剖腹产的，要多久才可以吃呢？我早就已经煲好了`但没想到自己竟然剖腹了``担心伤口愈合得不好，就没敢吃，今天已经离手术日八天了``

真详细 收用了  谢谢

坐月食譜

A曳媽咪！自家坐月飲食及注意事項《公開版》A
．此坐月飲食表以一共四十朝為期，共分休養期、進補期、大補期及滋補期。
．餸菜均以少鹽、紅糖(或白糖)、麻油、適量黑糯米酒等來調味，以烚、蒸及炆煮來烹調，不宜太味濃及油膩。而湯品以隔水清燉及煲來烹調。
．肉類以瘦肉、少肥油豬展肉、魚肉、雞柳肉或雞胸肉為主，而原雞隻或冰鮮雞食用前必須先去皮、去肥膏、去頭尾及去清內臟(烏雞則不須去皮)
．飯類可以糯米、紅米、糙米來代替白米；另亦可進食通粉、米粉、面線等。
．燉品湯水在日間進食較易吸收，而養生甜品則在夜間進食效果會更好。
．飲品主要以代茶為主較好，能較易被腸胃吸收有關調理身子的功效。而水份、熱奶或熱豆漿亦都可以飲，勿一次過飲太多避免腸胃下垂，以適可而止為佳。
．產後一星期不太適宜進食水果，如真的想吃的話，可選擇木瓜、提子。
．各湯水甜品等可自行加入燕窩、雪蛤膏、沙參、淮山、玉竹、花膠等滋陰潤燥的材料。
．而當歸、鹿茸、人參、鹿尾羓等呢類補品均須過四十朝後進食會較好，開刀媽咪則再延遲至產後二個月進食較佳。而進食次數亦不宜太密，一個月吃一至兩次就足夠了。
．坐月期間最好以少吃多餐，一日五至六餐最適宜。
．十二朝前最緊要清淡，餸菜可配以黑木耳(白背黑木耳功效最好，而普通木耳尚都可以)同煮，能幫助排清惡露，但不可過量。
．煮食時須注意均衡營養的吸收，最好能做到青、紅、黃、白、黑之五色蔬果均俱全。

．開刀生產的媽咪須額外注意：—
1.        最好過二十朝後才開始進補，慢慢增加行血壯血食物的數量，例如：紅棗、薑、黨參、薑醋等。
2.        薑茸炒飯最好過二十朝後才開始進食
3.        大補期內既牛肉全以豬肉替代
4.        十二朝前可以清燉雞湯來補身，可以陳皮代替薑片；另不應飲用生魚湯，以免肉芽增生。

．餵人奶媽咪注意：—
1.        不想飲食魚類來增奶量，可另外選擇木瓜、花生或通草來配章魚、蓮藕來煲湯。
2.        亦都可以食雞酒，最好安排在餵完BB後才進食，但亦須要留意BB的反應，如面紅紅、面出粒粒、大便有沒有困難等，則須相隔三至四小時後才再餵哺。
3.        食得太鹹會容易回奶，亦會令媽咪水腫難消。

．因每位媽咪體質不同，如食了某類湯飲食物後：—
1.        發覺惡露回流、流量增多或變回鮮紅色，則可能導致行血，便要留意了，須暫停食用某類食物，待過後才再烹煮飲用。
2.        出現失眠、生飛滋、喉嚨痛、口乾等，則可能過燥，須改為進食較滋潤的湯飲食品了。

．媽咪們生產後，是身體組織一個大規模的新陳代謝、重整既時期，所以越早開始調補就越好，
如能好好把握調理，進補得宜，是可以令身體復原得更好更健康。故最好調理至四十朝，如有心補身調理是可以補至一百朝的。

【一】休養期《平補、排惡露》適合產後頭五天

注意：剛生完後體質較虛弱，腸胃亦均須休息，故餸菜以清淡自然平補調理為主，暫不可進補。

《一》早餐                紅糖粥 / 桂圓粥 / 五更飯(以於清晨時份吃最能吸收及補氣)
《二》湯品                清燉桂圓烏雞 / 桂圓蓮子木耳湯 / 木瓜花生湯 / 花膠椰肉燉雞
《三》餸類                南瓜炒肉絲 / 梅菜清蒸鱸魚 / 蓮藕花生炆雞柳
《四》飯類                黑豆飯 / 麻油薑茸炒飯
《五》菜類                可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜
《六》代茶                炒米茶 (可配以桂圓、杞子或去核紅棗同煲，但紅棗數量暫不可太多粒)
《七》甜品                紅糖蓮子百合糖水 / 紅糖桂圓紅豆沙 / 雪耳燉木瓜

