之前去澳门同香港都坐过佢地既双层观光巴士，搭上巴士就可以沿着景点兜一圈啦，感觉超正，估唔到最近广州都推出哩种巴士啦！哈哈哈，一样的双层，一样的味道！[图片]听讲好巴闭，有个豪华全景天窗，睇风景真系一流啦！不过广州一年365日都好晒，唔知到时会唔会好热……[图片]除此之外，亮点都几多下，例如有一个先进的GPS自动定位的八国语音解说系统，随时为游客讲解景点，不过就觉得有D鸡肋，三种就够啦：粤语、普通话、英语，咁多都听唔切……[图片]仲有一个移动博物馆，展览广府文化，同埋车上都有个迷你小卖部，可以买纪念品明信片同饮料之类的，感觉好丰富啊！[图片][图片]观光巴士9月25-9月30日进行试运营啦，10月1日正式对市民开放。推广期间6折，票价50蚊，折后即系30蚊，听讲话推广期会好长~~24小时内有效，营运时间内不限乘坐次数，如果搭足一日，价钱都还算优惠吧！