本来医生叫我吃人胎盘噶药，我当时觉得自己无事所以无开到。后来检查出来唔单只雌激素偏低，又有多囊，哎  唔敢唔照做了。医生开左一堆中药+克罗米粉+补佳乐+维E

我都好想好啊，每次想同房既时候都要林之后会５会出血啊～～～真系好烦

我依家日日都煲中药~~苦啊~~不过，我要坚持！Winnie,放松D，BB好快就黎噶啦~~

雌性激素低,有少少多囊倾向，最好边吃大豆异黄酮的同时买点胎盘来煮汤．

已照阴超，结果没有显示有多囊，胎盘系边度可以买？

应左张医生句话，7月份授孕机会微D，叫我安心等YJ到，结果寻日终于黎左。之前太多经前反应令我以为自己有左，感冒、体温升高，腰痛、下腹刺痛，全部都系假象

今日YJ第二日，按照张医生要求去复诊。
开左E2，LH两张验激素嘅验单，抽血，听日下午就有结果罗啦！！
今次开左好多药，仲要按唔同时间去吃
1、经舒颗粒-- 因为我经前反应大，第二日开始量多，帮助我调节经期不适，依家就要开始饮
2、补佳乐（戊酸雌二醇）-- 人工激素，经期第5天开始吃
3、培坤丸-- 又系佢，真系几有效，治疗月经不调，久未受孕！！不过一袋装嘅药丸仔好似朱古力豆咁大粒，一次一包，要分开几次先吞得晒。都系经期第5日先吃
4、黄体酮胶丸-- 无黎YJ又吃佢， 雌激素低又关佢事。经期第21天吃

[ 本帖最后由 wei_winnie 于 2010-8-3 12:05 编辑 ]

寻日下午罗到嘅LH、E2结果，情况并唔乐观

促黄体生成素（LH）        5.69           参考值：卵泡期：2.39-6.60        正常

雌二醇（E2）                   54              参考值：卵泡期：77.1-921.2      依然好低

今日复诊，问张医生点算好啊，依然仲系咁低，只系比上个周期高左2。
张医生话要靠补佳乐去调整人工周期，仍然怀疑我无排卵。我同佢讲我测体量系有升高，无可能无排卵。之后佢开左张阴超验单比我，叫我8月13日做一次排卵监测。

男人都5体谅我地做女人的辛苦。。。唉，成日去睇医生好惨啊，上班时候仲要好似做贼甘鼠出去。。。检查到5好的结果又系自己受。。。生BB系两个人的事，静系女人系度努力，有鬼用咩。。。个老公甘鬼样，LZ米同距生啦，自己调理好身体先再算。。。

做完B超啦，结果好唔理想！！
今日系YJ第12日，子宫内膜只有5mm，系右边卵巢发现有1个卵泡，1cm X1cmX1cm
张医生睇到B超结果，有卵泡系好事，不过内膜太薄，卵泡亦太细，佢话就算勉强受孕成功都会停止发育。
不过都证实左我系会有排卵，可惜.......

今日嘅药方：
培坤丸 --  2盒，之前已经吃左4盒，每次45粒，一日就系90粒，唉！
河车大造胶囊 -- 2盒，睇左说明书适应症好似唔系医我个病，滋阴补肾止咳之类

下星期一继续阴超，张医生期望内膜可以增厚，卵泡最少要长到1.6cm以上！！

心情好沉重！！！非常之沉重！！！

今日先知道，原来雌激素低系唔可以吃维E，维E含有嘅生育酚系会抑制激素！

死啦！！怪不得我吃完培坤丸无乜效果，因为我以前生暗疮发现吃维E+维C可以减少，一路Keep住吃......

今晚番屋企掉左盒维E先！！

学习一下

今日系YJ第15日，第二次排卵监测归来！！

子宫内膜由原来嘅5mm，增厚到6mm，3天只系厚左1mm，
原右边卵巢发现有1个卵泡（10mm X10mmX10mm），今日尺寸有D怪，11mm X 9mmX 9mm
好意外地，今日发现左边卵巢有1个卵泡（13mm X11mmX11mm），竟然比右边卵巢大！！！

[ 本帖最后由 wei_winnie 于 2010-8-24 10:49 编辑 ]

今日药方：人胎盘片，目的：医生话要增厚子宫内膜
期待星期三，第三次排卵监测

星期六我炖左水鱼汤饮，就系网上所讲嘅1斤水鱼+淮山+杞子+山茱萸加埋一齐炖
可能水鱼系滋阴，我连汤渣都吃埋，都唔会觉得燥热！
不过网上写系YJ第5日饮一次就得，但我系YJ第13日饮，我朋友话已经无作用。
但好奇怪，本来上星期五照唔到左边卵巢有卵泡，今日竟然照到有，尺寸仲有比右边卵巢嘅卵泡大！
都唔知系吃左“何车大造胶囊”有效啊？定系只水鱼起效！！

JMM，究竟有咩方法可以令子宫内膜增厚？

唉！！

我之前都试过甘，不过系岩岩来月经果阵，果阵食左好多激素，后来又食中药～衣家就好似正常翻～不过月经就时不时都吾系好正常

我都系吃紧激素，就系补佳乐啰。另外再加一大堆中成药

[ 本帖最后由 wei_winnie 于 2010-8-16 14:58 编辑 ]

上周四YJ第18天，阴超结果：内膜7mm，左边嘅卵泡大左，15mm X 14mm X 13mm，右边嘅卵泡无大到，11mm X 9mm X 9mm

因為之前周期乱晒，上一个人工周期系32天，照计应该系今日排卵，但张主任说内膜隔3天先长1mm，卵泡发育得唔好，叫我唔好浪费钱，唔好再照B超，安心等月经到。我唔知点解当时好想喊，但我忍住左。

今日药方：培坤丸2盒

星期二开始已经发现面上多左3粒暗疮，3粒打竖一排；星期四门牙对开嘅嘴唇位置，又有一粒飞滋仔，晚上竟然连眼都肿埋....OMG

上火嘅现象出晒黎，以前出现依D现象都系准备黎M，但我连卵都未排，无可能咁多有M前反应