【二】休養期《平補、去瘀血、防風寒》適合產後第六天至十天

注意：腸胃將慢慢適應，但餸菜最好仍以清淡為主，只能清補，尚未能大補。
本休養期主力去清瘀血，強身抗風寒。
《一》早餐                紅糖粥 / 桂圓蓮子粥 / 五更飯 / 花膠紅米粥
《二》湯品                淮山杞子桂圓燉花膠 / 蓮子合桃煲瘦肉 / 南棗桂圓燉烏雞
《三》餸類                金針黑木耳蒸桂花魚 / 栗子紅腰豆炆蓮藕 / 冬菇瑤柱蒸雞
《四》飯類                麻油薑茸炒飯 / 陳皮紅棗蒸雞焗飯
《五》菜類                可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜
《六》代茶                益母草紅糖水 / 桂圓南棗薑汁茶 / 沙參黑豆南棗茶
《七》甜品                芝麻糊 / 花生紅棗糖水 / 杞子桂圓紅糖煲鵪鶉蛋

【三】進補期《溫補、補血潤腸胃》適合產後第十一天至十五天
        
注意：可以開始以白糖、冰糖來代替紅糖。
         此進補期開始溫補，以幫助消化及排便机能的恢復，但不宜太燥。
《一》早餐                桂圓蓮子粥 / 五更飯 / 花膠紅米粥
《二》湯品                黑豆合桃煲瘦肉 / 蓮藕章魚紅豆湯 / 黨參桂圓燉豬展
《三》餸類                金針雲耳蒸雞 / 陳皮紅豆炆鯇魚 / 桂圓肉煎蛋
《四》飯類                麻油薑茸炒飯 / 菠菜蕃茄雞粒炒飯 / 薑醋飯
《五》菜類                可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜
《六》代茶                紅棗黨參桂圓茶 / 桂圓南棗薑汁茶 / 南北杏木瓜水
《七》甜品                薑汁芝麻花生湯丸 / 杞子紅棗煲雞蛋 / 淮山雪耳糖水
《八》水果                木瓜、提子、龍眼、西梅、桃類

備註：        1) 十二朝拜祖先：準備雞酒及豬腳薑，須拜過祖先後才可派比人
                2) 古老儀式：十二朝剃胎髮，意旨“去穢氣”

【四】進補期《溫補、壯腰補腎》適合產後第十六天至二十天

注意：此進補期以溫補，主力補腦固腰腎。

《一》早餐                南瓜肉絲通粉 / 花膠紅米粥 / 瑤柱花生魚片粥
《二》湯品                紅棗桂圓蓮藕湯 / 木耳豬潤紅棗湯 / 蓮子百合南棗煲豬展
《三》餸類                花生炆豬手 / 栗子紅腰豆炆雞柳 / 麻油雞酒 / 豬腳薑
《四》飯類                麻油薑茸炒飯 / 菠菜蕃茄雞粒炒飯 / 薑醋飯
《五》菜類                可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜
《六》代茶                黨參蓮子合桃茶 / 桂圓南棗薑汁茶 / 紅棗杞子茶
《七》甜品                合桃芝麻糊 / 杞子紅棗煲雞蛋 / 薑汁桂圓蕃薯糖水
《八》水果                木瓜、提子、龍眼、西梅、桃類

【五】大補期《養血、大補元氣》適合產後第二十一天至二十五天

注意：大補期可慢慢開始大補強身、行補氣血。

《一》早餐                薑片南瓜粥 / 冬菇紅棗魚片粥 / 紅棗桂圓雞粥
《二》湯品                黨參紅棗桂圓燉雞 / 菠菜豬潤湯 / 淮山杞子紅棗燉烏雞
《三》餸類        淮山猴頭菇炆豬展 / 黨參紅棗杞子蒸桂花魚 / 百合牛肉炒蜜豆 / 豬腳薑
《四》飯類                麻油薑茸蛋炒飯 / 冬菇雲耳蒸雞焗飯 / 薑醋飯
《五》菜類                可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜
《六》代茶                薑汁木瓜水 / 沙參紅棗杞子茶
《七》甜品                薑汁花生湯丸 / 陳皮桂圓栗子糖水 / 蓮子百合紅豆沙
《八》水果                木瓜、提子、龍眼、西梅、桃類、荔枝、榴槤

