本来医生叫我吃人胎盘噶药，我当时觉得自己无事所以无开到。后来检查出来唔单只雌激素偏低，又有多囊，哎  唔敢唔照做了。医生开左一堆中药+克罗米粉+补佳乐+维E

我都好想好啊，每次想同房既时候都要林之后会５会出血啊～～～真系好烦

我依家日日都煲中药~~苦啊~~不过，我要坚持！Winnie,放松D，BB好快就黎噶啦~~

我们一齐加油啦!

已经加你啦!!!

当然啦!!!  你今日都系睇梁碧燕, 等你好消息!!!

9月7日复诊回来，由于9月4日黎YJ，兼且痛到我叫晒救命，我一见到梁医生就一“轮”咀讲4号果日系点痛。
梁医生把完脉，睇下我嘅利苔之后：“乜你仲系咁湿？利苔仲好厚”
我：我饮左之前果剂中药已经好左好多，之前利苔仲白啊！系咪我求先饮左豆奶所以无咁？
梁：你肠胃唔系咁好，唔好吃肥腻野
我：我已经吃得好清淡
梁：你上个月吃左补佳乐，估计卵泡都系发育得唔靓，唔好做排卵监测，费事你辛苦
（其实我最钟意梁医生依样野，如果医生重利益，话知病人洗钱，照开单！市妇幼做B超好贵，第一次做阴超要102蚊，第二次开始都要87蚊，况且排卵监测唔系做一次就OK，同烧银纸一样！！）
我：咁我使唔使避孕？
梁：梗系唔洗啦！！
我：我今日系月经第4日，咁第5日开唔可以炖水鱼？网上讲话可以促进卵泡发育
梁：水鱼系滋阴，不过你肠胃唔系咁好，会好滞，如果你觉得无问题就炖黎吃啰，食疗系无问题。

药方：
布渣叶10g    白术15g   茯苓15g        山药15g    桑寄生15g   
巴戟天15g    仙茅15g    淫羊藿15g   甘草6g
后下药：砂仁6g

寻日又度复诊嘅时间，通过预约卡，好顺利咁罗到1号筹，早上7点55分，已经成支“军队”咁多人系各诊室门口坐住。我反而施施然然咁入左去梁医生间诊室，系佢张台度放低自己张1号筹就出去等叫名。点知，一行出门口就开始叫名，梁医生好勤力啊，8点未够就开诊！！

梁医生都系例牌把脉，睇下利苔，睇番之前嘅病历。但今日把脉把左好耐，搞到我以为自己有问题。
佢又问多我一次，系咪吃左1个月补佳乐？
其实依个问题每一次都会问，算啦，梁医生一日睇N个病人，点会记得我啊？
梁：吃左一个月中药，今个月要做排卵监测
我：吓？唔系话我吃左补佳乐，卵泡唔会靓，上次你话叫我唔洗做。
梁：做2次就得啦
我：今日做啊？
梁：唔系，月经第14日，即系17号做啦，到时照完番黎稳我啊。

壮阳药重现.........

今日药方：
女贞子22g   巴戟天30g    菟丝子15g    仙茅15g       熟地黄15g   
淫羊藿15g    何首乌15g   续断15g       肉苁蓉15g     甘草6g

今日系睇中医之后第1次嘅排卵监测，上两次复诊果阵，梁医生都有讲过因为我吃左补佳乐嘅原因，卵泡质量应该唔好，所以今个周期以调理为主。好意外咁系上次复诊梁医生要求我做排卵监测。所以我寻晚有D紧张，其实系担心结果唔好。

今日系YJ第14天，内膜厚度：8mm，左侧卵巢有1个卵泡：14X13X14mm

当时一路做B超，已经听到医生讲话卵泡细，一路问我几时YJ，第几日，我心情开始变差。幸好梁医生睇到B超结果后，再对比上个月吃紧补佳乐做嘅排卵监测结果，竟然有赞美嘅声音：今日比起你上次月经第18日嘅监测好好多，希望星期一可以成熟啦！！

突然觉得我每日6点半起身煲中药系值得，终于见到有小小成绩啦！！
我条命注定我系中国人，西药系唔岩我！！

今日药方：

天冬15g  玉竹15g  北沙参15g   菟丝子15g  女贞子15g  黄精15g  熟地黄15g   甘草6g    续断15g

支持下你，好有毅力啊。我依家系借工作来逃避。。。

你就好啦，食左一个月就好了，我反而没乜效果，寻日梁碧燕仲哎我下个月试下食西药促排添，前路漫漫啊

我最近都好忙，渐渐感觉到老爷奶奶嘅无形压力，所以更加要比心机睇好佢！！
你都系啊，加油啊！！！

我都未好番，只不过系内膜厚度正常番，卵泡仲系偏细！！！

今日系月经17日，梁医生安排左第2次排卵监测：
内膜厚度：9mm，左侧卵巢有1个卵泡：16X15X15mm

梁医生唯一嘅评语就系：好圆啦，就系细左小小。

梁：最近有无同房？
我：上次监测果日就有。
梁：听日要努力下啦，最好争取今晚。如果佢累，就听日啦
        中秋得唔得闲过黎？估计会排

我突然心里一喜！！  我嘅努力开始有效果啦！！！

壮阳药又再重现......... ，为左谷大个卵泡，壮阳就壮阳啦，其实主要系补肾

今日药方：
白术15g        巴戟天30g    菟丝子15g    仙茅15g      
淫羊藿15g    何首乌15g    肉苁蓉15g     甘草6g

我都系雌低呀..
我吃左坤培丸吃了差不多半年了..都仲系月经不调..无效啊.