7-29沙扒回来，又开始报料&晒货，连大树菠萝都搬个番黎，累啊

7-28、29沙扒两天游，见到广州既天气甘样，中星期五晚放工拿拿临去买定件雨衣俾阿B，林住就算落雨都可以俾佢玩下沙咯，考虑得够周到吧，哇哈哈！
首先要报告一下，住+车，七月已经上网团购了89.9/人，星期六出团要加收50/人，民宿升住三星宾馆又加10。加加埋埋就150/人，BB不占位，只买保险10蚊搞掂。一家人两大一小共310蚊。我地两家人一齐去，两个BB有伴玩。
7：30上车，估计8点前开车吧，无睇时间，出发LU。。。
12：30下车，先到沙扒，可能因为宾馆未入住得，又或者旅行团有同果个餐馆挂钩，反正未入到沙扒，就掉低我地食饭了，我地入面睇左下，同之前系妈网睇攻略系偏贵，但都唔算贵到吓人，而且时间又赶，所以唔想行，就直接系落车果间餐馆食。个个挂住食，又要喂B，所以都无影相了。花甲16/2斤、牙菜炒海蜇（味道一般）20、炒芥菜10（超难食）、杂鱼煲58（鲜甜）、墨鱼饼30（超好味）、饭好似10蚊一盆，中有餐具，埋单151蚊。（间野唔记得叫咩名）
13：30又上车，去宾馆（海滨宾馆）。下车时，漏罗阿B既沙滩工具，哈哈。好在阿B提醒，LG先上车罗番。我地等人地分配晒，我地先去登记，结果好好，分配左四楼既房间，全栋高六楼，太低会挡光，我地窗可以睇到半个海，唔错唔错，两张床，1.2&1.5。大床我同BB训，LG训细床，分配好了，换衫出发！！BB已经兴奋到不得了，手罗沙滩工具唔肯放了，可能怕又唔记得罗。

14：45出发去月亮湾。正价门票20，我地稳宾馆既人买，打个八折，即16蚊/人，BB唔使钱。租左部三轮摩托40蚊（两天时间你去边都可以车你去，上年先30蚊，不过油价升左，无办法啦！）
15：00到啦，哇，阿B大叫，开心到晕了！好好彩啊，有少少太阳，又唔算晒，所以唔使租大伞，省一笔，好野！！不过，俾司机水左，话唔可以带水抱，结果我地无买，要系入面租，果D水抱中间太大，阿B根本用唔到，晕！大家千万不要信月亮湾唔可以带水抱（泳圈）之说。月亮湾租水抱，小的租金10蚊，大支怡宝水3蚊。
18：00番宾馆，系月亮湾门口饮左个冰冻椰青8蚊（贵，不过去得玩，算啦，最紧要开心），提前十分钟打电话俾个司机佬黎接我地。
18：15番到宾馆开始洗白白。大洗特洗。。。
19：30休息左一阵，再开发。。司机叔叔介绍我地去肥婆食海鲜，又挂住食既我，无影相

。
司机叔叔介绍，“肥姨”近海边价钱较贵。“肥婆”有两间，一间有空调的（厨师系外地人），一间无空调的（厨师系沙扒当地人）。“梅姨”系三叉路中间，好易稳。（之前系妈网见好多人都系度食，所以我勇于试新，去左其它地方试食，再番黎报料，哈哈）。司机中话，价钱平无用，要够称先得。
我地决定去无空调既“肥婆”试下。哇，一去到，超多人，叫极都无人理。旁边有个人可能唔够食，叫老细帮手加单，老细竟然话，我唔得闲啊，你唔好加单啦

无赖尿虾，唯有点其它啦。。记得海鲜可以讲价。肉蟹48/斤，要左一只就1.6斤了，好大只架（因为自己可以蒸，所以多数出街都食炒，点知超难食，浪费晒只蟹）。沙虾28/斤（觉得唔靓，所以无叫），虎虾85（太贵，所以无食）。海虾55/斤，讲价50/斤（有大有细，要左1.5斤，白灼）。圣子25/2斤（一蚊都唔肯平）。花甲5/斤（比中午细只，好怪，一定要你一叫就15蚊三斤）。虾酱炒豆角（听讲体系特色菜，个个都点，味道都可以，无睇几钱）、炒菜心10（垃圾）、饭2蚊一位任食、两支啤酒（大佬成日挂住饮酒）。埋单251蚊。
总结：味道唔掂、人多服务员少、上菜慢，不过，对比系广州，已经算足称了。我就唔会再去第二次啦，大家自己看着办吧！

跟完饭周围行下，买左紫菜4.5元/两，大响螺片68/斤（原价75，好香，较干身，有D卖60的，不过未干身，所以买左68的），中响螺片52/斤（原价58，好香，有滋阴作用，我个人好喜欢，响螺煲鸡），海带7/扎（5识睇，不过我大嫂话靓，所以照买），墨鱼丝22/斤、龙眼5/斤（其实自己屋企都有种，不过阿仔系都要食，无计），又饮左个椰青6/个（今次算最平了，不过我同事话可以5蚊），孔明灯10/3个（未食饭之前，人地卖10/4个，我地本来林住唔放的，所以无买，点知食完饭就升晒价，全部都5蚊一个，超夸张）。中见有**10/3条（大概25-30CM长，不过我地屋企无咩人食，所以无买）。。。买完野，就去放孔明灯了，果晚天气好好，又无咩风，3个都成功放飞，哈哈！番到宾馆都11点几了，系时候同BB训教了。
第二天
8点几就起身，带BB落楼下食早餐，第一档话粥已卖晒，所以去左第二间，要左一煲蚝仔粥38（鲜甜）+炒米粉18（好细碟，见到第一档人地食紧先10蚊，中比它大碟）+墨鱼饼18（难食）+餐具，埋单72.（唔记得呢间野叫咩名，不过5明，D野又贵又麻麻，点解中可以甘旺。我上年系环城旅店斜对面的蚝仔粥先3蚊/碗，炒粉先10蚊。）
食饱饱后去租单车踩，两个小朋友不知几开心，双人单车唔同广州，唔系前后座的，系左右座的，BB坐中间。15/辆/小时。押金50/辆。当日天气好热，庆幸我地唔系果日去沙滩，未必一定中暑啊。
踩完海边又踩去购物街，见到有肉蟹/斤，买左3只40蚊，笼要5蚊，我地无买，直接用胶袋装。大佬地买左只甲壳的东东，比起饭店果D细只好多，所以唔食得，只可以玩，好似叫“后”。
又到午饭时间，我地去左“宇坚”。还是无赖尿虾，晕，终于食唔到，深深不愤。
圣子25/2斤（街价）、花蟹30+（好似系，因为今餐唔系我点菜）、紫菜墨鱼丸汤25（好香，鲜甜）、番薯叶10、海虾50/斤（上台后发现有几只细既虎虾，味道要比“肥婆”的鲜甜）、白灼海蛰20+（有放醋的，所以我无食）、啤酒8/支（饮左4支）、2升装雪碧8/支、饭1蚊/位任食（饭比“肥婆”的要平），中点左个带子，不过最后无落单，所以无要了，埋单共229.
总结：味道好，锅气够，服务员较多，不过埋单时记得要自己计下数，因为计错左250几蚊，后来我地复单，发现张单多左支天地一号。
食饱后又打电话俾司机车我地番宾馆，起程番广州了，报告完毕，上相啦，哈哈！