某日的自助茶点

话说某日团了个自助茶点，见平平地，就试下，地方不好找，市桥地铁站再转公交。。。

   这间阿尔戈斯酒店都算偏僻D，唔做团购的话，平日肯定鬼影都无只，话说当日中午准时12点到达，我们是包场的状态，然后才陆续有零散客人，估计当日午餐时间只有8-10桌客户而已。。。

   本来唸住周围影下相噶，点只个PK经理话呢度唔比影相，好嚣张咁讲，“大酒店都是唔比影相噶”，我跟住问，我去咗N间大酒店，间间都比影，你讲边间唔比影？然后条粉肠答到“我之前系广州各大酒店做，都不能影的，行规”。。。我忽然间无言，心里只是唸，佢当做哽呢间都叫“大”，咁我真是唔知佢之前所讲的广州“大”酒店是乜概念咯，最后我抛多句，你系广州边间做过？我近年去食亲都唔见你嘅，我同D经理几熟下。。。佢无答到，只是在重复，呢度唔准拍照，然后慢慢行开咗。。。我真是差D想微博佢。。。

   稍后又走过来，见我好似用部手机影野，再加多句，影自己无问题，不过影餐厅的相关食物就唔得。。。哇。。。真是cheap精。。。呢D真是好员工。。。

   无办法，只好用手机随便拍几张，真是想对住条粉肠讲句：哥玩偷拍果阵，你都未出世啦，柒到无朋友！

   不过，都基本无影响我进食心情嘅，本来就对三十几元的自助茶点无乜大期待，填饱下个肚就是。。。

   简单描述一下，其实就是自助餐咁嘅形式，只是食物多数是D糕点、点心，蒸笼、甜品，水果等，现场煮的有肉丸，牛柏叶、牛杂、牛肚、排骨、青菜等等

   比较好食的有榴莲酥，炸得几松脆，内里有旧榴莲，都几香，唔错嘅，可惜无影到相。。。

   还有药膳凤爪，呢个都唔错，汤几香，不过肯定有味精嘅，鸡脚几好，唔会太“林”，还叫师傅飞走D药材，只要鸡脚。。。估计拿了不少于8碗，师傅都认得我们了，无办法，好食的东西不多。。。

白灼牛柏叶就嘛嘛啦，好明显是比也”拿过“的，发涨不少，兼且无味，得过爽。。。

另一样野比较拿得多的是萝卜牛杂，师傅捞上来都算装得几大碗，有牛肺、牛肠，牛膀。。。唯一”好处“是杂多过萝卜，如果按市内几元/小碗计算，我日拿了10来碗，都够吃回本嘅，师傅又都是认得我了。。。

还有一个十分好食的是香芋蒸排骨，呢度的排骨真是唔错，份量足，又多肉，吃落去几嫩滑，用师奶话语形容则是够厚生，市场卖都唔便宜，佢嘅份量，一碗等于市区内一般茶楼的两笼大小。。。是现场用焗炉焗熟的，唔使多讲，以我一惯作风，呢个是全场最好吃，好不客气地，真是唔使唔好意思，估计要了15、16碟会有。。。师傅都识得问我们，今次要牛杂？排骨？凤爪？定是三样一起要。。。

图片已经是吃咗两旧排骨的结果