咁样罗去，我地会离婚吗？？？

   系结婚前，我同老公有过两个BB，但都落左。第一个系因为食左避孕药，当知道再怀孕既时候，我地就打算结婚。一齐我都觉得好开心，好幸福。但我生日果晚，距呃住我出去同D朋友去K，因为有个朋友系第二日生日，距就呃我话翻屋企训交，当时我真系信距。半夜3点几4点，爸爸打电话俾我，问我同距去左边，我当时觉得奇怪，爸爸点解咁问我，爸爸就话话距可能按左个电话打左俾距都唔知，爸爸就一直听住距讲野，话当时好嘈，有男有女讲野。当时我好嬲，即刻打电话俾距，打左几次距先肯接电话，问距系边，距话训紧交。好，我就叫距用屋企电话打俾我。但过左好耐都无打。果晚我系同妈妈训既，妈妈就话叫我直接打去距屋企。打过去系打紧电话既，我再打，接电话既系我依家既家婆，问距，阿X呢？距话距系上边训交。我就话叫距听电话。家婆就叫我等阵就挂左我电话。等左一阵，我再打，通话中，再打，又系家婆接，我就问，到底距系唔系屋企。距就话，距训紧啊，听日先俾电话你啦。我就话，你仲讲大话！我问得你既我就知道距唔系系屋企，你依家咁帮住个仔讲大话，啉到第日我嫁左入去会点！！！我好憎你地啊！！！唔结婚啦！！！叫距去玩够先啦！！！BB都唔要啦！！！之后妈妈抢左个电话同距讲，今日我个女生日，距都唔同距过，竟然同D朋友出去玩，仲要依家几点啊，仲未翻，饮左酒仲要开车知唔知道几危险架，如果距未玩够既就唔好再啉以后啦，依家咁样结婚（指我有左，因为我屋企系有头有面既，而且爸爸果边既观念就系有左先结婚系唔好，有D掉假既，妈妈一直都未同爸爸讲，距都唔敢同爸爸讲，妈妈一直帮我地隐瞒住，距都好辛苦，但距一直无出声，距知道我觉得幸福就得架啦真系辛苦左妈妈....）我地要承受几多压力啊，但我都算啦，只要个女中意，个女幸福就得，但依家咁叫我点放心将个女交俾你地啊....跟住讲左乜野我都忘记左啦。收线之后，妈妈就喊住同我讲，距话算啦，啉清楚先啦。我当时就话，都系算啦，落左距啦，之后就喊到收唔到声。妈妈就问我系未唔舍得，我就点点头。但喊左一阵，我就同妈妈讲，算啦，唔好再啉啦，我无事架，训左交先算啦。（依家啉起都好伤心）过左两日，妈妈打电话叫距同我去落左距，之后距都无出声，一直照顾左我几日。距就系咁，做错事就只识系你隔离就系唔出声.......过左段时间，我地都系结婚啦，婚礼退到2008年既1月份。

   对于我老公果次我系结婚前就已经原谅左距啦，但都觉得果次系一次遗憾。但对我家婆既感情，我一直放唔低，我好憎俾人呃，到依家，不可否认既，我仲系唔系几中意距，加上距既语言行为都系我一直唔中意既。

   结婚后，我地就住过一段时间老公既屋企，之后我因为受唔到系距屋企既寂寞，而且结婚后就再次怀孕，所以就搬左翻娘家住，都方便照顾，因为系老公既屋企我同距地生活习惯系唔同，晚饭一般都最早都要7点半，有时仲要8点先有得食。距地屋企系烧柴既，我又唔识，有煤气炉既又无送，距地经常要食先出去买，出去买送又一段时间，所以次次搞到咁夜。老公次次翻去食饭都会话距，明知我依家有左，唔系话睇住D时间煮饭既，大肚婆唔呃得架。D洗碗布，针板更不再话，一个字“脏”无眼睇。哎.....但又唔可以出声，惊有野俾人地讲（乡下地方，得闲无事讲人是非既人多的是，而且距屋企经常有D三姑六婆过黎倾计，一般我既活动空间就系房间）

   之后就翻左妈妈度住，我地本来系可以去自己屋企住既，但老公话刚刚装修完，我又有左，唔好咁快过去住啦，都系系妈妈度住啦，所以老公就同我一齐住系妈妈度。妈妈知道我老公既性格仲未成熟，所以当左距仔咁教，但我老公有时就系唔知道妈妈既用意，以为妈妈老是针对住距，其实好多野妈妈都帮距隐瞒距爸爸，好多野俾爸爸知道实会闹距（我老公系帮我爸爸做野既）都系因为咁，我老公成日系我面前话妈妈点点点，妈妈又系我面前话我老公点点点，当时我觉得好辛苦，做左距地既中间人。但依家已经改善左好多啦，妈妈话算啦，距总有日会知道对距既用心既。

   而我同家婆都系存在问题，我啉系我自己既问题啦，我屋企人都话家婆好，叫我算啦，放低之前既野。有时我啉下自己可能真系要放低啦。当再睇到距既行为，真系......距既性格就好似我朋友所讲既纯正农村妇女，难听D就系乡下人就系咁，系呢度我讲明，我唔系其实乡下人，因为我爸爸妈妈屋企都系乡下既，但点解爸爸妈妈屋企既都会懂D人情世故，有小小家教，知道咩是应该做，咩事唔应该做......哎，我都唔知应该点形容啦。

   未出世之前，我有预感我地第日会因为距而闹交，因为我家婆讲明一定要宠距，距要乜就俾乜。而我就话唔可以咁，咁细个就宠距，第日距个性格唔方好得去边，反而系会害左距。我家婆就话，依家任你生可以生得几个啊，系人都会宠架啦。我就话，奶奶，唔系咁架，锡距既话心锡就好啦。到依家BB出世啦，一住埋月就立即翻左妈妈度住，住月既时候，奶奶系咁抱住距系咁锡，1分钟系手既45秒系锡住块面既，而且成日要抱距。我就同奶奶讲，BB抱得多几话，睇日唔肯训床，成日要人抱就惨啦。距当然无所谓啦，因为都唔使距凑，哎......之后大概每个星期翻去一次啦，距煮煮下饭又去摸下BB（距唔理自己只手干唔干净架），几次之下，我忍唔住就话，奶奶，你洗干净只手先啦。有次仲抱住BB去烧柴，仲话第日大个叫距同埋距去剪草（距依家份工就系修花剪草）。点解就唔可以啉下好D既野既咩，我唔想见到BB将来呜呜慥慥既样啊，难以想象.....好多时食食下饭，距竟然去抱起BB，习惯性动作，系咁锡住距。个嘴又食到邋遢，系咁锡落去，睇到都心痛。讲过好几次咁样唔好，叫距食完饭，抹下个嘴先，距就唔听。一D卫生常识都无。每次都系咁.....咁样罗去，我都唔知可以忍几耐，BB越黎越大啦，今日同距屙屎既时候，奶奶系隔离系咁撩住距，都算啦，之后竟然教距扯我既头发窝，真系好嬲。当住距面大左BB既手一下。打既时候个心好痛，但唔系咁，距嘛嘛唔会知道咁样系错架。我就话，边个教你一次坏动作我就带你一次。今日真系好嬲，个心又好痛。

   上班既途中，我一直系度啉，再咁落去我地会唔会咁而离婚呢？？？我知道我系自私既，我依家个心就只系有个女，女女系我心中系最仲要架。有时啉，我咁样系未有心理病呢？？？？

[ 本帖最后由 liyanfang95 于 2009-3-13 14:30 编辑 ]