上海淘宝网的某个卖家说话真的不合逻辑，真系会气死你
10994怀孕妈妈
MY轩轩BB最后我揾到退货嘅位置，将拍到嘅相上传到淘宝网上面，填写好金额，最后提交。我以为咁样就OK啦。其实原来唔系咁嘅。果个友叫我系另一条裙嘅订单度再进行登记退款，要求填写退10元。我当初就觉得奇怪，我呢的裙全部都系包邮，正常来讲，登记退一条裙嘅款项就得啦，点解仲要我退多10蚊呢？果条友话系退返邮费俾我。我就问佢，我都未揾快递公司，你就知我将来嘅快递费系10蚊？点知条友话：到时我揾到快递公司之后，呢个快递费会另外俾返我，唔会导致我产生损失，而且一分都唔会少俾返我。如果咁计法，我咪有着数。要退嘅裙系49蚊，佢退返包邮费10蚊（其实呢个钱系卖家出嘅，属于原先嘅包邮费，唔系我自己俾钱），再退我自己揾快递公司所产生嘅快递费。咁加埋起身我仲赚返D钱？！跟住，卖家同我讲，叫我到时将“退货清单”连同条裙一齐快递返俾佢地，要我写明系退货。我相信个个都唔会明咩叫做“退货清单”。我问果条友，咩叫做‘退货清单’，佢话：系写住要求退货嘅清单，要问快递公司的人罗。果晚真系搞到我头晕晕。
第二日我打电话揾咗几间快递公司，问咗佢地快递费、同埋“退货清单”，除咗快递费可以俾到我明确嘅信息之外，果个所谓嘅“退货清单”D快递公司的人个个都唔明。仲要被人问返转头。我忍无可忍，就直接打电话到卖家嘅客服电话（浪费我D通话费啊~）。呢个客服人员讲得真系详细同埋细心。原来，之前果条傻佬叫我退多10元，其实就系提前俾返我嘅邮费，亦即系话，无论我揾边一间快递公司都好，无论我嘅快递费高于10元，或低于10元，佢地都只会俾一次10元快递费，唔会再俾多。另外，所谓嘅“退货清单”其实就系快递货件嘅“运送单号（快递单号）”。我当时以免会出其他问题，将我同果个客服人员嘅通话录咗音。
今日落班返到屋企，上网再问果条友，点知果个傻佬仲叫我到时将“退货清单”快递俾佢地，我问佢：你所讲嘅“退货清单”系咪指“运送单号（快递单号）”。佢话“亲，是的”，当时真系超想叼七佢（实在被佢激到无办法），我问佢：“你明知‘退货清单’就系‘快递单号’，点解你当初唔直接讲快递单号，而讲‘退货清单’，我仲要打咗N个电话去问快递公司的工作人员，无一个知道咩叫做‘退货清单’，我真系佩服到你五体投地。”果条友唔出声，发咗一个无奈嘅表情。后尾，我同佢讲，听日就会俾佢运送单号，我问佢系点样话俾佢地知，系咪好似依家咁，通过聊天方式话佢知就得了，定系要系淘宝网嘅退款系统登记，果个傻佬真系傻更更，一时话唔使话佢知，一时又话连同条裙一齐发俾佢。我重重复复同问咗佢N次，佢都唔明嘅。我当时火都来埋。我真系怀疑佢系咪人，点解会听唔明的人话！到最尾，佢先话要通过聊天方式发俾佢地知道果个运送单号就得了。我当时叼七佢，我话：“我一开始就问你，是不是像我们这样聊天，将运送单号直接发给你们就可以了，但是你却带着我游花园，一会儿说不是这样，一会儿说要怎样怎样做。到最后你却说就是像这样聊天将运送单号发给你们，我都快要疯了，完全不知道你到底在想什么！”果个傻佬被我话到无声出。。 我真系超级无奈，点会遇到D傻更更无带脑上班嘅人！
经过今次，以后唔好再揾D傻下傻下、讲野完全无晒逻辑嘅卖家买野。万一出咗咩问题，D傻佬又会再一次带你游花园！！
2012/05/03
宝贝反斗城
MY轩轩BB楼
