三思啊，就好似以前我自己的经历一样。不过我老公无一日出去，但觉得同距性格不合。距通常不理我，等我自生自灭

       我同LG之间存在实在太多问题，我哋嘅性格、爱好、观念基本都有分歧，近几年经常闹交，佢一见我驳嘴，轻则凶我，重则掟嘢，电脑都俾佢掟过。有时在小孩面前大家也互不迁就，每次吵完，我都觉得好对不起仔仔。呢两年，佢经常一落班就约朋友去开台，晚晚玩到凌晨先识得翻屋企，有时甚至玩通宵，我哋见面嘅时间少之极少，开始好唔习惯经常自己一个人喺屋企，后来想想，佢唔痴家都好，起码少佐闹交嘅机会，但一有机会相处就免不了又系闹交收场，闹到我心都攰晒，觉得佢永远唔会静落嚟同我沟通下，我好多时都发短信讲晒我哋之间存在嘅问题，想同佢沟通下，但佢永远当我讲嘅嘢唔当一回事，经常撇低我一个人喺屋企，出边啲朋友一个电话，佢就义无反顾咁出去，我有咩事，佢永远唔会喺我身边帮助我，只识得叫我自己解决，佢啲时间就系咁俾晒出面啲人，甚至佢啲事都系从人哋口中得知，基本上我系最后一个知道嘅，对于佢嚟讲，我呢个老婆喺佢心目中真系可有可无，后来我对佢都已经死晒心，多次向佢提出离婚，佢就当我发up疯，到最后，我干脆搬出去住，喺出面住期间，我哋好少联络，几日唔通个电话都唔觉得有咩问题，因为我哋喺彼此心中嘅位置都唔再重要喇。寻晚佢打电话俾我话我哋好耐都无AA过，我话我唔想翻屋企，佢话唔翻就出去开房，我好唔愿意咁拒绝，但佢有啲强硬要我出嚟，甚至开埋房等我过去，最后我通过短信讲出我哋真系好唔及，既然大家喺埋一齐都系终日以闹交收场，为何仲勉强凑合一起，我话仔仔嘅性格变得比较暴躁，好大程度都系见到我哋成日闹交所致，我唔想仔仔嘅成长受到大人嘅不良情绪影响，仲同佢分析大家都需要边种人做自己嘅伴侣，既然大家都唔系彼此心目中理想嘅人选，倒不如分开俾大家一个机会重新选择一个适合嘅人，可能会幸福过而家。至于仔仔，我希望跟我，因为跟佢嘅话，佢如果再婚，有可能会再生一个，我怕佢第二任妻子会忽略佐我仔仔，而我呢，即使再婚，我都唔打算再生，起码对仔仔嘅爱会比较专一。其实佢知道我呢排搬佐出去住，心情开朗佐，面色好佐，所以都无咩点干涉我喺出面嘅生活，佢话喺出面住都得，就系想我陪佢一两晚，唔准我揾第二个，但我无应承到，因为我系一个好需要有一个愿意陪伴我，分享我嘅喜怒哀乐，照顾我嘅人，如果有个咁嘅人出现，我为何要拒绝呢？我总唔能够自己一个孤独终老，咁样嘅人生仲有咩意义呢？       寻晚佢终于当我讲嘅嘢系认真，唔再当我只系发紧细路女脾气，肯听下我嘅想法，甚至佢可能有啲反醒，但系我个心已经无可能再翻到佢嗰度喇，有啲嘢变佐就系变佐，我好想重新一种新嘅生活。唔知点解，我以为讲晒一直压抑喺我心多时嘅说话，我会舒服晒，但就从讲佐嗰一刻起，我嘅泪水不停咁流，甚至夜晚训觉，喺梦中都喊醒佐，喊到个头都有啲痛，个心都好痛，感觉天旋地转咁，或者可能有啲不舍呱，毕竟我哋一起已经13年，即使无佐当初嘅嗰种感觉，但至少仲有亲情在，可是我唔想再同佢一齐过翻嗰啲终日闹交、郁闷、痛苦嘅日子。

那你们现在怎么样的了。