多谢多谢~~~

其实做法都系之前的妈妈们share过的，我唔敢邀功，呵呵~~
简单讲下做法啦~~
1、准备糯米粉一包（500g），我分开做咗两种口味的糯米糍。椰蓉适量。
芒果品味：维他芒果汁一包（250ml），熟芒果2个切丁。
宇治金时（红豆绿茶）品味：莲香楼豆沙一包，抹茶粉50g。
2、开粉——将糯米粉沟芒果汁（或抹茶粉、250ml水），搅匀，搅到成糊状，无晒结粒。然后放入微波炉高火蒸5分钟，一定要冚盖，否则就变成烧饼了。
3、糯米粉蒸熟后，放置冷却。中途可以用筷子不停搅拌到冷却。
4、取出粉团，好似包汤丸一样，将芒果丁包入去。要皮薄馅饼先好食哦~~~呵呵，呢个系我家老公子的强烈要求！！！
5、将肥嘟嘟的糯米糍碌一身白雪雪的椰蓉，搞正晒！！！
放入雪柜冷却就可以享用啦~~~~ 2

无微波炉都唔紧要噶，可以落镬隔水蒸糯米粉桨。不过要蒸耐小小咯，约10分钟。咁样D粉桨先会熟透。