MapleLau
bbmms哎……家婆毕竟不是自己的妈……
LZ尽量不要和家婆起冲突啊，只要你老公站在你这边，宝宝又健康，那就足够了
谂起自己当初坐月噶日子，真系好想
今年大年初二，我返外家拜年时个肚痛到不得了，所以妈妈同老公马上送咗我去医院，办好入院手续之后先知道系假作动，不过医生话BB随时都有可能出世，安全起见，都系留院观察。老公好担心，于是就叫我JP送待产包俾我，点知JP一入门口就问我：“你今日痛果阵有无急屎噶感觉？” 我话无，然后JP话：“既然无就唔使咁快入院啦，使咩咁紧张吖。我果阵都开咗两指先入院吖，果阵交通仲要无咁方便呢。。。。。”又讲起距生我老公果阵噶嘢。我无出声，唔想讲太多嘢费事有矛盾。不过当时我入院三日待产，我JGJP都无嚟望过我一眼。我妈话返我知，我JGJP同距地讲话我太紧张啦，小小痛就入院，又要送饭，几麻烦吖咁。我妈同距讲痛到眼泪都出啦，入院好正常，我JGJP无晒嘢讲。
入院三日后由于未生得，所以都系出咗院。
大年十六零晨，破咗水，羊水太浑浊只能剖腹，当我生完阿B之后，我JG就无再去过医院睇过我一眼。住院8日，每日早晚两餐都系我妈送过嚟噶，每日6点半我妈就会准时出现响我床前喂我食早餐，晚上送完饭睇住我食完先自己返屋企食饭。由于日头要返工，中午果餐就由我老公送饭俾我，有时抽唔到时间就会我JP送嚟，不过每次唔系12点半就系成点钟，我妈好有意见，话太迟食午饭对我唔好，不过我老公话JP又要买菜又要煮饭俾我，好辛苦了。我妈呢？咁我妈每朝四点半起床煮饭呢？送完饭仲要返工呢？然后落班买菜再煮饭送过嚟等我食完再自己食呢？仲要连D护工都话早晚两餐同中午饭菜好大对比，话我中午食噶嘢根本就唔会有营养，早晚**变换口味煮唔同噶嘢俾我食，而中午全部都系梅菜猪肉。
出院第三日，我就要帮阿B冲凉，13日我就俾我JG指住个鼻嚟闹到喊，14日我就同阿B返医院护理肚脐，中午食完嘢噶碗筷好多时都系我自己洗返，阿B出世22日张被仔污糙咗都要我洗噶（乜嘢叫坐月唔好湿水，唔好吹风，唔好流眼泪？我都做晒）。刚出院时，我妈担心我，于是每日落班都煲好汤送嚟我饮，但系我JG同我妈讲每日都有汤水，唔使再送过嚟，距地对我好到不得了，有时仲会话我JP果阵坐月，连热水器都无，要放个煤炉入冲凉房冲凉咋，果阵夏天又补唔到，只系距养咗好多鸡，每日都只能食鸡食蛋，食到我JP都惊，点似我坐月咁好，咩都有得食！之后我妈腰痛就无过嚟，于是我就每日白菜、节瓜、梅菜猪肉送饭，哦，仲有鱼！我最怕食鱼，有时仲要两碟鱼，隔餐又隔餐，我老公同我JG讲唔好成日整咁多鱼，我JG好大声话：“样样都话唔食，你自己买送啰！唔买鱼，你妈食咩吖？你估净系顾你地吖？你妈净系中意食鱼咋！咪净系识得顾住你地自己先得咖！”由头到尾我都无出过一句声。
坐月果阵我只食过两次炖鸡，一次系我妈要求噶，一次系我妈买好鸡叫我JP炖噶。坐月后食过距屋企两次茸，第一次炖好一家大细一齐饮，然后D渣翻炖又一家大细饮，所以就呢两次！其余所食噶补品都系坐月后返外家住噶果个星期食噶！爸、妈好好，每日参茸咁成只鸡炖俾我食，问到我坐月果阵食过咩，距地两老喊咗
