我吾系九斤老太，但衣家下系市面卖既腊味真系无嘀香味，十有九都会吾系生晒啦（连皇上皇、沧州等吾会系生晒）。日前香港朋友带左二斤Ｘ华牌生晒腊肉，煮出嘀煲仔饭来奇香无比，连我屋企果只狗仔都望住个煲，尾巴差嘀摇断，流晒口水.哈哈….究其原因，香在生晒二字。但据讲呢嘀腊味要成百文港币一斤（可能朋友吹水），吾符合经济原则，不如自己动手晒。而家秋高气爽，正是好日子！

首先系备料：带皮五花猪肉5斤、盐、白糖、生抽（最好用双璜生抽）、汾酒各二两，有一只海天牌红烧酱油（或者用珠油都得），用来最后上色，如有，腊肉卖相会好嘀，如无可免。

第二步系制作：五花肉切成长35cm厚1.5cm长条，肉头穿细窿，用开水洗去肉面油腻，沥干水分备用。盐、糖、生抽、汾酒加入半碗温开水调溶，放入五花肉腌8-10个钟。腌制时隔30分钟左右翻动一下五花肉使其入味，如同时给其按摩按摩，腊肉就溶入左你嘀情感，到时腊肉会以更香的形式报答你的关怀！哈哈..吾到你吾信噶…..

第三步系晾晒：晒前用毛扫薄薄给五花肉扫一层红烧酱油，用绳在肉头细窿穿起五花肉，挂在阳台等光猛通风（重点系要风干）的地方，晒到肉身干硬为止（到后期就要切记吾好用禁猛既太阳晒啦，费事晒到出油影响味道）。晒好嘀腊肉放入冰箱几个月吾会腻咖！

   几年来我晒腊肉都系用汾酒，近30蚊鸡一瓶，真系几重皮，吾知各位食友有无平货可以代汾酒介绍一下呢（要香型接近）
    另外，记得广式腊肉腌料就系盐、糖、生抽、酒（梗系汾酒首选啦，老广都实践左过百年啦）呢4味，千奇吾好自作主张落五香粉八角呢嘀东东，本人有过惨痛教训，你就吾好试啦。但五花腩有时买不到，可用半肥瘦猪肉代，但拣肉时留意肥瘦部分结合要紧密，否则煮熟后肥瘦分开。