听你甘讲··我应该的得噶··紧张ing。。。。。仲有二十日就要生了！其实我好惊啊！

BB好好笑容啊，恭喜楼主啊！写得好生鬼，我看到有D想笑，特别是爸爸果段。哈哈。。。

       BB是10月18日出世，天枰座小男生，事隔一月，细节依旧历历在目。      17日晚，例牌跟家人去散步，流花湖公园，一小时。路上，我跟LG抱怨，BB现在的状态好稳定，一D临产的迹象都无，好怕到时40周要打针催产，准嫲嫲就开始发梦：“咁就早D出嚟咯，不如星期五啦--唔好，星期六日要上课，星期一先啦。”“边有咁听话呀。”“又或者听日呢？……”        晚上，12点上床，LG开住电脑加班，我很快就睡着了。到一点半，感觉到他上床了，我醒来，上趟厕所--故事开始了--嘘嘘的时候，隐约觉得有非尿尿物体流出，但量少，我警惕地回忆人家所说的穿羊水的情形："卟"一声、一股暖流……好似都唔系哦。走回房间过程中，裤子有点湿了，我跟LG说：“别睡，好像破水了。”佢成个弹起：“咁点算？”“叫醒佢地咯，不过我唔系好确定，量唔多。”“等等，我查查，睇下使唔使去医院。”一分钟后，佢放低手机：“去医院！”Oh yeah~出发咯。       因为离医院近，10分钟就到了，但路上LG仲系坚持将副驾位调平，要我训低。短短10分钟，水流得奇快，成张椅都湿晒。我地明知市一的产妇院部在内科大楼四楼，可怜情急之下，我地听左个保安点，上左三楼，揾唔到，又行上四楼，仲入错左门。最后揾对姑娘了，JP好急咁同佢讲破水了，姑娘叫我企定咪郁，推张床过嚟接我，我心谂“好似又唔使咁夸张挂”。不过训低后，明显感觉个肚扁左了。推左入去检查，嚟左个男医生，仲要做指检，不过的确无想像中咁难受，放松后基本无咩感觉。检查完后，结论系“开左指尖”。居然仲有比“一指”更细的讲法，有排等咯。之后入病房，人家都睡了，LG同JP在床边坐，望下个钟，先两点半唔多够，个肚仲未有好明显的痛感。紧张兴奋的时候，实在无办法训着，中途有姑娘嚟帮我做胎监，又做指检。阵痛从一开始后就一直系约4分钟一次，持续40秒，唔算好难顶。       折腾到约莫5点半，姑娘话：“开得唔错呀，有3、4指了，可以入产房了！”我奇怪：成三个钟先开得三指，仲话快？而且，咁就可以入产房啦？情况同我系妈网度学的产经唔吻合，无计了，姑娘话点就点啦。好在LG无听JP讲番去训，一直系身边，佢跟落去三楼产房。成层楼都好安静，后来先知道，当时成间医院只有我一个人系度生。市一的产房唔错，单人单间，而且张床几大下，灯火通过。训左上产床后，阵痛开始加剧，不过仲系三、四分钟一次，唔密。交左三百蚊现金着住“防化服”的LG就坐系身边，姑娘都走晒了，两公婆细言细语，BB有胎心音好有力咁系耳边回响。LG中途还放了点音乐，第一首是twins的“朋友仔”眼泪就上来了。呢种经历，无语论比。阵痛来的时候，我就憋紧气，一声不哼，但一直未到我忍受的极限。训左个几钟，开到7指了，有个类似主力助产士的姑娘自言自语：“睇你家下的情况，唔算开得慢，但痛的密度又太低，按道理应该1、2分钟痛一次的。睇下数据，你应该痛到70几的，但家下的显示先50几。系你忍得痛，定真系无咁痛呢？”顶，我忍住唔叫，唔代表我唔痛。痛到开始意识唔清的时候，有些许想呕，姑娘一问，知道我刚入产房时食过朱古力，就闹人了，话就系呢样野致呕，唔可以食的……俾妈网水左。        再往后，已经唔知道时间了，过左阵，几个护士入嚟，将LG赶左出去，话佢太大只，万一怕血晕左，无人抬得起佢。护士示意我将脚踩住床边的两旧野，屁股尽量往下。老实讲，呢个姿势好讲个人，可以做到一字马的应该好舒服，问题我唔得，搞到大脾上部关节酸软无比，最惨就系，咁样一hold,就系两个钟。讲番生仔，护士教我，唔痛时唔用力，一痛就出行力疴，而且要持续得耐D。本来已经痛到乱讲野了，有乜可能仲要痛的时候出尽力呢？奇就奇系度，痛的同时，伴随唔要命的用力，加上身边护士传销般的呐喊“用力D！唔够耐！”，反而觉得无咁痛。就咁样，重复左大约5次呢个动作，我口中仍在喃喃：“姑娘……我对脚……好软……”就听到主力助产士话：“好喇，见到BB个头喇，再用多一次力，就做妈妈啦！”si就si啦!出力！呼～期待左一晚的果个传说中的“突然间一下子松了”的感觉到了，太美妙了～～       BB出世咯！时间：07：35。人一下子清醒左，听到两个姑娘对话：“哎哟，又系……”“哎，唔好讲，等佢讲。”然后就将BB的屁屁抬起，穿过我两腿间问我“仔定女呀？”睄左眼，“仔。”然后抱过嚟俾我锡左啖，就俾人抱走左去量体重度身长，无所谓的马上哺乳，话要体温达到37度再送番嚟俾我。说回我可怜的大腿，仍不能放下，之后的缝针，差不多40分钟，里三层外三层，针针到肉呀阴功。      全程历时6个钟，战斗结束，成功升级，wish天下BB都健康快乐！      下图为BB的第一张相，三、四个钟大啦。                                    [图片]

恭喜楼主我还有一个多月就生了..看着LZ说的..好期待做妈妈的那种幸福..每个妈妈都说那种痛.无法形容.我想像不出那种痛...现好怕..