12点左右去到现场,一轮热身游戏时候就马上今日试食环节。话说第一份上的系大厨自制的香草脆皮面包,好吧,我承认“脆皮”二字系我自己加上去的,因为系现场烘焙品,热辣辣的,马上就可以闻到好香的面包味道,而且面包中间混合左一D Rosemary香料,更加激发出香气,好诱人。当然,最正的唔仅仅系面包本身的香气,而系果种外脆内嫩的感觉,搽上冰冻牛油,马上融化于热面包上,香香腻腻的,令到即使知道今日会有好多好野食的我都忍唔住食左两件..
跟住上的就系凯撒沙律,唔知点解,我每次睇到凯撒沙律呢个词都会谂起詹瑞文的<靓模袭地球>里面果句不断又不断地重复的"Caesar Salad"..哈哈..据说今次的凯撒沙律系加料版,因为平时食的都系大虾或牛肉或炸鸡这三款的其中一款,而今次我地可以一次过试晒三款,唔错哦..最好味最吸引的当然系大虾喇,好大只好新鲜好肥美啊,而且重点系我中意食呢个,哈哈..而牛肉同炸鸡相对而言就弱掉了,尤其是炸鸡,感觉到好似已经走佐气甘,外面的粉沾得太厚了,导致炸出黎之后口感唔好食啊..好奇怪地,沙律底下竟然会搭配佐两块咸鱼系度,有无人可以解释一下呢?系咪凯撒沙律的做法其实甘样先系正宗呢?当日唔记得问大厨添,哈哈..PS:碟子边上的装饰系红花粉,据说也可以食的..
期间上了三种唔同口味的新特饮,仲未改名架,系Wilber's的新浪微博里面仲有改名活动添,呵呵..分别系芒果味,黑加仑子味同埋一杯与拿铁极度相似的咖啡饮品..我就私底下以Barbra Streisand的几只专辑去命名了,顺便参加活动咯,哈哈。
跟住就上汤了,第一次饮用杯黎装的汤,感觉好过瘾啊,而且杯下面好贴心地落佐一D油落去,用作吸住杯同碟之间以免D汤会倒泻,记贴心的谂法。两种汤分别系蘑菇忌廉汤同埋红萝卜玉米浓汤。蘑菇忌廉汤就系用蘑菇打碎变蓉再煮制而成的,相当浓郁,而且入口有啖啖蘑菇碎,口感好正。至于红萝卜玉米浓汤亦都系以新鲜食材打碎制作而成,并且有种酸酸甜甜的感觉,非常适合女仔饮的一款汤,仲好养生,可以美容添。配的面包上面铺佐一D番茄粒同青瓜粒,虽然有洋葱,但食落口味道唔会太浓烈,应该系有做过一定的处理。一边食一边等,系等待上菜的过程中我地又穿插玩佐几个游戏,大家嘻嘻哈哈都几开心。
跟住就上主菜了,系一个三合一的拼盘,内容分别有:烧三文鱼柳配菠菜茴香汁,烧鸡扒酸奶汁配青瓜沙律,同埋网上一致好评的龙利鱼栗子墨鱼面。虽说墨鱼面因为技术原因同保鲜原因唔系用新鲜的墨鱼汁去人工制作,但系条条都好弹牙。唔知大家识唔识点去分真正用墨鱼汁去整的墨鱼面同机制墨鱼面呢?Daisy讲佐个好简单的分辨方法比我知,就系食完之后睇下D牙齿会唔会黑,会黑的话就证明你食紧的系真正用墨鱼汁去制作的墨鱼面了,哈哈...至于烧三文鱼柳,虽说大家都习惯食三文鱼刺身,距地个个都话唔中意食烧熟佐的三文鱼,但我就接受到咯,虽然表面有少少鞋口,但里面仲系保持佐鱼肉的嫩滑同鲜美的,所以我都系好中意呢个,唯一唔中意的系茴香汁,我唔中意果个味道,所以点的酱汁我就点佐隔离件鸡扒配的酸奶汁了,呢个酱汁好清新,第一次试呢种味道,出奇地中意,哈哈,而且D鸡扒表面煎到带有金黄色焦香,但里面系刚刚熟的鲜嫩,真系一个唔错的组合。
系说说笑笑之间,我地终于食到甜品了,系法式羊角雪糕,唔好以为同羊角有咩关系,其实只系一个称呼而已,哈哈。做的同样是拼盘的模式,味道分别有:辣姜味,蓝莓味同埋菠萝椰子味。话说姜味雪糕并唔系第一次食了,不过呢度都整得唔错的,而且因为辣姜呢个名而比我笑称距地的羊角雪糕为:潜行追击。哈哈哈,三款雪糕分别系:辣姜,Laughing同埋跛co,哈哈哈。PS:呢度D雪糕全部都系人手制作的,所以保质期都唔可以放好耐,食得都相对放心咯。
现场环境几好,因为老板中意Streisand,所以现场都有好多距D专辑啊,电影海报啊甘咯,我地今次食呢个套餐双人计的话系499一套,所以如果想追女仔的话,可以带距黎试试,感受一下浪漫的气氛同精致的出品,谢谢观赏。
心蕾妈:王府井正对的小巷子经过老班长之上转左就在左手边,如果第一次去可以上点评下载午市优惠券,88元一位就能基本试到所有招牌菜了。去到可以要服务员带你全楼参观下,他们很乐意的~查看原文你呢个路线要行得比较远吖,其实系农林下路个车站对住有一排交警车果条路上去转右第一间就系了,哈哈
乐乐了:结婚3周年时,LG瞒着我订了那里的烛光晚餐,哈哈,非常回味!!话说,我觉得那个姜辣雪糕姜味不是很重,有些到喉不到肺的感觉,也因为如此,我现在好想买台雪糕机回来自己整啊!!!那里的凯撒沙律是我吃过最正的!!!!!!!查看原文你LG好浪漫啊,不过如果同样的事发生系我身上,我会觉得好心痛啊,因为都几贵不过你LG有呢种情调,真系好好呢