77" />我爸好嬲咁话：“未生之前又话买咗几多茸几多参俾你生完之后食，又话一定要补，补到流鼻血都要补！点知依加鼻血就无流过，眼泪就一地都系！，当初护士一抱个BB出嚟话系囡噶时候，我就见到你JGJP噶表情噶啦，我当晚就无瞓过，惊你无好日子过，点解真系乜都无得食”由出院到阿B三个月大，日夜都系我自己凑，阿B夜晚喊到声都沙晒都系我自己锡自己抱，抱到零晨三点、四点都系我，当然，有时老公会帮下手，但系我JGJP话距个仔好辛苦，日头要返工，而我呢就日头可以瞓返
日夜都系我自己凑，点瞓吖？阿B瞓得好少，有时一个钟左右就醒，然后又大喊。仲要有时阿B瞓咗，距每次出出入入门口都大力关门，仲有一等我老公返咗工，距就“砰”一声打开我房门，我关返，距又开返，然后又开电视鬼咁大声。有时阿B喊到咩咁，我JG就会话：“你个囡喊啦！”有一次我太攰，无抱到，我JG就闹到我咩咁。仲要我JP话凑BB唔辛苦，我JG成日出差，距果阵都系一个凑大我老公。后来距同我老公讲话每晚12点前都会帮我凑下，我就唔使做唔到自己嘢，但系果阵每晚10点，距房门都会准时关上。有时有亲威嚟探阿B，会话我JP唔会我好好休息，要多D瞓床，唔会以成日坐同企，我JP居然话系我唔听距讲，成日企住
我根本就休息唔好吖，所以直到依加我条腰都未停过痛，我老公话系因为我缺钙，而我妈就话我坐月坐唔好噶后遗症。当我就快返工果阵，JP就成日系我耳边讲凑小朋友好辛苦，叫我等阿B一岁先再返工，咁我无收入，我点过日子呢。于是我无理距，阿B三个月时我就返工了，不过我都系日头返工，夜晚凑阿B。
日子耐咗，阿B越嚟越得意，距就好中意阿B，成日都想抱住，都唔舍得放手，之后阿B冲凉，阿B换片片...阿B要搞咩野...我JP都抢住做，有时我想抱下，距都要挣，有一次差D整亲阿B，次次都甘...真系当我呢个做妈妈噶系透明噶，除左阿B食人奶，距先会逼不得意咁俾返我，我JG仲过份，见人就话最锡阿B噶系阿嫲，阿B最中意跟嫲嫲。食饭果阵我或者我老公抱住就话距个孙好乖，我地唔识凑，要阿爷阿嫲抱先得。
阿B又是非常容易醒，有小小动静都会醒，我JP就会抱住阿B瞓，而我抱住又叫我放低距，但系每次见到阿B睁开小小对眼仔，就抱起距，其实有时可能下一秒阿B就会瞓返。最嬲就系我地每日一打开房门，JP就会冲入黎，抱起阿B，叫阿B同距讲：“嫲嫲早晨”又问有无屙臭臭吖？乖，珺珺好乖。阿B伊伊呀呀讲几句话，JP又话，你睇珺珺同嫲嫲讲野呀，最辛苦果阵无人理我，依加大咗，好玩咗又同我争，好烦
wandesign
，讲到尾都系自己阿妈最锡自己，我坐月时都系夜晚自己起床照顾BB，喂奶，我妈都话我坐月坐唔好以后会有后遗症。家婆都系锡住自己个仔，话要我老公自己睡可以唔受影响，
但吃方面拒地都好用心主要为个孙女，汤水日日都有。
レZz..ス
lisa333
gao083
MapleLau楼
。我老公虽然都心痛我，不过距唔敢出声，从来都唔会帮我争取D乜，只系揽住我喊，话对我唔住，只要我老公个心系锡我，我都满足啦，必竟同我过一世噶系我老公，其他我都可以忍
好幸福吖，唔知我BB几时先识跑过来和我抱抱呢
楷仔妈咪
飞鼠
