孩子由谁带好？

　　自我仔出生后因为起名的问题，我同家公闹得好僵，为了个名一直僵足半年，甚至叫我同个仔搬出去（虽然我地不是一起住，但而家住嘅果间屋係佢嘅），我为佐坚持个仔个名一定要用我起的，就算訲天桥底我都无所谓，当中我ＬＧ果边的亲戚帮我讲佐好多好说话，帮我争取佐好多野，无论长辈晚辈都认为我家公已经霸道到无佐人性了，近排我家公突然来一个１８０度大转变话帮我地凑仔，而且我家婆也讲得好有诚意，我觉得既然事情发展到呢一步，如果我再企硬唔俾佢凑又好似有Ｄ过分，而且我ＬＧ主要考虑到几个方面：一、我爸爸年纪大，如果由我父母来凑我个仔，惊到时捱坏我爸爸身体，到时都唔知顾得边个二、而家我地一直都请开保姆，但由于而家挨年近晚，之前果个保姆已经返佐乡下，新请呢个保姆做佐一个星期就嫌辛苦又吵著要走（其实我个仔已经公认好凑，但佢都话呢样辛苦果样又辛苦，仲成日想訲觉，我揾钱都辛苦架，唔係花一千多元请佢返来陪我仔训觉架，乜都唔想做，我都唔知佢出来做呢行做乜架），我ＬＧ唔想话Ｄ保姆换来换去，换一个又要重新适应，又担心佢嘅为人唔知可唔可靠，俾我家公凑话晒都係佢个孙点都放心Ｄ。三、因为之前我同家公关系搞到好僵，我ＬＧ想籍著我个仔搞好我地嘅关系。
　　但我同爸爸都有几点担心：一、我家公声明帮我地凑仔，但唔会叫我起果个名，而叫后来佢逼著我重新起过果个名，如果佢真係咁做，咁样对我个仔嘅成长唔係咁好，因为我家公凑，我个仔对佢嘅时间就会多，而且我个仔而家逐渐开始懂事（我个仔而家七个月），正係呀呀学语嘅阶段，我家公唔叫我起果个名，咁即係话我之前果半年所有争取返来嘅嘢都係白费，而我个仔亦都以为自己叫嘅係另一个名。二、由于我个仔由出世第一天开始从来未离开过我，我爸爸也凑过佢唔少，相反我家公就起名事件对我个仔不闻不问，我爸爸对我个仔有着好深的感情，一时间个孙俾佐佢哋凑会好难接受。三、由于我家婆喺从化工作，每个月先至返来广州两至三次，我家公也跟埋我家婆去从化，因此我个仔有时就会带去从化凑（虽然我家公话尽量会喺广州），咁样就变佐我同爸爸要见我个仔都变得好唔方便，尤其我爸爸，我个仔係佢嘅精神寄托，虽然有时凑佢好辛苦，但对著佢又係一种乐趣，所以变得好唔习惯。四、因为有时我个仔会被我家公带去从化凑，我就担心因为果度係乡下地方，好怕凑佐一段时间返到来广州，会搞到我个仔变成一个打大赤脚周街走、口水鼻涕条条fing、讲野又带点从化口音的乡下仔。五、呢点亦都最令我爸爸担心嘅一个问题，因为之前我家公因为个名甚至讲出话要我同个仔搬走，忽然间又话帮我揍仔，呢一点好令人怀疑佢唔知有无乜目的，爸爸好担心我家公第日霸著我个仔，连我个仔都无埋，所以之前我爸爸话宁愿辛苦Ｄ俾我爸爸妈妈凑都唔想俾我家公凑，虽然而家我家公家婆都好似好有诚意话帮我凑仔，亦都声明并唔係霸著我个仔凑，只係考虑到我同ＬＧ又要上班，请保姆又唔係长久之计，所以先至帮我地凑仔。
　　综上所述，恳请各位ＪＭ就我家公所做出嘅行为，个仔究竟俾唔俾我家公凑俾Ｄ可取嘅意见。

全部回帖

猪头秉的妈沙发

我都曾经因为个仔的名字和家公闹不和,情况和你差不多,又是只有他一个人话好,但最后就我定一个字他定一个,但我是同他们一起住的,他们对我都好好.但如果我是你,我情愿不上班我都自己带B,有能力的就请个工人帮轻下自己.
态度忽然转变,其实你自己都古到是咩事的拉.带佐去从化都不知道会点,现在BB还没给他句紧是咩都答应你的拉,

2007/12/28回复