【六】大補期《養血、大補元氣》適合產後第二十六天至三十天
注意：大補期可慢慢開始大補強身、行補氣血。
《一》早餐                薑片南瓜粥 / 花生紅棗肉粥 / 蠔鼓豬潤粥
《二》湯品                薑片紅棗牛肉湯 / 杞子椰肉燉雞 / 猴頭菇花膠煲豬展
《三》餸類                冬菇栗子炆雞柳 / 黨參杞子蒸排骨 / 麻油雞酒 / 豬腳薑
《四》飯類                麻油薑茸蛋炒飯 / 冬菇雲耳蒸雞焗飯 / 薑醋飯
《五》菜類                可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜
《六》代茶                黨參紅棗桂圓茶 / 沙參紅棗杞子茶 / 紅棗合桃茶
《七》甜品                南北杏冰糖雪耳燉木瓜 / 薑汁芝麻花生湯丸 / 杞子紅棗桂圓煲鵪鶉蛋
《八》水果                木瓜、提子、龍眼、西梅、桃類、荔枝、榴槤

備註：        1) 準備彌月用品：紅粉、雞蛋、碌柚葉
2) 三十朝滿月：須用碌柚葉沖涼後(即洗酥)才可拜祖先，而拜祖先食物有雞酒、豬腳薑及
紅雞蛋

【七】滋補期《養血補氣》適合產後第三十一天至三十五天

注意：經過大補期的行補氣血後，滋補期的作用就是潤燥養血

《一》早餐                桂圓蓮子粥 / 南瓜粥 / 瑤柱花膠粥
《二》湯品                黨參紅棗桂圓燉烏雞 / 淮山杞子椰肉燉花膠 / 木瓜花生魚尾湯
《三》餸類                冬菇肉絲蒸鱸魚 / 金針雲耳蒸雞 / 百合牛肉炒蜜豆
《四》飯類                麻油薑茸蛋炒飯 / 冬菇雞粒炒飯 / 薑醋飯
《五》菜類                可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜
《六》代茶                黨參蓮子合桃茶 / 沙參紅棗杞子茶 / 桂圓杞子茶
《七》甜品                南北杏冰糖雪耳燉木瓜 / 薑汁芝麻花生湯丸 / 冰糖沙參玉竹煲鵪鶉蛋
《八》水果                木瓜、提子、龍眼、西梅、桃類、哈蜜瓜、車厘子

【八】滋補期《益脾、滋陰潤肺》適合產後第三十六天至四十天

注意：經過大補期的行補氣血後，滋補期的作用就是潤燥養血

《一》早餐                可以回復平時以各款三文治、麵包、麥皮、粟米片等作早餐
《二》湯品                沙參玉竹燉烏雞 / 淮山杞子椰肉燉花膠 / 木瓜紅棗鯇魚尾湯
《三》餸類                桂圓肉煎蛋 / 鮮茄南瓜燴豬扒 / 香菇青椒雞粒扒豆腐
《四》飯類                薑醋飯 或 白米飯
《五》菜類                可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜
《六》代茶                南北杏木瓜水 / 沙參桂圓茶
《七》甜品                南北杏冰糖雪耳燉木瓜 / 蜜棗桂圓燉木瓜 / 沙參蜜棗煲雞蛋
《八》水果                木瓜、提子、龍眼、西梅、桃類、哈蜜瓜、車厘子

產後坐月子宜忌食品一覽表
   
1.適時蔬菜:
紅菜:補血養陰
芥藍:養血散寒
菠菜:養陰燥熱，斂陰補血
油菜:行瘀散血、溫經散寒
高麗菜:補腎壯骨、健胃通絡
萵苣:通血脈、利五臟、通乳、利尿

2.忌食蔬菜:
性寒、有礙器官功能與恢復
豆芽:苦瓜、冬瓜、生菜、泡白菜、醃蘿蔔、空心菜

3.適食水果:
木瓜:生津、潤便
櫻桃:補氣、怯風寒
榴:補氣血、怯寒
山查:健胃消食、活血化瘀
桃子:補氣生津、活血消積
葡萄:補氣血、強筋骨、利尿
蘋果:健脾益胃、生津、潤燥補血  

