药，加唔知咩当归丸，从月经的第5日开始吃，举左几例吃半年就有孕的例子，我其实抱住随便睇下的心态上那个网站的，呢个方吸引我的地方系 一、里面所讲不孕的原因几乎同我一样，都系月经不调，排卵无序。二、我老公一直有吃六味地黄丸，效果几好（佢比较肥胖，容易出虚汗，吃左之后基本无再出汗）而知柏地黄丸系六味地黄丸的姊妹产品来的，知柏系比女人吃的，加上当归丸也系非常靠谱的药。三、知柏地黄丸好几大大药厂都有，例如北京同仁堂，价钱系几蚊！好平的。我仔细研究之后，决定甘样吃：按佢讲的第5日开始吃知柏，当归丸我唔吃（因为经常煲当归的汤），吃10日（呢个系我自己定的，原因系知柏好似对孕妇无益，正常来计第14日排卵的话，既系话14日开始你好有可能已经怀孕，所以只吃10日）

[ 本帖最后由 哈密瓜公主 于 2009-2-22 21:52 编辑 ]

总会有呢日的，我就系见到呢个版上面好多期待中的mm，特登来打气的！加油啊

我其实到以家为止都无医生确诊过我系呢个症，不过呢个症都唔系唔无得医的吧？

采用呢个办法的时候应该系停西医之后的3个月，我已经从极度渴望怀孕的牛角尖里面行左出来，已经唔会再响AA之后尽力抬高臀部，已经问过我老公如果我地将来都只系2个人的话，我地系米都一样会幸福（答案系肯定！要多谢佢啊 ）纯粹系为左自己的内分泌可以平衡一点，月经尽量可以准时一点，我开始坚持甘样吃，第一个月无咩特别，第二个月好似有D反应，我以前都45日来的，时间近左了，第三个月我开始感觉到自己有排卵，经过一年西医的经历，我知道自己排卵的时候RT会敏感，YB的分泌会比较明显，唔用药的时候根本无呢个感觉（既系无排卵）。就系甘样到左07年的春节，年初三的时候去越秀公园玩，总系觉得个BRA好紧，RF时不时有少少刺痛的感觉，我心中有D数了，1个星期之后我验孕（验孕棒上面话要2星期才准）显示2条线！ 我期待已久的第2条线啊！3年来，我买过几多支棒棒啊？？几多次都系一条线啊，可恶的第二条线终于响我以为唔可能见到你的时候出现了！那个激动啊 今生今世都忘不了的！！

[ 本帖最后由 哈密瓜公主 于 2009-2-22 22:13 编辑 ]

激动一番后我马上拿起电话打去医院，挂左我睇开那个西医的号，系地第2日的下午，其实我高兴完之后就好担心了，好惊上次的事会再发生，所以跟着落来的时间好难捱啊，我唔敢讲比家人知，怕万一又有咩事的话，攒大家一齐唔开心。到左第2日下午，我去到医院同医生讲我过左2星期都未来，自己验到阳性，佢听左都好高兴，开左张单比我再验多次，20分钟后我拿到正式的加号通知，我又觉得好高兴 医生同我讲今次有小心保养，开左10几的HCG比我保胎用，我都系自己帮自己打的，高兴左一个星期之后，又有惊险野！个晚9点几，我去完厕所发现纸巾上面有点红色，好似系血但唔系好肯定，半个钟后我再用一张纸巾去试，晕！真的有血！

[ 本帖最后由 哈密瓜公主 于 2009-2-23 16:48 编辑 ]

我老公好紧张，即刻打电话比医生，本来我以为会叫我卧床休息之类的，点知道原来要我马上入院，我话唔系好想去，去到医院一个人怕训唔着，又容易胡思乱想，但我老公坚持要我去，话稳阵D好喔，就去车库开架车来楼下接我，到左医院之后搞左一轮，抽左几支血，已经快12点了，其他同病房的人早就训左了，我唯有叫老公翻屋企先，然后自己静鸡鸡上床，迷迷糊糊甘，都唔知有无训着，又比个护士叫醒我打针，好似系黄体酮来的，个时已经6点了。
终于到左8点医生来巡房，同我讲我系先兆流产，要卧床补胎，住几日睇下情况如何，安排下午BC（本来我第一次睇的时候系话第50日之后先BC的，情况有变所以提前，那时系第47日）下午我妈来陪我，落到BC室我其实好无信心，有D想打输数，真系好贵憎BC，要饮好多好多水，急到S的时候仲话未够尿！我前前后后唔知响省医BC左起码50次了，无一次系好消息！果然，又系一样，“未见胎心”！！不过今日就未系判S刑，因为40几日仲比较细，好似我呢种月经周期特别长的人可能要60日之后才有胎心的，BC仲见到我宫内有积血（就系先兆流产的现象），反正就系要补胎咯，继续打HCG！

[ 本帖最后由 哈密瓜公主 于 2009-2-23 18:48 编辑 ]

