寻日系仔仔第一日去幼儿园，全家都高度紧张，早上一齐出动送距去幼儿园。　　去到幼儿园，仔仔见到一切都觉得好新鲜，看下看下野老师就趁机带左距入去班里面了。其他小朋友都好乖甘坐系度食早餐，唔知系咩野早餐呢，老师都几有耐性，喂下D小朋友吃。我地就偷偷甘走左了。　　走左后，心里面总系忐忑不安，唔知仔仔系幼儿园点样。会唔会喊？会唔会以为爸爸妈妈唔要距？会唔会俾老师闹？会唔会同小朋友玩定系会抢野？会唔会......基本咩野可能性都系脑里面不断浮现。。。。。。　　过左一个钟，就已经好想打电话去幼儿园看下咩野情况了，但都系忍住左。　　到左中午，打电话去问，老师就话无事，一切正常，玩得几开心。于是心情就平复好多~　　下午放学时间，本来我在上班既，都系好想见到仔仔，于是就溜左去幼儿园接距放学。老师领仔仔出来时，距一见到我就一副感概万千既样，眼睛鼻个都红晒，老师系隔离不断甘讲唔好喊，唔好喊，仔仔就忍住唔流出眼泪。看到距个样，心都痛晒　　我问距做咩野喊啊？　　距话怕怕　　我一下子就抱起距，拍拍距心口讲，如果怕就拍拍心口讲唔怕！然后就扯开话题，等距慢慢平复心情。尼个时候距爸爸都来左，就带距去玩喜羊羊车，我就去返工了。　　晚上返到屋企，仔仔已经训左。我问老公，仔仔有无讲幼儿园既事出来听下。老公摇摇头话咩野都无讲。　　其实仔仔第一次离开屋企人甘长时间，一定系好唔习惯好惊既，睇到距眼肿肿既样就知道，如果距开心既话，距一定会讲出来，所以我地亦唔勉强距讲幼儿园的事，只能系希望距尽快过渡到。  　　今日系第二日去幼儿园，一早仔仔都好好心情。嫲嫲同距讲今日要返学啦，仔仔就话寻日咪返左罗，今日又要返啊？嬷嬷就话系啊，日日都要返加。一路上，带距去幼儿园，距都好好心情。到左幼儿园仲主动同老师讲早晨，但入去既时候距就喊了，死叫住妈妈，妈妈.......。。。。。我同老公就企系幼儿园外面，仔仔睇唔到我地，我地就系外面听下距点样。只听到老师讲“唔好喊啦，吃早餐啦”, 仔仔就话“唔食唔食，我要妈妈，哇哇哇“。。。。。。（心情好复杂）　　后来见到老师抱左距去一二边，隐约听到讲唔好喊啦，关门加啦。。。。。。　　唉。。。。我地此时此刻唯有相信老师吧　　走左一阵，又忍唔住返去幼儿园看下仔仔点样，系门口同接小朋友的老师倾左一阵，老师告知距寻日都有喊，而且有点情绪，但对于一个新的小朋友来讲，都系好正常的事。亦都无再听到仔仔喊了，心定左小小。 我亲爱既仔仔啊，希望你尽快适应到新的生活，尝试认识新既朋友吧妈妈爱你~~