好可爱的BB阿！仔仔定囡囡阿？

好可爱啊，简直是表情帝啊，以后一定杀死很多照片底，哈哈。。。。。。

这英文 是个女孩吧

恭喜晒楼主~~~~~~希望我都可以顺顺利利啦，哈哈~~~~~~~~~~

BB好得意啊，恭喜晒楼主！

    今年2月底开始得知怀孕以黎，我都保持住一贯我行我素的作风，医院开左多维元素片，我间唔钟先食下，由于唔系计划怀孕，我之前连叶酸都没吃，整个怀孕过程，我没呕过，就系前期没咩胃口，怀孕中后期就直程没戒口添，咩芒果、荔枝、西瓜、M记、pizza、雪糕同汽水等等都照食(谂下都觉得好似有少少唔负责任)，但系产检我好自觉噶，一次都没少，而BB发育一直都好正常好标准，我一直都想距提早DD出黎，等我唔使浪费咁多产假，点知足足等到最后一次产检，果日系星期四（1124），医生话过左预产期1日，考虑到就快周末，如果几日没动静就星期一（1128）入院催生啦。我有D紧张，我系好想距快D出黎，为左距可以快D出黎，我到最后果两个礼拜日日爬楼梯，但人地见效，我就没效，宜家仲搞到要催产，哎。。。    可能个B都知道要催产，星期六一早开始就有D不规则宫缩，到夜晚，宫缩开始间隔10分钟以内一次，不过没见红又未穿羊水，但阿妈同老公都坚持要我去检查下，放心D，于是我吃完饭就同屋企人去左市妇婴检查。    由于系夜晚9点几，要挂急诊，值班医生检查完话，一指都未开，但宫口已经好软，又过左预产期，于是建议我当晚就入院，我觉得好突然，于是老公急急脚办理入院手续，阿妈就同阿爸开车从屋企拿行李过黎，搞掂完，上到房都10点几，医院规定10:30就要清场，所以老公同妈都要走，我就无啦啦一个人留系间待产病房（3人房，仲有两个陌生人系黎安胎唔系生既）。当晚就痛苦啦，系我27年黎最最痛苦既一晚，首先，我未住过院，其次，阵痛开始发挥威力，痛到坐又唔系，训又唔系，企又唔系，仲痛到飙冷汗，成晚没训，同老公时不时发短信，好辛苦咁挨到早上6点几，老公又带住阿妈既早餐出现，我第一时间话，如果等阵检查仲未开到两指上产房打无痛分娩针我就要求剖腹，老公见我痛到面都青，应承帮我搞手续剖腹算数，但当阿妈知道之后，居然唔同意，话我条件好，就系怕痛所以剖腹唔好，临门一脚哒Q。    11月27号9点几护士黎检查话我够两指可以去产房，当时我已经痛到行唔到，于是叫黎左一台轮椅，护士将我推去产房，我一去到产房，首先要求打无痛分娩，其次要求家化（陪产）。一检查已经4指，可以打无痛针，于是手动穿羊水之后，打完针，简直由地狱上天堂，虽然唔系完全唔痛，但系比起之前宫缩已经唔算咩痛啦，之后就等，等开指。系等待期间，医生叫老公话有早餐就快D喂我，于是我就匆忙吃左DD粥，等左都没半个钟，再检查就话已经全开，可以等宫缩时就出力，期间简单快捷咁交待点用力，姿势应该点等等。我尽量按照医生交待咁用力，老公就系宫缩间隔时，系旁边喂我饮左几啖红牛，用左几次力，开始把握到正确方法，11点几，BB顺利出世，3.68kg，52cm，我就可伶地侧切左3公分。。。总算完成左一件人生最艰难的大事。[图片]