心淡
119711怀孕妈妈
lucy1920距早上八点半起身就吵醒我，然后系间房度打游戏。我谂住横掂都醒左就发短信比妈咪祝距母亲节快乐，因为妈咪唔系广州，而我宜家亦唔可以返屋企同距庆祝节日，本身就觉得心情唔系几好。后尾阿妈打返电话来，我就训住接电话咯（当时我仲赖系床度，因为真系好眼训，半夜起身去厕所又热，训得唔好）。妈咪问我点解甘早起身（因为周末我一般系训到10点既），我米话我老公唔知搞咩鬼一早起身吵住晒，一起身又系度打机。我妈就叫我唔好理距，继续训觉。当时我老公听到就系旁边大叫，话咩“你试下一个星期返六日工啦！”，我无理距，同我妈继续讲左两句。cut左线之后，我就问我老公甘大声讲野做咩，距就话讲比你妈听咯，我就话我妈咪今日都仲要返工啦，然后距就话“距地五一去玩完返来，加班好出奇咩，你讲野都无脑既！”。我听左之后好难过，明明今日系母亲节，你唔打电话比我妈咪问候下都算啦，仲要甘样来闹我。然后我就系度流眼泪，距睇到我喊竟然仲继续闹我，话我又发咩神经啊你，喊咩喊，有病。我无出声，换好衫之后喊住走出厅度。我家婆见我喊就问我老公搞咩一大早激我，距就鬼甘大声系度话我一大早打电话比我妈话距打机，又系度话唔知发咩神经系度喊，我当时系厕所度一边刷牙一边喊，忍唔住冲出去话距点解要闹我无脑之类既话，我家婆同家公听到之后就系度声讨我老公。我洗完面之后一边喊一边走，真系无办法在坐系间屋度，我家婆叫我食完早餐先走，我话食唔落，拿住个包包就走左。然后就去左我表妹度，成日流流长，我老公都无稳过我，反而我家婆打左几次电话来叫我返屋企食饭。
2010/05/10
miyakoyl
kclaire
喵er
鳕蔸
