今晚和LG去逛好又多，个时系六七点，面包有特价，生产日期系琴日既，不过都几抵既，五个甜甜圈，加一块圆柱形的面包，估计有三份一卷厕纸甘大，哈哈。。。一共6.5蚊~~俾LG当明日早餐，我今晚再食小小当宵夜啦~~坐公车番屋企，一上车都人多，无人让座啊，好彩过左一个站有人落，先有位坐。甘大个肚，下次都唔好坐车了，因为如果真系企全程，要二十几分钟，而家真系顶唔顺。但你又唔可能次次甘好彩有位坐，虽然大肚婆，但让位唔系义务，都唔可以怪人，所以都系自己小心D啦~~~地铁就比较快，企都舒服D。

中午无买菜，所以刚才落去买菜，今晚蒸鱼腩~~炒菜心~~记得上次D菜心好老，俾LG劲投诉，希望今晚D好D啦。。。顺便经过楼下的小小母婴店，问下有无奶粉格，因为好多货都囤得7788了，就差我的产妇巾和奶粉格系必须要的。其它到时需要再买，因为惊囤左无用。。。。仲浪费。好啦，借用TB的图，晒下先~~10蚊鸡~~[图片]类似新安怡的，本来想买新安怡，网上都系三十一蚊，广州有间，仲可以自提添。不过为安全起见，都系入商场睇下实物先，上个星期去天河，就入左间大的母婴店问，但唔可以拆开睇，晕。。。然后隔离有个阿妈就话呢款唔好用，有时个盖好松架。。。我睇完就走左了。今日系小区见到款类似的，10蚊，都唔会好松啊，材质都系PP，可以吧，所以就买左了。呢款比起三层个D，带出街的确系方便既，睇下用完实际情况啦，如果唔好用再换都无甘肉赤。