焖锅--味道不错的黄记煌【PS：Ipad点菜】

前两日难得翻公司,,点知由于事前无通知大家,,班同事个个都有带饭,,无奈之下正愁随便食个K记M记医肚算了,,点知Wing姐的短信就适时响起..约我去黄记煌..刚好未去过,,甘就梗系要去试下喇..

原来宜家店家适逢新张弥月店庆..Wing姐刚好前段时间黎过,,食够150就可以加5蚊换两张券,,到时消费的时候只要68蚊就可以食到个开心FUN享套餐..包括焖牛蛙或焖鲶鱼一锅..沾酱小青瓜及生菜各一份..要知道平时单单一锅焖牛蛙就要118蚊了(好似系甘上下,,确切的价钱忘记了)..宜家仲要多左个小吃同蔬菜..所以真系好抵了,,哈哈..

而饮品券就相当于20蚊现金,,我地选择左比较消滞的酸梅汤..其实我个人就唔多中意酸梅汤呢个玩儿,,结果上黎,,我觉得劲酸咯,,不过Wing姐就表示劲甜咯,,所以话,,各人都有唔同的味蕾,,所以难怪有众口难调这一说了..亦都更加坚定左我要试人地眼中认为唔好食的而我又未去过的店,,哈哈,,真犯贱的一种谂法啊..

沾酱小青瓜的造型好靓咯,,碟身上面仲要有朱古力同薄荷酱画花的,,有无甘既必要啊??呵呵..不过虽然卖相几靓,,但青瓜入口有D干身唔够水份,,而出彩的反而系点青瓜的牛肉酱..点到最后吸晒D油之后就显露晒D牛肉片粒出黎,,真材实料啊,,哈哈..

因为已经听Wing姐表示过呢度系即场表演焖锅的,,所以我已经有左一定的心理准备,,但当我见到距地罗齐晒D材料出黎的时候,,我依然表示有压力咯,,哈哈,,三大盒啊,,净系配料都已经一大盒了..先落油,,然后将颜色鲜艳丰富的配料落锅,,最后牛蛙铺面,,盖锅盖..大火焖一段时间之后再加上特制的酱料,,我地选择左海鲜酱,,然后D酱料一开始系呈啫喱状态的,,系店员的不停搅拌之下就变得有D水水地了,,再铺系D牛蛙表面,,再盖锅盖去焖..跟住就可以细火小煮住甘食了,,D酱汁超好味的..用黎送饭一流吖..我第一次睇住人地整呢D比我食,,所以食得特别有滋味..而且D牛蛙份量仲好多,,我地估计三个人都够食了..
食晒D肉之后再加翻D水去煮生菜,,又系另外一种风味..而且D生菜索晒D汁料味道更佳..
最后埋单85,,开头距地唔记得计埋张饮品券,,收多我20鸡,,好在我后来及时发现,,哈哈..谢谢观赏..