唉，我以为我个老公都算极品了，原来人上有人！我有咗之后经常叫老公陪我去散步，但係通常叫10次有7次都唔肯陪。不过我知道佢係懒，而唔係唔关心我～

　前两日同学结婚要去饮，老公话放工好赶，唔同我去饮了，叫我自己去。饮完再黎接我。当日临放工前半个钟，我系QQ度同老公讲，今晚八点半左右就开始系屋企开车出黎了。（屋企到酒楼开车大约半个钟）结果老公话，我系有讲过黎接你，但无话去酒楼接喔！你自己坐车去地铁站，坐地铁番黎，我再去地铁站接你啦！或者直接系地铁站打埋的番屋企啦！　（由酒楼到车站5分钟，车站坐到地铁站10分钟，地铁坐到最近屋企30分钟，打的15分钟）　我有D火滚~夜妈妈饮完，果个酒楼系内街入面，我想打的都稳唔到的士。一个人都算了，仲要大住个肚。我问距点解唔黎？LG话，20分钟车程好远！！　好远？！咁我转车，转铁再转的就唔远？！有无咁唔体贴的人架？　当晚D同学听到我话要自己番去（LG家住得好偏远，差唔多到大学城），个个都周围帮我问人有无顺风车可以载我一程。同学尚且如此，果个系我LG，肚入面BB嘅爸爸，点解可以咁样由得我自生自灭。只系开部车出黎接一接都诸多推托。成日话想我独立D，唔好太依赖距。我觉得呢D就算我唔提出，作为LG的都应该要体贴。　结果当晚花左个几钟番到屋企。地铁站出黎我都无打电话叫距接我，直接自己企系马路边等的士，然后番屋企。两日无讲过嘢。之前怀孕四个月时都试过放工落好大雨，留系公司到8点几都未走到。LG已经番到屋企，我问LG可唔可以开车过黎公司接我。距都系话开车好麻烦，叫我稳同事车去地铁站或者打的番去。地铁站离公司行路要15分钟，如果自己行肯定会全身湿晒。而且落大雨，都唔好旨意可以打到的士，打到都起码要系路边企番半个钟。LG话，点解我可以番到屋企，你唔可以？！　最后差唔多到9点，老细要走了。问我洗唔洗送我番屋企。自己屋企住到无雷公咁远，点好意思话要人送到番去。唯有叫距送我番娘家……　临走时发左条短讯俾LG话我番娘家，之后成晚都无关心过我番到去未，有无淋湿。　有时谂番转头，真系觉得好心淡。　系米因为我地有咗BB先结婚，所以距特别唔珍惜我，亦都唔识得去体贴下一个孕妇？