30－31号如心、昂坪360香港2日行

DAY 1：
07:00 以太广场港中旅K11团，上车。晕，呢间旅行社劲唔专业，个导游姐姐居然在两部车之间点名哦，阴功，几十人逼系条巷仔度竖起史耳仔听名，又塞系个楼梯口度派标签啵，实在忍唔住，同距讲：你可唔可以稳过个位派呢D甘的野啊？之后先获准先上车，后派标签。去到深圳湾好早咋，个导游姐姐叫我地要跑步过关哦。发神经，好在我地都好快，20分钟就过到关了。点知.......香港接团个部车居然无影无踪！！！一团人，在寒风中吹到头都痛，等左半个钟先见到香港部车！以后都唔好搞我了。跟50蚊拖粉团都无甘惨，我仔在寒风中吹到打左几个喷嚏，当晚就感冒了！！！到K11差唔多11点了，饿到我晕，边得闲听距讲耶苏。走人！！！！

11：30 弥敦道，THE ONE，香港的店铺未系开得好多，稳左个地方同我宝贝仔换左片片，再行去稻香饮茶。几抵食的，4个大人，盛惠198蚊港纸。服务好，赞！！

14：00由于阿妈一个错误的决定，我地坐左荃湾线去荃湾站，点知近愉景新城，唔近如心。再坐返车去美孚转西铁，先去到荃湾西站，呢度真是近好多，一出站就见到如心了。CHEAK IN啦，真夸张咯，居然排2、30人队哦。好彩，我同前台姐姐SHOW SHOW，距给左高层海景房我，42楼，、2张1.5米大床，在香港黎讲真是算劲大的房啦，仲要157蚊房价哦，抵啦！！！落地浴室玻璃，浴缸、淋浴室，五脏虽小，但胜在全！！一家人休整左一下，食左少少野。
16：00 荃新天地先睇我仔的波鞋仔，睇岩NB 盛惠199蚊，以半岁小朋友的鞋黎讲，算是贵了呱？再去荃湾街市，38蚊一镑车厘子，16蚊镑青提，12蚊3个蛇果，8.8蚊5个奇异果，12蚊4个橙。全部给阿仔食的，然后转战惠康：29.9 DREYERS 雪糕，在广州唔舍得食，去香港几大都试下，平一大截！20蚊3个出前一丁碗面，林林总总一堆立杂日用品唔一一罗列了。
又因为我地屋企两个男人的强大误导能力，令一家五口围住如心酒店兜左一个圈，错过左维港的激光表演~~~

21：00 太子某酒楼，亲戚的热情关照，食左一餐我地认为是贵野的晚饭，盛惠1350蚊，认真唔符合我地经济实惠的原则~~~虽然有海鲜、有鱼翅唉。
回到酒店，都差唔多12点了，点知阿亲戚鬼甘热情，系度讲鬼古哦，听到我毛管竖起晒，见距唔走我又唔好意思冲凉训，唯有陪到成点，可怜我家宝贝仔成点先有得训~~~

DAY 2
08：00 都算训到自然醒，好彩无认床者。但阿仔可能是琴日冻亲，成晚个鼻仔都是塞住的，一晚醒左N次睇距，我等于无训过，老豆同老公食左少少野，我同阿妈就谂住出街先食，喂左阿仔，退房，寄存行李之后，出发！！！
10：00 西铁荃湾西到南昌站转东涌线，直达昂坪缆车所在地。有东荟城哦，好多特价场，可惜我无时间睇。

拿拿声去换票，嘻嘻，淘宝发挥强大的功能，我唔需要排队哦~~~~哇哈哈，睇住个班排队人士想杀我的目光，心就凉晒~~~
虽然无得包车箱，但好过瘾哦，阿妈话呢程缆车好抵坐，又平~~~12：00从昂坪返落黎，原路折返荃湾。

13：00 荃新天地大家乐医肚。然后去NB 买左琴日睇岩个对鞋仔，再杀去丰泽，买阿妈心仪的 CANON　ＩＳ２１０　紫色，盛惠２７９０蚊。送一大堆野，价钱点都唔肯平了。送左１００蚊屈臣氏券，冲去扫左２包学步宝宝拉拉裤，１９９蚊，用埋张券，再去万宁执左帮朋友带的施巴润肤露，我买左施巴的冲凉液给阿仔，一堆杂件，２包好奇拉拉裤（Ｍ码特价８８蚊，Ｌ码１１４.９蚊）买够１５０蚊平１５蚊，罗返寄存的行李，西铁线直达红勘火车站。

总结两日行程，原来做左妈妈之后，真是无左自己，虽然四个大人拖左２车４袋野返黎，无一样是我自己的，带老人同细路去香港，起码都要住２日，咪先累死人。老公讲：如心好抵住，如果再有甘的机会，一定要再抢多几晚，再带距地去多次。