4.忌食水果:
性寒:有礙婦科器官恢復
西瓜:蕃茄、柳丁、水梨、椰子、香瓜  

5.發奶食物:
豬蹄、花生、鯉魚、蝦、螃蟹、鮑魚、雞肉

6.退奶食物:
麥芽、韭菜、人參

產婦坐月食療
產後的保養
中醫認為，產後的生理變化為『虛』和 『瘀』。由於產婦陰血驟虛，陽氣易浮，因此在產後最初幾天會出現怕風、惡露、微熱、自汗等現象。由於產後虛弱，抗病力弱，稍不注意調理即會遭病邪侵襲而發生各種疾病，且一旦發病則病重難療，因此加強產後調理及飲食調養就顯得特別重要。
產後婦女應加強飲食調理，多食富有營養的食物以生氣血，促進乳汁的分泌。而產後體虛，易感風寒、暑濕及燥火，而且產後腸胃的功能虛弱，因此在產後應注意調補又必須注意腸胃的功能。

媽媽產後即面臨兩大的任務：一、是產婦自身的身體恢復，二、是哺乳餵養寶寶。這兩個方面均需要營養，因此飲食營養對於月子期的產婦尤其重要。要滿足月子裡婦女營養的需求量，飲食方法是很重要的。

產婦坐月飲食重點

(1) 增加餐次：每日餐次應較一般人多，以5至6次為宜。這是因為餐次增多有利於食物消化吸收，保證充足的營養。產後腸胃功能減弱，蠕動減慢，如一次良過多及過飽，反而增加腸胃負擔，從而減弱腸胃功能。如採用多餐制則有利胃腸功能恢復，減輕腸負擔。

(2) 每餐食物應乾稀配搭：乾者可保證營養的供給，稀者則可提供夠的水份，乳母哺乳則需要水來補充，從而有利於乳汁的分泌。

(3) 應蔬菜及肉類配搭：不同的食物所含的營養成份種類及數量不同，而人體需要的營養則是多方面的，過於偏食會導致芋一些營養素缺乏。一般的習慣是，坐月時間裡鼓勵吃雞、魚、蛋，而忽略了其他食物的攝入，產婦應避免偏食，多吃蔬菜生果、高蛋白質食物(如蛋、豆腐、奶品)、補血食品(如豬肝、豬肉、牛肉、雞肉)等。

(4) 清淡適宜：坐月期間的飲食應清淡適宜，即在調味料上(如蔥、薑、蒜、椒、辣、酒等)應少於一般人的量，但並不是不於或過少的放。其實各種的調味料除能增加胃口，促進食慾外，對產婦身體健康亦是有利的。

(5) 烹調食物時加入少量蔥、薑、椒或酒的偏溫味食物，則有助活血排瘀。

(6) 產婦在坐月期間不直進食肥膩難消化的食物外，寒涼生冷的食物也不宜進食(如：生菜、白菜、芥菜、蘿蔔、香蕉、雪梨、西瓜、冬瓜、青瓜、綠豆及芽菜等)，雪凍的食物也必須先解凍，再次溫熱之後才可以進食。

產後調補湯水推介

1. 人參當歸煲烏雞
    材料 ： 烏骨雞一隻、人參15克、當歸10克、紅棗10枚。
    製法 ： 烏雞宰好去毛及內臟，人參、當歸、紅(去核)，分別洗淨。
            先將烏雞放入鍋內，加水適量，武火煮至雞熟，去骨，再放入人參、
            當歸再文火煮40分鐘，加鹽調味即可供飲用。
    功效 ： 益氣生血、溫中補虛，補精添髓，強身健體，症見面色蒼白或萎黃，頭暈眼花，四肢倦怠，氣短懶言，心悸怔忡，食慾減退等均有治療
            和補益作用。

