馒头包子用中筋面粉，一般超市写的饺子粉就系中筋面粉，或者实在冇的，可以用高筋面粉勾低筋面粉，1：1，当中粉用。高筋面粉筋度比较高，所以比较适合做西式面包，做中包的话，个包出离会比较有韧度，当然，如果你话个包硬的话，可能系你操作上出问题都唔一定。做蛋糕的话，用低筋面粉。一般高筋面粉、中筋面粉、低筋面粉，我见过市场、超市、8字粮油店都有得卖，再唔系的话，南泰批发市场肯定有。一般多数都系卖白玉兰（低筋面粉）、红牡丹（高筋面粉）呢两个牌子比较多。如果系再好D的，美玫（低粉）、金像（高粉）就要搵人同你分先得，因为呢两个牌子一代系50磅的。超市的话，我觉得农家御品的面粉质量都可以，不过唯一缺点，价钱贵，哈哈哈……希望帮到你啦！