sunnygorgeous本来话去饮早茶，后来拖拖下变咗下午茶，囧。因为旧年去彩虹桥噶边DIY蛋糕噶阵，隔离有间周记，去食过，所以今次决定去翻呢间（我住天河，一开始考虑到白云噶间太远，后来先知三元里噶间已经执咗）。点知去到发现已经停业！天爷！于是唯有上网查边度有，查到西村有，一于杀过去。
地点几好搵，西村个地铁站出口，唔记得咗边个出口添……出站问下人应该都知。就係个出口对面就係啦。
唔係好大，环境比以前彩虹桥噶间差少少，我到嘅时候已经係下昼3点，依然好多人。点咗牛肉丸啦，凤爪啦，虾饺啦，咸水角，春卷，陈村粉，等等等等。两个人埋单70+
觉得咁多样嘢，最好食係春卷同咸水角，我好中意食热气嘢，个春卷好新鲜，啱啱炸出嚟，好香口，可以俾四粒星啦。
虾饺，凤爪排骨之类就麻麻，无乜特别咯。
陈村粉好淡口！而且竟然用个竹笼嚟装，一倒d汁落去就流到成台都係。真係非常唔合理！
食完觉得，周记最大嘅特点就係无特点，好多嘢都好普通，唔算话特别好食，但係又唔会唔好食。无乜必要特登去搵嚟食，住附近嘅话，叹下茶都唔错嘅。
kevinjiang21
felichan
牛熙妈咪
快乐小猪靓
lby1226
queenie_chu0328
蓝木贝
7080后
sunnygorgeous楼