2. 花生章魚湯
    材料 ： 章魚100克、花生60克、?肉250克、糯米酒100克
    製法 ： 烏將章魚洗乾淨，用清水浸軟；花生洗淨，?肉洗淨切小塊。把全部材料一同放入鍋內，加水適量，武火煮沸後，文火煮2小時，調味即可。飲湯時再加入糯米酒，隨意飲用。
功效 ： 補脾和胃，養血通乳。本湯含豐富蛋白質，脂肪，鈣等，母嬰必需營養物質的湯品。

[ 本帖最后由 CH2009 于 2009-4-18 14:28 编辑 ]

3. 杜仲腰花木耳湯
    材料 ： 章杜仲12克、豬腰2隻、黑木耳24克、紅棗10枚、薑3片、紹酒少許
    製法 ： 杜仲、紅棗(去核)、薑(去皮)、黑木耳先浸發，豬 (開邊)，將全部材料分別洗淨，一同放入鍋內，加水適量，武火煮沸後改文火煲1小時，再放入豬腰、紹酒，待豬腰熟即可加鹽調味供用。
    功效 ： 補肝腎，固腎腰。補血，活血。

4. 通草鯽魚湯
    材料 ： 通草2錢，鯽魚1條，果皮1件，5碗水同煲
    製法 : 將通草洗淨，鯽魚用少許油煎香，水滾後放材料及水一同煲，約2              小時，即可供用
    功效 ： 補氣養血，通乳汁

[ 本帖最后由 CH2009 于 2009-4-18 14:28 编辑 ]

*產婦應按自己的身體狀況選擇調補的湯水，請諮詢閣下的中醫師。
炒米茶比開水有益有米氣落肚，可以暖胃，好好多架。生完就飲得架啦。
查實做法好簡單架咋：—
將 d 乾米用白鑊炒到佢黃色，可以一次炒多 d 放入個玻璃樽度存放都得。
每次飲時都可以用個煲仔放一手份量既炒米，加一片薑，再加水(濃淡隨意)，滾左就可以倒入暖壺度口喝囉黎就得架了。 其實都可以飲水，但唔好飲得太多就唔大問題。
另外，可以隨意加 d 紅棗(十二朝前唔好太多粒)、龍眼乾(即桂圓肉)、杞子、黨參(十二朝後)一齊煲黎飲都得架。

… … … … … … …
至於生水 (指無煲滾既水) 就真係盡人事都可免則免了，咁平時抹面洗手咁點呢？係可以用薑水架 (刷牙除外！哈~)。
做法亦係非常簡單：—
只須拍扁几舊大薑，放入一大盆水度煲滾就得架啦！
可以攤凍放入廁所度作平時抹手抹面用，唔洗擔心話凍既有冇問題，你試過就知好奇妙架啦，凍既薑水用完都會興合合架！哈哈哈哈哈~~~

而食 d 咩，最緊要均衡，但涼性既瓜果菜都少食好 d。
煮時就反而要注意：—
1. 作法為蒸、燉、烚最好，清淡得黎亦可保原汁原味。
2. 用麻油代替普通油，極少用鹽，糖用紅糖(即食豆腐花時加果 d 糖)，同埋薑黎調味。其他既盡量唔好用了。
3. 肉類為瘦肉、無肥膏既豬肉、雞肉、魚肉 (桂花、鱸魚、鯇魚都 ok)，但牛肉就最好到第三個星期後先好食了。

十二朝前：—
~ 最緊要清淡，可以煮黑木耳 (或普通木耳都 ok)，可以幫助排清惡露。用黎一齊蒸豬肉、雞肉等都得。
~ 薑同紅棗都可以用，但唔好用太多，十二朝後先慢慢加份量。
查實如大家有睇孕媽媽呢本雜誌既話應該會知道的。

其實 "五更飯" 即係以前既早飯，係清晨時份 (即第五更-5~7點) 所食既飯而已。
以前無錢買補品補身，但一起身食到碗飯係可以增強氣力、幫助身體吸收營養，可補中氣的。

用料真係好平民化架，但奇在可以好補身！同食隻雞既效用可比美！
材料：蛋、薑茸、豬肉，頭2個星期可另加入木耳。
煮飯同一般煲飯既方法就得，仲意既加麻油炒佢 2 炒又得！
材料既份量因應個人須要而自行調較。

