之前一直有听讲过双良记，据说煎饺同埋糖水好出名，咁啱表姐公司附近有一间，就一于落班过去试下。环境嚟讲比较麻麻咯，不过对得住个价，我去嘅係东华西噶间，只有两部冷气，而且有一部成日都唔开，係今时今日咁嘅天气嚟讲，的确好恶顶……唔理啦，讲翻出品。表姐话呢度嘅公仔面唔错，而且都配送水果冰。点咗个餐蛋公仔面，配红豆冰，一个凤爪排骨公仔面，一杯芒果冰沙，一份煎饺。首先讲下个凤爪排骨公仔面。对于重口味嘅我嚟讲真係好啱胃口，d凤爪好入味，排骨好嫩滑，公仔面就係普通即食面，不过因为有晒凤爪汁，所以都好好味。分量OK，女仔肯定够饱，我无要个配送嘅冰，另外点咗个芒果冰沙，稍甜咗少少，好大杯，比较“杰”，所以唔算十分解渴，不过不失。我中意个煎饺，係好多韭菜噶种煎饺，我中意呢种单纯少少嘅馅，净係韭菜同猪肉，最传统，亦都最好食。而且好抵啊，5蚊8只，大大只。全部嘢埋单大概係36，唔係好记得个数了。係中华广场商圈附近，呢个价真係比较经济实惠咯。应该下次都会再去。[图片]

越秀，地王附近。