自细记得它时，果阵时我仲系一个好细好细既小学生，富集是位于而家既荔湾广场北门（后门）正对住那条小巷口既街边牛杂档，当时，呢个巷口前仲系3路车的一个途经站;
后来，荔湾广场起好左，我已经系中学生还系大学生时，在上下九淘淘居斜对面开左一个铺位，那时还有一个小二楼夹层可以坐;
跟住，步行街另到D租金越黎越贵，我亦服务于社会了，富集“隐形”左一段时间后，终于比我系龙津路，龙津市场同龙津小学之间揾返它，并带过好多个同事去食，个个都食到树起大拇指，而且记得仲有小炒碟头饭卖添。。。
结果，05还是06年左右一场烧通顶既大火，富集又一次同我玩“躲猫猫”，到而家我都仲未揾得返它出黎！
麻烦大家真系帮帮眼留意一下，好挂住它既清汤牛杂/猪杂/羊杂，仲有自制既黄色芥辣酱！

搬咗去龙津路嘛，靠近华贵路口。不过搬咗之后生意就差咗好多咯。

唔系火烛左咩？而家仲系度？成日行过，好似唔多觉。。。。

唔多觉有间咁的嘢喔

无发现啊

哗，知音啊。夹层啊，你使我回忆起店的旧貌.....
吾系吧，一场大火啊？吾同真系风水问题？

留印

我都好想知啊，帮顶！

帮顶，我都很想知道

7 小學就開始食啦!真系好正,最5中意次次都要座夾層,不過次次都要去食!真系好正,不過食左幾年就無左咯!!哎