最主要係一起身後食到呢碗飯，就既可補身又可補氣。
至於減肥呢個問題…… 留到坐完月打好個身體机能後先再唸囉！呵呵呵呵~~~~

而 "紅糖粥" 同 "桂圓粥" 又點做呢？
製法非常簡單：—
紅糖粥》
紅糖 = 食豆腐花時所落既糖，有活血祛瘀既作用，所以產後 頭 2 個星期食用就最岩不過。
只須好似平時咁煲白米粥，滾後加入紅糖拌勻就 ok 了。

桂圓粥》
將桂圓(即龍眼乾)與白米同煲成粥即可！

至於黑豆飯又點做呢？
黑豆於白鑊中炒至豆皮稍為爆裂時贊下清水，煮15分鐘後撈起於白米一同煲熟即可。唔須要額外去皮的。

1. 你係可以用薑皮黎煲水用架，但一手執薑就未必夠一日用了，似乎淡左少少丫，起碼都要 2~3手執既份量就差唔多。同埋建意你將 d 薑皮放入湯袋後先煲，否則煲完你都要花 d 工夫先囉到 d 水黎用唷~~哈哈哈
你用薑皮煲水確實係物盡其用，但相比之下當然拍扁几舊大薑黎煲水會方便 d 丫。
2. 你用咩器皿黎裝水沖身都無咩所謂，用盆沖 d 薑就會見洗 d，哈~  好似以前 d 人咁用個 "不" 黎淋身同用毛巾黎洗刷皮膚就 ok 架了。
同埋如你個浴缸係白色，我相信你沖左几次後就會發覺個浴缸會變左黃黃地色架啦！哈！@.@~

小靈靈：
1.糯米酒做法唔太難，但造酒時既步驟反而要注意既野就好多！同埋須時起碼要 4個月至半年以上，所以亦都唔易。
而我份資料內所用既係黑糯米酒黎，係超市都買得到架了。
2. 而黑糯米酒既作用係可以益氣補血，都係會行血架，所以十二朝前主要用黎調味，去到惡露去淨後就可以直接飲少少黎補身。另外做雞酒都係好好架，同埋唔洗一定要坐月先飲得，往後我地 "m" 黎完都可以飲少少黎補補身補補血都唔錯架！

… … … … …
1. 餵人奶係可以飲雞酒糯米酒等既酒類架，不過就最好安排係食完 bb 後先飲，同埋相隔下一餐飲奶既時間最好要 3~4個鐘左右。但亦須要留意BB的反應，如面紅紅、面出粒粒、大便有沒有困難等，咁就要減少飲用既份量或停一停啦。
2. 坐月飲波打酒我都聽過，因我呀麻都有同我講過下~ 哈~
波打酒都有補血既作用架，不過酒精成份就高 d 同有氣，同埋多數都係凍飲，唔凍既真係好鬼難飲架！哈~~~

紅米一樣可以炒黎飲用，但味道如何我就未試過。纖維質同營養價值比白米仲高 d 忝，相信係可以減少便秘既問題。

想問下頭5日, 如果開刀or順產, 係e院係米可以飲燉雞汁(一隻雞咩都唔落, 出水, 燉4個鐘, 燉出一碗雞汁)?
係絕對可以架，你呢種叫清燉雞，如果開刀生，頭果十几朝都唔可以點補既情況下，係可以飲日日飲架。一時白雞、一時烏雞都可以。順產更加無問題，過頭几日後，慢慢加 d 桂圓或紅棗 (數粒)或沙參都可以架~

清燉桂圓烏雞湯....洗唔洗落果皮? 一隻雞一次過燉幾多碗水or分開幾次燉?
可以唔洗，但開刀媽咪可以加一角果皮。燉几多水就好彈性既，事乎你個燉盅有几大，你又想飲几多咁丫。但唔須要分開几次燉既，因反正都無人同你爭架了 (哈~)，你咪一次燉 2 大碗既份量，中午飲完留一半到夜晚蒸返熱黎飲囉。

煮雞飯落 d乾"遙柱"+ 果皮, ok?
絕對可以架！

噤係米食多d麻油炒飯好過就噤食白飯架?
2 種比較之下加左麻油既飯係會有益過淨白飯丫。

麻油薑茸炒飯....但係頭5日係米唔好落太多薑呀?
如果開刀，就唔好落薑就落少少果皮，直至十二朝後先慢慢由少少薑茸咁加上去。但順產既查實就可以，不過都係由少少當調味咁，後再慢慢加份量。