今次入院，医生再三叮嘱唔可以操劳，尽量卧床，10日之后再去BC（前面提到我仲未有胎心），出院之后，D血仲系时有时无，颜色就系咖啡色（初初发现系红色的)，带有少少粘液，系度要讲比正在保胎中，并有先兆流产的MM知，一定要听医生话，要卧床休息，我就好唔听话的，经常忍唔住要起身，因为个时我地系2个人住，老公翻工之后我自己响屋企好无聊，总系想去搞下D家务。个时系3月中，正换季，我训醒午觉去厕所都无血的，等我搞完个衣柜，将D夏天衫拿出来再将D冬天衫放翻上另一格，一共最多20分钟，再去厕所就又有咖啡色了！真系好鬼灵嘎！！试过之后我就真系唔敢乱来了！情况就慢慢好转，一日好过一日，D针都打得差唔多，又系时候要去医院了！
讲到去医院的问题，我又重新考虑左一下，前面讲我由04年流产个次，到05年睇一年西医全程都系响省医的，省医的BC室我间间都入过唔止一次，病房都住左2次了，但系无一次系好野来的，无一次比我的BC报告系好消息（人就系甘，当一切的科学都离你而去的时候，你只能够走向迷信！）我认定省医唔利我！我要稳一个利我的地方，我拣左市妇幼！点解？因为我妈系响市妇幼生我的，个到系我得到生命的地方，我认为我应该可以响个到稳到我生命的延续！

[ 本帖最后由 哈密瓜公主 于 2009-2-24 14:13 编辑 ]

今照我老公休息，一齐带女女去饮茶啊，见到甘多MM关注，觉得好感动啊 ，其实自己都唔觉得自己有咩好伟大 总之好多谢你地关注，我会继续同大家分享！

于是3月底的一日，我同老公一齐去到市妇幼挂左个主任，上到去同佢讲左情况，佢就开左BC单，同一D保胎的中成药比我（终于唔使打针 ）2日后，我去BC了，市妇幼好多人，好多人都赶住生金猪，大肚的，未大肚来测排卵的，一堆堆，唔知系米人多空气唔好，我心情变得一D低落，轮到我的时候，我简直就已经认为我只会得到“未见胎心”的结果，上左BC床之后，呆呆的望住天花板，听住医生同旁边的助手报一连串的数字，咩子宫几多X几多，卵巢几多X几多，讲完孕囊的尺寸之后，个医生忽然话，哎，你来看一下这是不是胎心？我看好似是！ 真的？真的？我一下子紧张起来，望过屏幕个边，虽然我系睇唔到的屏幕的，我SS盯着个医生，另外那个过来睇左一眼，好肯定甘话，是！有胎心！ 天啊！多谢你啊！真系好多谢啊！我来市妇幼果然无错啊（注意呢个唔关医院的事，系我自己的想法来的，大家唔好误会了）我出世的地方果然会带来好运！顿时心里面压左几年的大石跌左落来

[ 本帖最后由 哈密瓜公主 于 2009-2-24 14:41 编辑 ]

终于，终于，等左3年，等来左一个小猪宝！我屋企人都系唔轻易表达感情的人来的，嘴上无讲太多替我高兴或者担心的说话，但系我知道他们心里面会好高兴好高兴，特别系我JP，我最多谢佢甘多年都无催过我一句，我老公系三代单传的独子来的，唯有一件最遗憾的事就系，我JG早半年去左，睇唔到个孙，不过可能系因为佢在天有灵保佑我，今次先可以顺利好孕咋！
接落来我就经历左所有孕妇经历的孕吐，脚抽筋，趾骨痛等等，我系有左之后开始上妈网的，一开始净系上来睇，无注册，后来妈网改规矩，唔注册的话睇唔到人地发的相我先注册左，叫哈密瓜公主系因为我快生的时候我老公话我个肚好似放左个哈密瓜入去甘大，之后就一直叫个女左哈密瓜
怀孕的期间，我最最注意的系胎心同胎动，自己买胎心仪日日听，日日准时数胎动，我好认真的，一次都无漏过，我有时见到妈网上有MM话极少记得数胎动，觉得好不可思议，可能真系应左个句，越难得到的野先会越珍惜！

[ 本帖最后由 哈密瓜公主 于 2009-2-24 20:15 编辑 ]

讲到呢到，大家都知后面的事了，当然就系无惊无险生左我呢个小宝贝，佢以家已经1岁几了，望住佢可爱的样，个D曾经的艰苦岁月总算系有个完满的结果，所有的辛苦都系值得！本来我对呢D曾经的印象已经慢慢淡忘，只系偶然来到准备怀孕版，睇见有甘多个以前的我，仲响彷徨之中，决定尽力回忆下呢几年的事，分享下我的经历，帮各位加油，打气！
以下系我真心比大家的建议，无论你准备睇西医定中医，心态好重要，一定要放松！放松！再放松！越系紧张就越唔得，我就系例子，一直要都唔，到以为再都无会有个时就有了，都几讲缘分的！希望各位想要BB的MM日日有靓心情，甘先会早日好孕的！

[ 本帖最后由 哈密瓜公主 于 2009-2-24 22:07 编辑 ]

哎呀，才看见我升大本了，呵呵，